Gálatas 3:16 - Bible in Tzeltal Bachajón

¹⁶ Bueno, ay bintic yaloj Dios ta stojol Abraham soc te sts'umbale. Ma ba ya yal: soc spisil sts'umbal, ma xchihuc, hich te bin ut'il sc'oblal tsobolic ya'iyel, pero jtuhl nax: soc ats'umbal, xchi, ha te Cristo abi.

Nuevo Testamento Tzeltal de Amatenango

¹⁶ Jaꞌ nax jich, Dios la sjapbey ta skuenta jꞌAbraham y sok te stsꞌumbale. Te Sjun Diose ma jaꞌuk ya yalbe: “spisil te atsꞌumbale”. Jaꞌ ya yal: “te atsꞌumbale”, y “te atsꞌumbale”, te xchie, jaꞌ te Cristoe.

Bible in Tzeltal de Oxchuc y Tenejapa

¹⁶ Te Abraham albot yu'un Dios te bi yilel ya xc'ot soc te sts'umbale. “Ta spisil te ats'umbale”, ma xiuc te Sjun Diose, melel ma ja'uc la yalbey sc'oplal ta spisilic. “Ats'umbal” xi', melel jtul nax te ay sc'oplal te sts'umbale. Ja' nax te Cristoe.

Gálatas 3:16 Referans Kwoze

Romanos 4:13

Ma ha'uc ta scuenta te Ley te halbot yu'un Dios te Abraham soc te sts'umbal te ya x'a'bot yich'ic te bahlumilal, pero ta scuenta bin ut'il ilot te toj ay ta scuenta sch'uhunel yo'tan;

San Lucas 1:55

te Abraham soc te sts'umbal scuenta sbahtel q'uinal, hich te bin ut'il yalbeyej te jme'jtatic, xchi te María.

Romanos 4:16

Ha yu'un ya xtal ta scuenta sch'uhunel-o'tanil te bin halbil ta jamal, scuenta yu'un ay ta scuenta yutsil-o'tanil soc ma xch'ay ta stojol spisil sts'umbal Abraham, ma ha'uc nax te mach'atic cuentahimbilic yu'un te Ley, ha nix hich te mach'atic ay sch'uhunel yo'tanic hich te bin ut'il Abraham, te ha jtatic ta jpisiltic,

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Gálatas 3:8

Te Shun Dios, te bin ut'il nahil yiloj te toj ya x'ilotic yu'un Dios te jyanlumetic ta scuenta sch'uhunel yo'tanic, nahil la yalbe te Abraham te lec yach'il c'op, te hich la yal: Ya me x'a'bot bendición spisil nacionetic ta acuenta, te xchi sc'oblale.

Génesis 12:3

Ya ca'be bendición te mach'a ya ya'bat bendición, soc ya jbohlobtesbe sc'oblal te mach'a ya sbohlobtesbat ac'oblal. Soc ha'at ta acuenta ya me yich' bendición spisil ants-winiquetic ta bahlumilal, xchi sc'oblal.

Hechos 3:25

Ha'ex yal-snich'anex te jalwanejetic soc ay ta acuentahic te c'op chapbil yu'un Dios soc te jme'jtatic, te hich la yalbe te Abraham: Ta scuenta ats'umbal ya x'a'bot bendición spisil ta chahp te mach'atic ayic ta bahlumilal, te xchihe.

Génesis 21:12

Pero halbot yu'un Dios te Abraham: Ma xamel awo'tan yu'un te querem soc te criada awu'une. Ch'uhuna spisil te bin ya yalbat te Sara, como ta scuenta Isaac ya xchicnaj ats'umbal.

Colosenses 3:11

Tey mayuc griego o judío, teme yich'oj circuncisión o ma ba yich'oj circuncisión, bárbaro o jyanlum, moso o mach'a libre ay, ha nax ay sc'oblal stuquel te Cristo soc te ay ta co'tantic jpisiltic.

Génesis 15:5

Hich la yic' loq'uel ta fuera soc la yalbe: Ilawil te ch'ulchan, ahtaya te eq'uetic teme ya xhu' awu'une, xchi. Soc la yalbe xan: Hich yipal ats'umbal ya xc'oht, xchi.

1 Corintios 12:27

Ha'ex sbaq'uetalex Cristo soc jujutuhlex yu'unex te sbaq'uetal.

1 Corintios 12:12

Hich te bin ut'il bayel ta chahp bintic ay ta baq'uet, pero junax ay; aunque bayel ta chahp, pero junax baq'uet ay; hich nix ay te Cristo.

Romanos 12:5

ha nix hichotic, aunque tsobolotic, junax jbaq'uetaltic ta scuenta Cristo, junax c'ohemotic.

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

Colosenses 2:19

ma ba jun ay soc te Jolal, te ha ta scuenta te spisil te sbaq'uetal, te mac'limbil soc te ts'acticlanej sba soc schihal, ya xmuc'ub hich te bin ut'il Dios ya yac' ya xmuc'ube.

Efesios 5:32

Wocol ta na'el te muquen c'op ini, pero ya calbe sc'oblal te iglesia soc te Cristo.

San Mateo 1:1

Ha shunal te cajalcaj me'iltatiletic yu'un Jesucristo, sts'umbal David, sts'umbal Abraham.

Romanos 9:4

te ha israeletic te ha yu'unic te iq'uel ta al-nich'anil, ha yu'unic te utsilal, te chapbil-c'op, yich'el te Ley, yich'el ta muc' te Dios soc te bintic halbil hilel ta jamal.

2 Corintios 11:22

¿Ha'ic bal hebreohetic? Ha nix hichon. ¿Ha'ic bal israeletic? Ha nix hichon. ¿Ha'ic bal sts'umbalic Abraham? Ha nix hichon.

Gálatas 3:19

Ha yu'un ¿banti ya xtuhun te Ley? Ha a'bot ta scaj sc'axuntayel mandar, ha to c'alal tal te sts'umbal Abraham, te ha nix yu'un te bin yaloj ta jamal te Diose; soc ha la yich' aq'uel ta scuenta ch'ul a'batetic, ha a'bot te mach'a ya xc'opoj yu'un te pueblo.