Gálatas 3:1 - Bible in Tzeltal Bachajón

¹ ¡Galaciahetic, ma xana'ic q'uinal! ¿Mach'a la smombeyex awo'tanic scuenta yu'un ma ba yac ach'uhuniquix te smelelil c'op, te ha'ex te jamal a'botex awil ta asitic bin ut'il laj ta cruz te Jesucristo?

Nuevo Testamento Tzeltal de Amatenango

¹ Jaꞌex Galataetik, te ma pꞌijukexixe, ¿Machꞌa a yaꞌbeyex chamel? Te tut la kalbetikexe, la kakꞌtik ta ilel ta asitik te Jesucristo te jojkꞌanot ta kruse.

Bible in Tzeltal de Oxchuc y Tenejapa

¹ Te ja'ex galaciaetic, ¿bi la apas te ma x'ana'iquix q'uinale? ¿Mach'a la sboltesbeyex awo'tanic te ma ba ya ac'an ya ach'uuniquix te smelelil c'ope? Melel jamal la jcholbeyex awaiyic ta melel. Jich la cac'beyex awilic ta asitic ta comon c'oem te bit'il la yich' jijp'anel ta cruz ta jwentatic te Jesucristoe.

Gálatas 3:1 Referans Kwoze

2 Corintios 11:3

Pero hich te bin ut'il te chan la smombe yo'tan ta lo'loyel te Eva, ya jxi' te ay wan bin ut'il ya showiytesbeyex te snopojibal awu'unic, te hich ma junuquix awo'tanic ta stojol Cristo.

Apocalipsis 2:20

Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.

Gálatas 1:6

Jchahp ya ca'iy a te ora nax la awihquitayic te Mach'a la yiq'uex ta scuenta yutsil yo'tan te Cristo, yu'un yac at'unic yan yach'il c'op.

1 Pedro 4:17

Como yorahilix te ya xhahch ta ich'el ta c'op te mach'atic yu'un Dios; teme ha nahil ya xhahch ta jtojoltic, ¿bin ut'il ya xc'ohtic ta loq'uel te mach'atic ma sch'uhunic te lec yach'il c'op yu'un te Diose?

2 Pedro 2:18

Ya xc'opojic ta toyba c'op soc tojol c'op, soc ta scuenta te bin chopol ya smulan ch'ich'-baq'uet ya smonic a te mach'atic ma to haluc ahnic loq'uel ta stojol te mach'atic howiyemic.

Hebreos 11:8

Ta scuenta sch'uhunel yo'tan te Abraham, c'alal ic'ot yu'un Dios, la sch'uhun mandar te ya xbaht ta yan lugar te ya x'a'bot yich'; hich loc' bahel, ma ba sna'oj te banti yac ta bahele.

Efesios 4:14

Hich ma ba alalotiquix te xyal xmo te co'tantic, te bayuc ya x'ic'ototic bahel yu'un biluc nohptesel soc te lo'loyel yu'un winiquetic te yac slo'loybelic ta scuenta te lo'loywanej yu'unique;

Gálatas 4:9

Pero yo'tic, te bin ut'il yac ana'beyiquix sba te Diose, o lec xan ya caltic te na'bilexix abahic yu'un Dios, ¿bin yu'un te ya xcha'suhtex xan ta apatic ta stojol te bintic mayuc yip soc te bintic scuenta bahlumilal, te c'an awac' xan abahic ta mosohil yu'un?

Gálatas 3:3

¿Yu'un bal ma xana'ic q'uinal? Te bin ut'il hahchex ta scuenta te Espíritu, ¿yo'tic bal yac ahu'tesic ta scuenta ch'ich'-baq'uet?

1 Pedro 1:22

Te bin ut'il la alecubtesbeyex ach'uhlelic ta scuenta te la ach'uhunic te smelelil c'op, ta scuenta te Espíritu, te hich c'ux yac awa'iy abahic ta awo'tanic ta melel, talel c'axel c'ux me xawa'iy abahic ta spisil awo'tanic,

Hebreos 5:9

soc te c'alal ts'acal c'oht, ha J'ac'-colel c'oht scuenta sbahtel q'uinal yu'un te mach'atic ya sch'uhumbeyic smandar,

Efesios 5:15

Ha yu'un tsahtaya me abahic ta lec bin ut'il ya x'ayinex ta q'uinal, p'ijanic me, ma me hichuquex te bin ut'il mach'atic ma sna'ic q'uinal,

1 Timoteo 6:4

ha stoyoj sba soc mayuc bin ya sna', ha nax ay ta yo'tan shachel c'op soc tentamba-c'op te ya yac' hahchuc bic'tal-o'tanil, tsaltamba-c'op, bohlc'op, te chopol ya yil yan,

Gálatas 2:14

Pero te c'alal la jquil te ma stojiluc yac spasbelic te bin ya yal te smelelil c'op yu'un te lec yach'il c'op, hich la jcalbe te Pedro ta comonsitil: Teme ha'at judíohat hich ya xcuxajat te bin ut'il jyanlumetic, ma hichuc te bin ut'il judío, ¿bin yu'un yac asuj te jyanlumetic te hich ya xcuxajic te bin ut'il te judíohetique? xchihon.

