Gálatas 3:12 - Bible in Tzeltal Bachajón

¹² Ta stojol te Ley mayuc sc'oblal te sch'uhunel-o'tanil, como hich ya yal: Te mach'a ya spas spisil ini hich ya xcuxaj a, xchi.

Nuevo Testamento Tzeltal de Amatenango

¹² Pero te mantaliletik yuꞌun te jMoisese ma xyichꞌ ta jkuenta te xchꞌuunel-oꞌtanile. Yuꞌun jich ya yal: “Te machꞌa ya xchꞌuun spasel spisil te mantaliletike, ya me xkuxuyin yuꞌun”, xchi me.

Bible in Tzeltal de Oxchuc y Tenejapa

¹² Ma'yuc sc'oplal ya xc'ot te xch'uunjel-o'tanil yu'un te mandalile. Melel jich ts'ibubil jilel: “Ya me xcuxin te mach'a ts'acal ya spas te bi ya yal te mandalile”, te xie.

Gálatas 3:12 Referans Kwoze

Levítico 18:5

Ha yu'un ch'uhunahic spasel te bintic chapal cu'un soc te bintic caloj ta mandar. Te mach'a ya spas, ya me xcuxaj yu'un. Ho'on, Jehovahon.

Nehemías 9:29

La atsitsticlan te yacuc suhtic xan ta stojol te Ley awu'une; pero bayel la stoy sbahic, ma ba la yich'ic ta cuenta te mandariletic awu'un, la sta smulic ta stojol te bintic halbil awu'un, te ha ya ya'be scuxlejal te mach'atic ya sch'uhunic spasel. La swalac'patiyic scuenta toybahil, tulan la yac' sbahic, ma ba la sc'an la ya'iyic.

Romanos 4:14

yu'un teme ya yich'ic te mach'atic ayic ta scuenta te Ley, tojol te sch'uhunel-o'tanil soc ya xlaj sc'oblal te bin halbil ta jamal te hichuque.

Romanos 4:16

Ha yu'un ya xtal ta scuenta sch'uhunel-o'tanil te bin halbil ta jamal, scuenta yu'un ay ta scuenta yutsil-o'tanil soc ma xch'ay ta stojol spisil sts'umbal Abraham, ma ha'uc nax te mach'atic cuentahimbilic yu'un te Ley, ha nix hich te mach'atic ay sch'uhunel yo'tanic hich te bin ut'il Abraham, te ha jtatic ta jpisiltic,

Ezequiel 20:11

La jca'be te halbil mandariletic cu'un soc la jca'be sna'ic te leyetic cu'un, te ha ta scuentahic te ya xcuxajic te mach'atic ya sch'uhunique.

Romanos 11:6

Teme ta scuenta yutsil-o'tanil, yu'un nix ma ta scuentahuc ya'telic a; te ha'uc ta scuenta ya'telic, ma ha'uquix yutsil-o'tanil te yutsil-o'tanile.

San Mateo 19:17

Halbot yu'un te Jesús: ¿Bin yu'un te la awal te lecon ta winiquil? Mayuc mach'a lec, ha nax jtuhl, ha te Diose. Pero teme yac ac'an yac ata acuxlejal, pasa te bin ya yal te mandariletique, xchi.

Ezequiel 20:13

Pero la stoy sbahic ta jtojol ta jochol taquin q'uinal te sna Israel; ma ba la st'unic te mandariletic cu'un soc la sp'ajic te leyetic cu'un te ha ta scuentahic te ya xcuxajic te mach'atic ya sch'uhunique; soc jc'axel la sbohlobtesbonic sc'oblal te sc'ahc'alel cux-o'tan cu'une. Ha yu'un la jcal te ya jmal cohel quilimba ta stojolic ta jochol q'uinal yu'un ya jlajinlan.

Romanos 7:10

La jquil te ha nix te mandaril te sc'oblal ya yac' cuxlejal, la yac'on ta lajel,