Gálatas 2:2 - Bible in Tzeltal Bachajón

² Mohon bahel tey a yu'un te bin a'boton quil yu'un Dios, soc scuenta yu'un ma tojoluc yacon ta ahnimal o ma tojoluc ahnimajon, hich la jc'opon ta stuquelic te mach'atic muc' sc'oblalic, la jcalbe ya'iyic te lec yach'il c'op te yacon ta yalel ta yohlil te jyanlumetique.

Nuevo Testamento Tzeltal de Amatenango

² Boon porke Dios la yaꞌbonix jnaꞌ te puersa ya xboone. Y teyix ta Jerusalen ay jun junta te ba kalbe yaꞌiyik te stataletik te ayik ta jkuentae. La kaltalanbe te skꞌoplal kolel te la kal te ba ay te machꞌatik ma juriyouke. Te tutꞌil jich a jpase, yuꞌun ma jkꞌan teme maꞌyuk sluwaril ya xjil te tut jpasojixe sok te ya to jpas xane.

Bible in Tzeltal de Oxchuc y Tenejapa

² Jich boon, melel Dios la yac'bon jna' te puersa ya xboone. Soc te bit'il ayonix ta Jerusalén a, la jtsob jba soc te mach'atic na'bil sbaique te yich'oj yat'elic ta jwolwaneje, soc la jcholbey yaiyic te sc'oplal colel te la cal ta stojol te jyanlumetique. Jich la jpas in to, yu'un ma jc'an te tojol ya xch'ay te cat'el te yacon ta spasele.

Gálatas 2:2 Referans Kwoze

Gálatas 2:6

Pero te mach'atic hich ya'iyel te ay sc'oblalic (ma yu'unuc ay sc'oblal ta co'tan bin ut'il ayic; Dios ma tsahbiluc nax mach'a ay sc'oblal yu'un), te mach'atic ay sc'oblalic mayuc bin yach'il la ya'bonic jna'.

Filipenses 2:16

te c'alal yac atoybe sc'oblal te c'op scuenta cuxlejal; scuenta yu'un ta sc'ahc'alel Cristo ya xhu' ya jtoy jba yu'un te ma tojoluc ahnimajon soc ma tojoluc a'tejon.

1 Tesalonicenses 3:5

Ha yu'un te bin ut'il ma ba cuhchix cu'un la jca'iy, la jticon ta joc'oyel bin ut'il ay te sch'uhunel awo'tanic, yu'un la jxi' te ay wan yac ach'uhunic sujel yu'un te jsujawal, hich tojol ya xc'oht te ca'telcotique.

Gálatas 2:9

Te Jacobo, Cefas soc te Juan, te ich'bilic ta cuenta te ha yoyal te iglesia, c'alal la yilic te a'tel te a'bibilon, la ya'botcotic swa'el-c'abic ho'on soc te Bernabé scuenta seña te jmohlol jbahtic ta a'tel, scuenta yu'un ho'otcotic ya xbohotcotic ta stojol te jyanlumetic, yan stuquelic ya xbahtic ta stojol te mach'atic yich'ojic circuncisión.

1 Corintios 9:26

Ha yu'un ma ba hich ya x'ahnimajon te bin ut'il mach'a ma sna' stojlinel banti ya xbaht; ma ba hich ya ca'iy majtamba te bin ut'il mach'a ya smaj te iq'ue;

1 Corintios 1:23

yan te ho'otic ya calbetic sc'oblal te cham ta cruz te Cristo: te ha c'ohchinojibal c'ohem yu'un te judíohetic, soc ha howil c'op cuybil yu'un te griegohetique;

1 Corintios 9:24

¿Ma bal ana'ojic te mach'atic ya stsal sbahic ta ahnimal, spisilic ya x'ahnimajic, pero jtuhl nax mach'a ya yich' te premio? Ahnimajanic scuenta yu'un hich yac atahic a te premio.

1 Corintios 2:2

como la jnop te mayuc yan bin ay ta co'tan c'alal ayon ta awohlilic a, ha nax te Jesucristo te laj ta cruz.