1 Corintios 11:26

Ha yu'un te jujun buelta te yac awe'ic te pan soc te yac awuch'ic te bin ay ta copa ini, ha yac apuquic ta halel te cham te Cajwaltic, ha to c'alal ya xcha'tal xan.

1 Corintios 2:2

como la jnop te mayuc yan bin ay ta co'tan c'alal ayon ta awohlilic a, ha nax te Jesucristo te laj ta cruz.

Romanos 6:17

Pero wocol yal Dios, aunque smosohinejex te mulil ta nahil to, jun awo'tan ach'uhunejiquix te bin ac'ot anopique.

Romanos 2:8

yan te mach'atic stuquel ya sle yutsil slequilic soc te ma ba ya sch'uhunic te smelelil c'op, te ha ya'telinejic spasel bintic ma stojiluc, ya me yich'ic te ilimba soc c'ahc'al-o'tanil.

Hechos 6:7

Puhc xan ta lec te sc'op Dios soc bayel p'ohl te jnopojeletic ta Jerusalén; soc ay tsobol sacerdotehetic la yich'ic ta cuenta te bin ay ta ch'uhunel.

Apocalipsis 18:3

Como spisil te nacionetic yuch'ojic te vino yu'un te yajmule. Te ajwaliletic ta bahlumilal spasojic mulil soc te antse, soc c'uhlejubenic te jchombajeletic ta bahlumilal yu'un te bayel bintic mulambil yu'une, xchi sc'oblal.

2 Tesalonicenses 1:8

yu'un ya ya'be castigo te mach'atic ma ba la sna'beyic sba te Dios soc ma ba ya sch'uhunic spasel te lec yach'il c'op yu'un te Cajwaltic Jesucristo.

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

2 Corintios 10:5

ya jintic tsaltamba-c'op soc spisil toybahil te ya scontrahin te bin ay ta na'el yu'un Dios, soc ya jtsacticlantic spisil snopojibal yu'un ya sch'uhunic smandar a te Cristo.

1 Samuel 13:13

Hich halbot yu'un te Samuel: Ma xana' te bin la apase. Te lajuc ach'uhumbe te mandar te la yalbat te Jehová te Dios awu'un, la yac' te stalel ayic ta ajwalil ta Israel te ats'umbal te hichuque.

Romanos 10:16

Pero ma spisiluc la yich'ic ta cuenta te lec yach'il c'op, hich la yal te Isaías: Cajwal, ¿mach'a la sch'uhumbotcotic te bin la jcalcotic? xchi.

Deuteronomio 32:6

¿Hich bal yac atojic a te Jehová, jsohquejol pueblohex te mayuc sp'ijil awo'tanic? ¿Ma bal ha'uc atat te la spasat? Ha la spasat soc la yac' ayinucat.

San Lucas 24:25

Hich halbotic yu'un te Jesús: ¡Wocol ya xc'oht ta awo'tanic, soc wocol yac ach'uhunic spisil te bintic yalojic te jalwanejetique!

San Mateo 24:24

Como ya xchicnaj hahchel lotil cristohetic soc lotil jalwanejetic soc ya spasic muc' señahiletic soc jchahp a'teliletic yu'un ya slo'loyic te mach'a tsahbilic, te yacuc xhu' yu'unique.

San Mateo 7:26

Yan te mach'a ya ya'iy te c'op ini pero ma ba ya spas te bin ya yal, ha ya jpaj soc jtuhl winic te mayuc sp'ijil, te la spas sna ta hi'ileltic.

Hechos 16:6

C'axic bahel ta Frigia soc ta Galacia, comotic yu'un te Ch'ul Espíritu te manchuc ya yalic sc'op Dios ta sq'uinal Asia.

Gálatas 1:2

ho'on soc spisil te quermanotac te sjoquinejon. Ta stojol te iglesiahetic ta sq'uinal Galacia:

Gálatas 5:11

Quermanotac, teme yacon to ta yalel te ya sc'an circuncisión, ¿bin yu'unix a hiche te yacon ta uts'inel? Te hichuque, la yich'ix loq'uesel te bin chopol ya ya'iyic sc'oblal te cruz.