Gálatas 4:17 - Bible in Tzeltal Bachajón

¹⁷ Te yantic xut'et yo'tanic ta atojolic, pero ma ha'uc yu'un alequilic; ha nax ya sc'anic te parte yac awac' abahic ta jtojolcotic, scuenta yu'un ayuc xut'et awo'tanic ta stojolic a.

Nuevo Testamento Tzeltal de Amatenango

¹⁷ Te yanetike ben jun yoꞌtanik ta atojolik te jaꞌexe, pero ma slekilikuk te tut snopoje. Te tut ya skꞌanike jaꞌ te ya slokꞌesex ta jtojol, yuꞌun ben jun awoꞌtanik ya xkꞌoex ta stojolik.

Bible in Tzeltal de Oxchuc y Tenejapa

¹⁷ Te yantique bin nax yo'tanic ta atojolic, ja'uc me to, ma lecuc te bila snopojic ta yo'tanique. Yo'tan ya sloq'uesex ta jtojol, swenta yu'un jich me bin nax awo'tanic ya xc'oex ta stojolic stuquelic.

Gálatas 4:17 Referans Kwoze

Romanos 16:18

como te mach'atic hich ya spasic, ma ha'uc yac'oj sbahic ta a'batinel yu'un te Cajwaltic Jesucristo, ha nax ya spasic te bin ya sc'an yo'tanic stuquel. Ta scuenta t'ujbil c'opetic soc te bintic lec ta a'iyel ya slo'loybe yo'tanic te mach'atic ma sna'ic stsahtayel.

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.

1 Corintios 4:8

Ayix awu'unic spisil, jc'uhlejexix, ochemex ta ajwalil, pero ma ha'uc ta jcuentacotic. ¡Co'tanuc te yacuc x'ochex ta ajwalil, scuenta yu'un pajal ya x'ochotic ta ajwalil a!

Romanos 10:2

Ho'on testigohon yu'unic te bin ut'il ay yip yo'tanic ta sch'uhunel Dios, pero ma hichuc te bin ut'il ay te bin smelelil ay ta na'ele.

San Mateo 23:15

¡Ay me awocolic, escribanohetic, fariseohetic, jchebal-o'tanex! como yac abehentayic mar soc q'uinal ta slehel mach'a yac awa'be sch'uhunic Dios ta ac'opic, soc teme la sch'uhunic, cheb buelta c'ax hich nich'anil yu'un infierno ya xc'oht awu'unic a te bin ut'il te ha'exe.

2 Pedro 2:18

Ya xc'opojic ta toyba c'op soc tojol c'op, soc ta scuenta te bin chopol ya smulan ch'ich'-baq'uet ya smonic a te mach'atic ma to haluc ahnic loq'uel ta stojol te mach'atic howiyemic.

Filipenses 2:21

Como spisilic ya slehic bin ya sc'an yo'tanic stuquelic, ma ha'uc te bin ya sc'an yo'tan te Cristo Jesús.

2 Corintios 11:3

Pero hich te bin ut'il te chan la smombe yo'tan ta lo'loyel te Eva, ya jxi' te ay wan bin ut'il ya showiytesbeyex te snopojibal awu'unic, te hich ma junuquix awo'tanic ta stojol Cristo.

1 Corintios 11:2

Quermanotac, lec ac'oblalic cu'un te bin ut'il yac ana'onic soc awac'oj ta awo'tanic te p'ijubtesel la jcalbeyex hilele.

1 Corintios 4:18

Ay mach'atic te stoyoj sbahic, yu'un scuyojic te ma ba ya xtal quilex.

Gálatas 4:16

¿Yu'un bal acontra c'ohemonix yu'un te la jcalbeyex te bin melele?

Gálatas 4:18

Lec te ay xut'et awo'tanic spisil ora yu'un te bin leque, ma ha'uc nax te c'alal joquinejex a.