Gálatas 2:4 - Bible in Tzeltal Bachajón

⁴ aunque muquen ochic ta cohlilcotic yu'un ya yotsesotic ta mosohil te mach'atic sp'isoj sbahic te ha quermanotactic yu'un ya stsahtayic bin ut'il ay te libre ayotic ta scuenta Cristo Jesús.

Nuevo Testamento Tzeltal de Amatenango

⁴ Pero ay jtul cheb palso hermanoetik te ochik tal liꞌ ba ayotik, te mukul nax aylane, yuꞌun talemik ta ilawane te tutꞌil libre ayotikix ta skuenta te Cristo Jesuse. Yuꞌun ya skꞌan yakꞌotik xan ta mosoil yuꞌun te mantaliletike.

Bible in Tzeltal de Oxchuc y Tenejapa

⁴ Ay lotil quermanotactic te jich nax ochic tel ta coliltic te banti ayotique, yu'un talemic ta tsajtaywanej tey a ta banti jtsoboj jbajtic. Yo'tanuc te yacuc yac'otic xan ta mosoil te bit'il libre colemotic ta swenta bit'il jun ayotic soc te Cristo Jesuse.

Gálatas 2:4 Referans Kwoze

Judas 1:4

Como ay winiquetic te muquen ochemic, te chapalix sc'oblalic te ch'ayel ya xbahtique. Ha chopol winiquetic te ya sjelic ta chijil-o'tanil te yutsil yo'tan Dios soc smucoj ta yo'tanic te Dios te stuquel ay ta ch'uhumbeyel smandar, soc te Cajwaltic Jesucristo.

Gálatas 5:1

Te Cristo la yac'otiquix ta libre scuenta yu'un libre ayotic, ha yu'un jc'axel ayinanic ta libre, ma me xawac' abahic xan ta chuquel ta yugo yu'un mosohinel.

Gálatas 4:3

Ha nix hichotic, te c'alal alalotic to a, ayotic ta mosohil yu'un te bintic scuenta te bahlumilale.

2 Corintios 11:26

bayel buelta behenemon; c'ax jwocol ta muc'ul-ha'etic, c'ax jwocol yu'un j'eleq'uetic, c'ax jwocol yu'un jlumal, c'ax jwocol yu'un jyanlumetic, c'ax jwocol ta pueblo, ta jochol taquin q'uinal, ta mar, c'ax jwocol yu'un mach'atic sp'isoj sbahic ta quermanotic;

1 Juan 4:1

Ha'ex te c'uxex ta co'tan, ma me xach'uhunic spisil espírituhetic, nahil me xatsahtayic teme ha yu'un Dios, como ay bayel lotil jalwanejetic te puhquemic bahel ta bahlumilal.

2 Pedro 2:19

Ya yalbeyic te libre ya xc'ohtic, pero ha'ic nix mosohimbilic yu'un te bin ya xjinawan, como ha moso ya xc'oht yu'un te bin ya xtsalot yu'une.

2 Timoteo 3:6

Ha'ic te ya yochintayic nahetic, ya sjuquic bahel antsetic te bayel smulic, te jteb nax stahelic ta spasel bayel ta chahp chijil-o'tanil,

Gálatas 5:10

Ta scuenta te Cajwaltic sch'uhunej co'tan te ma ba yan bin yac anopique; pero te mach'a yac schebalc'optaybelex ya me x'a'bot castigo, mach'ayuc a.

2 Corintios 11:20

yu'un ya xcuhch awu'unic teme ay mach'a ya smosohinex, o teme ya slajimbeyex bin ay awu'unic, o ya spojbeyex abiluquic, ya stoy sba, o ya smajbeyex awelawic.

2 Corintios 11:13

como ha lotil jpuc-c'opetic ini, jlo'loywanej j'a'teletic, ya sp'is sbahic ta jpuc-c'opetic yu'un Cristo.

2 Corintios 3:17

Te Cajwaltic, ha te Espíritu; soc te banti ay te Espíritu yu'un te Cajwaltic, ayic ta libre tey a.

Hechos 20:30

Soc ya me xchicnaj ta awohlilic winiquetic te ya yaq'uic ta nopel lotil c'opetic yu'un ya xt'unotic yu'un te jnopojeletique.

Hechos 15:24

La jca'iycotic te ay loq'uem ta cohlilcotic cha'oxtuhl te mayuc bin jpasojcotic ta mandar, te la ya'beyex amel awo'tanic soc la ya'beyex awocolic yu'un te bin la yalique.

Hechos 15:1

Ay mach'atic talemic ta Judea te hich hahch snohptesic te yermanotac: Teme ma ba yac awich'ic circuncisión, hich te bin ut'il la yal te Moisés, ma xhu' ya xcolex, xchihic.

Isaías 51:23

Ha ya ca'be ta sc'ab te j'uts'inwanejetic awu'un, te mach'atic hich la yalbat: Pahc'ana aba ta lum, yu'un ya xc'axotcotic ta aba, te xchihique. Hich la awac' apat te bin ut'il lum, hich te bin ut'il be yu'un ya xbehenic tey a.

1 Pedro 2:16

Hich ac'a cuxajuquex te bin ut'il mach'a ay ta libre, pero ma me librehuc ayex ta spasel te bin chopole; hich ac'a cuxajuquex te bin ut'il a'batetic yu'un Dios.

Gálatas 4:25

Como te Agar, ha te wits Sinaí te ay ta sq'uinal Arabia, soc pajal c'ohem soc te Jerusalén te ay ta ora ini te pajal ay ta mosohil soc te yalataque.

2 Corintios 11:17

Te bin ya cale, ma hichuc ya xc'opojon te bin ut'il ya sc'an te Cajwaltique, hich ya xc'opojon te bin ut'il jsohquejol, te bin ut'il hich ya jtoy jba.

Romanos 8:15

yu'un ma ba awich'ojic te espíritu yu'un mosohinel scuenta yu'un ya xiwex yan buelta, ha awich'ojic te espíritu yu'un al-nich'antayel, te ha ta scuenta ya caltic: ¡Abba, Jtat! xchihotic.

Salmos 119:45

Libre ya xbehenon, como la jle te mandariletic awu'une.

Salmos 51:12

A'bon yan buelta te yutsil co'tan yu'un te colel awu'une, soc a'bon slequil co'tan te tey ya quich' quip a.

Gálatas 1:7

Ma yu'unuc te ay yan lec yach'il c'op, ha nax te ay mach'atic ya showiytesex soc ya sc'an ya syanijtesic te lec yach'il c'op yu'un te Cristo.

Santiago 1:25

Yan te mach'a t'ojol sit ya yil te lequil ley te ya x'ac'awan ta libre, teme hich ya spasulan, teme ma xch'ay ta yo'tan te bin ya ya'iy, teme ha ya spase, ha me bayel yutsil yu'un.

San Lucas 5:38

Te yach'il vino ya sc'an ya yich' pulel ta yach'il nuhcul, hich lec ya xhil schebal.