Gálatas 3:21 - Bible in Tzeltal Bachajón

²¹ ¿Yu'un bal te Ley ya scontrahin te bintic yaloj te Diose? ¡Ban c'an hichuc! Como te yacuc xhu' ya yac' cuxlejal te Ley, toj ya x'ilotic yu'un Dios ta scuenta sch'uhunel te Ley te hichuque.

Nuevo Testamento Tzeltal de Amatenango

²¹ ¿Me jaꞌ ya skꞌan xyal te mantaliletik yuꞌun jMoises te jaꞌ skontrainej te tutik sjapoj te Diose? Ma jichuk. Porke te mantaliletik te yauk yakꞌ kuxlejale, jich ya xjuꞌ te libre ay yuꞌun smul te machꞌa jich ya spas te tut ya yal te mantaliletike.

Bible in Tzeltal de Oxchuc y Tenejapa

²¹ Te mandalile, ¿ya bal xch'aybey sc'oplal te bila yaloj Dios ta trato? ¡Ma jichuc! Te yu'unuc ayuc mandalil te ya xju' ya xcuxinotic yu'une, jich toj ya yilotic Dios yu'un xch'uunel te mandalil te jichuque.

Gálatas 3:21 Referans Kwoze

Gálatas 2:21

Ma ba ya jp'ajbe te yutsil yo'tan te Diose; como teme lec ya xc'ohotic ta stojol Dios ta scuenta te Ley, tojol cham Cristo abi.

Romanos 9:31

yan te Israel, te la st'unic bin ut'il toj ya xc'ohtic ta stojol Dios, ma ba la stahic stuquelic.

Gálatas 2:19

Ta scuenta te Ley chamenonix ta stojol te Ley, scuenta yu'un ya xcuxajon ta stojol te Diose.

Gálatas 2:17

Teme ya jlehtic bin ut'il toj ya x'ilotic ta scuenta Cristo, pero teme chican te ha nix hich jmulawilotic, ¿yu'un bal ha ya yac' ta pasel mulil te Cristo? ¡Ban c'an hichuc!

Romanos 3:31

¿Yu'un bal ya jlajimbetic sc'oblal te Ley ta scuenta te sch'uhunel-o'tanil? ¡Ban c'an hichuc! Ha ya caltic te ay sc'oblal te Ley.

Romanos 3:4

¡Ban c'an hichuc! Dios spisil ora ya spas te bin smelelil, ha jlotetic spisil ants-winiquetic; como hich ts'ihbabil: Scuenta yu'un ya xchicnaj te toj ayat ta scuenta bintic yac awal, soc te yac awa'iy tsalaw c'alal ya x'ich'otat ta c'op, te xchihe.

Romanos 3:6

¡Ban c'an hichuc! Teme hich ay, ¿bin ut'il c'an ich'otuc ta c'op yu'un Dios te bahlumilale?

Hebreos 11:7

Ta scuenta sch'uhunel yo'tan te Noé, c'alal halbot yu'un Dios sc'oblal bintic ma to chicanuc ta ilel, jun yo'tan la spas te barco te banti col soc te mach'atic ay yu'une. Ta scuenta sch'uhunel yo'tan la yalbe smul te bahlumilal soc a'bot yich' te stojil-o'tanil te ya xtal ta scuenta sch'uhunel-o'tanil.

San Lucas 20:16

Ya me xtal smil te j'a'teletic, yantic mach'a ya ya'be scuentahin te sts'usubile, xchi te Jesús. C'alal hich la ya'iyic: ¡Dios ac'a te ma hichuc ya xc'oht ta pasel! xchihic yu'un.

2 Corintios 3:7

Te ya'tel te ley te ya yac' lajel, te ts'ihbabil ta ton, teme hich tal soc yutsilal, scuenta yu'un te israeletic ma ba hu' yu'unic yilbeyel sit yelaw te Moisés ta scaj sts'anabul, te ch'ay bahel ta hich ora,

Gálatas 6:14

Pero ma jaymehluc te ay bin ya cal yutsil jc'oblal yu'une, ha nax ya calbe yutsil sc'oblal te cruz yu'un te Cajwaltic Jesucristo, te ha ta scuenta te laj sc'oblal ta co'tan te bahlumilal soc te ha nix hichon lajon ta stojol te bahlumilale.

Hebreos 7:18

Hich laj sc'oblal te mandaril ay ta nahil to ta scaj te mayuc yip soc mayuc bin tuhun yu'un a,

Hebreos 7:19

(como mayuc bin jc'axel lecub yu'un te Ley), hich chicnaj yan smuc'ul-o'tanil te ha lec xan, te ha ta scuenta te ya xnohpojotic ta stojol te Diose.