Gálatas 4:14 - Bible in Tzeltal Bachajón

¹⁴ Aunque c'ax awocolic yu'un te ayon ta chamel, ma ba la ap'ajonic soc ma ba la awihlayonic yu'un, hich la awic'onic te bin ut'il ch'ul a'bat yu'un Dios, hich te bin ut'il Cristo Jesús.

Nuevo Testamento Tzeltal de Amatenango

¹⁴ Te chamele jun prewa yuꞌun jaꞌex te ma la achꞌojikon lokꞌel sok ma la apꞌajikon yuꞌun te jchamele. Yuꞌun ben lek la awikꞌikon jich tutꞌil jtul ángel yuꞌun Dios o jich tutꞌil te Cristo Jesuse.

Bible in Tzeltal de Oxchuc y Tenejapa

¹⁴ Te chamel te la stsacone, yiljibal co'tan. Ja'uc me to, ma la awilayonic, ma la ap'ajonic. Bin nax awo'tanic la anajc'anonic. Jich c'oon ta awo'tanic te bit'il ch'ul abat yu'un te Diose soc jich c'oon ta awo'tanic te bit'il Jesucristoe.

Gálatas 4:14 Referans Kwoze

San Mateo 10:40

Te mach'a ya yiq'uex, ho'on me ya yic'on abi; te mach'a ya yic'on, ha me ya yic' te Mach'a la sticonon tale.

1 Tesalonicenses 2:13

Ha yu'un spisil ora ya calbecotic wocol Dios, como te c'alal la awich'ic ta muc' te sc'op Dios te la jcalbeyexcotic, ma ba la awich'ic hich te bin ut'il sc'op winiquetic, hich la awich'ic te bin ut'il sc'op Dios, te melel ha nix a, te ha ya x'a'tej ta awo'tanic ha'ex te ach'uhunejique.

Hebreos 13:2

Ma me xch'ay ta awo'tanic te ya x'otseswanex ta anahic, como ay mach'atic hich la spasic te ma ba la sna'ic te la yic' ochel ta snahic ch'ul a'batetic.

2 Corintios 5:20

Ha yu'un ticombilotic yu'un Cristo, hich c'ohem te bin ut'il Dios yac ta c'op ta stojolic ta jcuentatic. Ya calbeyex wocol ta scuenta sbihil te Cristo: Junuc me awo'tan abahic soc Dios.

Malaquías 2:7

Como te ye te sacerdotehetic ya sc'an ya scanantay te p'ijil-o'tanil, soc tey ya sle a te Ley te pueblohe; como te sacerdote ha jal-c'op yu'un Jehová te scuentahinej spisil.

Zacarías 12:8

Ta hich ora te Jehová ya scanantay te mach'atic nahinemic ta Jerusalén. Te mach'atic mayuc yipic, ta hich ora hich ya xc'ohtic te bin ut'il David, soc te sna David hich ya xc'oht te bin ut'il Dios, hich ya xc'oht te bin ut'il ch'ul a'bat yu'un Jehová te ya xnahilij bahel ta stojolic.

2 Samuel 19:27

Pero la slehix ta c'op te a'bat awu'un ta stojol te ajwalil cu'un. Pero te ajwalil cu'un hich ay te bin ut'il ch'ul a'bat yu'un Dios. Pasa hiche te bin lec yac awa'iy.

2 Samuel 14:17

Ha yu'un hich ya yal te a'bat awu'une: Ha'uc me smuc'ul co'tan te suhtib sc'op te ajwalil cu'un, como te ajwalil cu'un hich c'ohem te bin ut'il ch'ul a'bat yu'un Dios yu'un stsahtayel te bin lec soc te bin ma lecuc. Ac'a sjoquinat te Jehová te Dios awu'un, xchi.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

Gálatas 4:13

pues ana'ojic te ta scaj chamel te la jcalbeyex awa'iyic ta shahchibal te lec yach'il c'ope.

1 Corintios 4:10

Cuybilotcotic te mayuc bin jna'ojcotic ta scuenta Cristo, yan te ha'exe buen p'ijex ta scuenta Cristo; te ho'otcotic mayuc quipcotic, yan te ha'exe bayel awipic. Te ha'exe ich'bilex ta muc', yan te ho'otcotic p'ajbilotcotic.

1 Corintios 1:28

soc ha tsahbil c'oht yu'un Dios te bin mayuc stuc soc te bin p'ajbil ta bahlumilal, soc te bin ma ba ay, scuenta yu'un ya slajimbe sc'oblal te bin aye,

San Juan 13:20

Tulan sc'oblal ya calbeyex, te mach'a ya yich' ta cuenta te mach'a ticombil cu'une, ho'on me la yich'on ta cuenta abi; soc te mach'a la yich'on ta cuenta, ha la yich' ta cuenta te mach'a la sticonon tale, xchi.

San Lucas 10:16

Te mach'a ya ya'iybeyex ac'opic, ho'on me ya ya'iybon jc'op abi; te mach'a ya sp'ajex, ho'on me ya sp'ajon; soc te mach'a ya sp'ajon, ha ya sp'aj te mach'a la sticonon tale, xchi.

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

San Mateo 18:5

Soc mach'ayuc a te ta scuenta jbihil ya yic' jtuhluc alal hich te bin ut'il te alal ini, ho'on me la yic'on abi.

Eclesiastés 9:16

Ha yu'un hich la jcal: Ha lec xan te p'ijil-o'tanil te bin ut'il te yipe, aunque p'ajbil te sp'ijil yo'tan te pobre winic soc ma x'ich'ot ta cuenta te sc'ope.

Salmos 119:141

Peq'uelon soc ihlaybilon, pero ma ba jch'ayoj ta co'tan te mandariletic awu'une.

Job 12:5

Te mach'a seguro ay, ya yihlay te wocole, ya yihlaybe swocol te mach'a ya xbilts'uj yoc.

Gálatas 3:26

Apisilic yal-snich'anex Dios ta scuenta bin ut'il ach'uhunejic te Cristo Jesús,

Gálatas 3:28

Mayuquix judío o griego; mayuc moso o mach'a ay ta libre; mayuc winic o ants, como junax c'ohemex ta apisilic ta scuenta Cristo Jesús.

Gálatas 4:15

¿Banti ayix a te yutsil awo'tanic te ay ta nahil to? Como ya cal ta testigo-c'op, te hu'uc awu'unic, la aloq'ues asitic yu'un yac awa'bonic te hichuque.