Gálatas 2:7 - Bible in Tzeltal Bachajón

⁷ Ha la yilic te a'bilon ca'tel ta yalel te lec yach'il c'op ta stojol te mach'atic ma ba yich'ojic circuncisión, hich te bin ut'il te Pedro a'bot ya'tel ta stojol te mach'atic yich'ojic circuncisión.

Nuevo Testamento Tzeltal de Amatenango

⁷ Maꞌyuk tut la yalik, yuꞌun la yilik te Dios la yaꞌbonix ta jkuenta yalel te lek achꞌ kꞌop te ba ay te machꞌatik ma juriyouke. Jich tutꞌil jPedro te jaꞌ ay ta skuenta yaꞌtelinel yalel ta ba ay te juriyoetike.

Bible in Tzeltal de Oxchuc y Tenejapa

⁷ Ja'uc me to, la yilic te bit'il Dios yac'ojbon ta jwenta xcholel te lec yach'il c'op ta stojol te mach'atic ma ba yich'ojic circuncisión, jich bit'il te Pedroe ja' ac'bil ta swenta xcholel ta stojol te mach'atic yich'oj te circuncisione.

Gálatas 2:7 Referans Kwoze

Hechos 9:15

Halbot yu'un te Cajwaltic: Bahan me, como tsahbilix cu'un te ya yich' bahel te jbihil ta stojol jyanlumetic, ajwaliletic soc te snich'nab Israel.

1 Timoteo 2:7

Ha scuentahil te la jquich' ca'tel ta yalel sc'op Dios soc ta jpuc-c'op soc ta maestro yu'un te jyanlumetic yu'un ya ca'be sna'ic bin ay ta ch'uhunel soc bin a te smelelil c'ope. Melel te bin ya cal ta stojol Cristo, ma jlotuc.

1 Tesalonicenses 2:4

Hich ya xc'opojotcotic te bin ut'il mach'atic lec yo'tan Dios yu'un, te hich ac'ot ta jcuentacotic te lec yach'il c'ope. Ma ha'uc ya jc'ancotic te lec yo'tan cu'uncotic te ants-winiquetic, ha'uc me lec yo'tan cu'uncotic te Dios, te ya ya'iybotic co'tantic stuquel.

Gálatas 1:16

te ya ya'bon jna'be sba te Snich'an scuenta yu'un ho'on ya calbe sc'oblal ta yohlil te jyanlumetic, ma ba la joc'obe te mach'a ch'ich'-baq'uet,

2 Timoteo 1:11

Te lec yach'il c'op ini ac'oton ta yalbeyel sc'oblal, soc ha jpuc-c'opon soc maestrohon yu'un,

1 Timoteo 1:11

hich ya yal te t'ujbil lec yach'il c'op yu'un te Dios te bayel yutsil, te ha a'bilon ta jcuentahe.

Gálatas 2:9

Te Jacobo, Cefas soc te Juan, te ich'bilic ta cuenta te ha yoyal te iglesia, c'alal la yilic te a'tel te a'bibilon, la ya'botcotic swa'el-c'abic ho'on soc te Bernabé scuenta seña te jmohlol jbahtic ta a'tel, scuenta yu'un ho'otcotic ya xbohotcotic ta stojol te jyanlumetic, yan stuquelic ya xbahtic ta stojol te mach'atic yich'ojic circuncisión.

2 Pedro 3:15

Na'ahic me, te bin ut'il te Cajwaltic yac ta smahliyel, ha scuenta colel, hich te bin ut'il te quermanotic Pablo te c'ux ta co'tantic la sts'ihbabeyex ta scuenta sp'ijil yo'tan te a'bibile.

1 Corintios 9:17

Teme soc sc'anojel co'tan ya jpas, ay bin ya x'a'boton yu'un; yan teme ma ha'uc soc sc'anojel co'tan ya jpas, ha nax yacon ta spasel te bin ticombilon ta spasele.

Hechos 28:28

Ha yu'un na'ahic me te ticombilix ta stojol jyanlumetic te colel yu'un Dios, ha me ya ya'iyic stuquelic, xchi te Pablo.

Hechos 18:6

Pero te judíohetic la smaquic ta c'op te Pablo soc la yixta'c'optayic, hich te Pablo la slihlin sc'u' spac' te slapoj soc la yalbe: Ac'a c'ohtuc ta ajolic te ach'ich'elique. Mayuquix ta jcuenta; yo'tic ya xbohonix ta stojol te jyanlumetique, la yut.

Hechos 15:12

Hich ch'abic spisilic, la ya'iybeyic sc'op te Bernabé soc te Pablo te la yalbeyic sc'oblal te muc' señahiletic soc te jchahp a'teliletic pasticlambot yu'un Dios ta scuentahic ta stojol te jyanlumetique.

Romanos 11:13

Ha ya jc'oponex ha'ex jyanlumex. Te bin ut'il ho'on jpuc-c'opon yu'un te jyanlumetic, ha yu'un bayel sc'oblal ta co'tan te ca'tel,

Romanos 1:5

Ha ta scuenta te Jesucristo te quich'ojcotic yutsil-o'tanil soc a'tel ta jpuc-c'op scuenta yu'un hich ya sch'uhunic Dios a te mach'atic ayic ta spisil nacionetic, ta scuenta yich'el ta muc' te sbihile.

Gálatas 1:6

Jchahp ya ca'iy a te ora nax la awihquitayic te Mach'a la yiq'uex ta scuenta yutsil yo'tan te Cristo, yu'un yac at'unic yan yach'il c'op.

Gálatas 1:18

Oxeb ha'bil ta patil mohon bahel ta Jerusalén, baht quil te Pedro, ho'lajuneb (15) c'ahc'al la joquin tey a.

Gálatas 2:11

Pero te c'alal tal ta Antioquía te Pedro, la jsitin ta c'op, yu'un ma lecuc bin la spas.

Gálatas 2:14

Pero te c'alal la jquil te ma stojiluc yac spasbelic te bin ya yal te smelelil c'op yu'un te lec yach'il c'op, hich la jcalbe te Pedro ta comonsitil: Teme ha'at judíohat hich ya xcuxajat te bin ut'il jyanlumetic, ma hichuc te bin ut'il judío, ¿bin yu'un yac asuj te jyanlumetic te hich ya xcuxajic te bin ut'il te judíohetique? xchihon.