Gálatas 4:12 - Bible in Tzeltal Bachajón

¹² Awocolicuc, quermanotac, hichuc me ya xc'ohex te bin ut'il te ho'one, como ha nix hich c'ohon te bin ut'il ayexe. Mayuc bin chopol la apasbonic,

Nuevo Testamento Tzeltal de Amatenango

¹² Kermanotak, awolilikuk jich xꞌapasik tutꞌil joꞌone, porke jich me ya jpas ekꞌa te tutꞌil jaꞌexe. Ma yuꞌunuk ay tut ma tsaꞌamuk apasojbonikix.

Bible in Tzeltal de Oxchuc y Tenejapa

¹² Quermanotac, ya calbeyex bayal wocol te jichuc ya xc'oex te bit'il ayone, te melel jich nix ayon uuc te bit'il ayexe. Ma'yuc la awac'bonic jwocol.

Gálatas 4:12 Referans Kwoze

2 Corintios 2:5

Teme ay mach'a la yac'on ta mel-o'tan, ma ho'ucon nax jtuquel te la yac'on ta mel-o'tan, ay nix la yaq'uex ta mel-o'tan ta apisilic, (teme ma ba ya xjelawon ta c'op ta atojolic).

1 Reyes 22:4

Hich la sjoc'obe te Josafat: ¿Ya bal ac'an yac ajoquinon ta ya'beyel guerra te Ramot yu'un Galaad? xchi. Jun ayotic, jun ay te pueblo cu'untic soc jun ay te cawuhetic cu'untic, xchi te Josafat te ajwalil yu'un Israel.

Génesis 34:15

Pero ya xhu' ya jpascotic teme hich yac apasic: teme pajal ya xc'ohotic, ha te ya yich'ic circuncisión spisil winiquetic ta awohlilic.

Gálatas 6:14

Pero ma jaymehluc te ay bin ya cal yutsil jc'oblal yu'une, ha nax ya calbe yutsil sc'oblal te cruz yu'un te Cajwaltic Jesucristo, te ha ta scuenta te laj sc'oblal ta co'tan te bahlumilal soc te ha nix hichon lajon ta stojol te bahlumilale.

Gálatas 2:14

Pero te c'alal la jquil te ma stojiluc yac spasbelic te bin ya yal te smelelil c'op yu'un te lec yach'il c'op, hich la jcalbe te Pedro ta comonsitil: Teme ha'at judíohat hich ya xcuxajat te bin ut'il jyanlumetic, ma hichuc te bin ut'il judío, ¿bin yu'un yac asuj te jyanlumetic te hich ya xcuxajic te bin ut'il te judíohetique? xchihon.

2 Corintios 6:13

Scuenta yu'un hich nix awo'tanic te bin ut'il te co'tancotic, hich ya jc'oponex te bin ut'il cal-jnich'nab: Jama awo'tanic ec.

Hechos 21:21

Pero puhquem ac'oblal ta stojolic te ha'at yac awa'be snop spisil judíohetic te nahinemic ta yohlil jyanlumetic te ma me sch'uhuniquix te bin ya yal Moisés, te yac awalbe te ma me xya'beyiquix yich' circuncisión te snich'anic soc te manchuc ya spasiquix te jcostumbretique.

Gálatas 6:18

Quermanotac, ayuc me ta awo'tanic te yutsil yo'tan te Cajwaltic Jesucristo. Hichuc.

2 Corintios 6:11

Quermanotac corintohetic, jamal la jc'oponexcotic, soc la jambeyexcotic te co'tancotique.

Gálatas 4:11

Ya jxi' te tojol a'tejemon ta awohlilic.

Gálatas 4:13

pues ana'ojic te ta scaj chamel te la jcalbeyex awa'iyic ta shahchibal te lec yach'il c'ope.