Hechos 15:12

Hich ch'abic spisilic, la ya'iybeyic sc'op te Bernabé soc te Pablo te la yalbeyic sc'oblal te muc' señahiletic soc te jchahp a'teliletic pasticlambot yu'un Dios ta scuentahic ta stojol te jyanlumetique.

Hechos 15:4

C'alal c'ohtic ta Jerusalén ic'otic yu'un te iglesia soc te jpuc-c'opetic soc te ancianohetique; la yalbe ya'iyic spisil bintic la spasticlan Dios ta scuentahic.

Filipenses 2:29

Soc stse'elil awo'tan xawiq'uic ta scuenta Cajwaltic; soc ich'ahic ta muc' te mach'atic pajal ay soc,

Gálatas 1:16

te ya ya'bon jna'be sba te Snich'an scuenta yu'un ho'on ya calbe sc'oblal ta yohlil te jyanlumetic, ma ba la joc'obe te mach'a ch'ich'-baq'uet,

Hechos 23:11

Ta ahc'abal te Cajwaltic la stehc'an sba ta stojol te Pablo, hich la yalbe: Ayuc me smuc'ul awo'tan, Pablo. Hich te bin ut'il la awalbon jc'oblal ta Jerusalén, ha nix hich ya sc'an yac awal ta Roma, xchi.

Hechos 18:9

Ta ahc'abal te Pablo hich halbot yu'un Cajwaltic ta snahalsit: Ma me xiwat, c'opojan, ma me xacom aba,

Hechos 5:34

Ha yu'un la stehc'an sba ta yohlil te jchahpanwanejetic jtuhl fariseo Gamaliel sbihil, ha maestro yu'un te Ley soc ich'bil ta muc' yu'un spisil te pueblo; la yac' ta ticonel loq'uel jts'ihnuc te jpuc-c'opetic,

San Mateo 10:16

Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

Eclesiastés 10:1

Te chamen hahetic ya sjimbeyic yic' te perfume; hich nix te jteb sonsohil, ya sjimbe yutsil te p'ijil-o'tanil soc ich'el ta muc'.

Hechos 15:2

Te Pablo soc Bernabé hahch bayel c'op yu'unic soc tulan la yut sbahic yu'un. Ha yu'un la yich' chapel te ya xbahtic ta Jerusalén te Pablo soc Bernabé soc cha'oxtuhl yantic ta stojol te jpuc-c'opetic soc te ancianohetic yu'un ya yich' chahpanel te c'ope.

Romanos 9:16

Ha yu'un ma ha'uc chican te mach'a ya sc'an o te ya yo'tantay, ha chican te sc'uxul yo'tan te Diose,

2 Corintios 12:1

Ya sc'an te ya jtoy jba xan, aunque mayuc bin ya jta yu'un; pero ya calbe sc'oblal nahalsitiletic soc te bintic la yac' ta na'el te Cajwaltique.

Gálatas 1:6

Jchahp ya ca'iy a te ora nax la awihquitayic te Mach'a la yiq'uex ta scuenta yutsil yo'tan te Cristo, yu'un yac at'unic yan yach'il c'op.

Gálatas 1:12

Ma ba a'bilon yu'un winic soc ma ba a'bilon jnop yu'un winic; ha la ya'bon jna' te Jesucristo.

Gálatas 5:7

Ta nahilal lec hahchex ta ahnimal, ¿mach'a la scomex ta sch'uhunel te smelelil c'ope?

2 Timoteo 4:7

La jca'beyix te lequil tsaltamba, hu'ix cu'un te ahnimal, jcanantayej te bin ay ta ch'uhunel.

Hebreos 12:1

Ha yu'un, te bin ut'il joytaybilotic yu'un tsobol ta tuhl testigohetic, ac'a quihquitaytic hilel spisil te bin ya smacotic soc te bin mulil ya sbech'otic, junuc co'tantic ac'a ahnumajucotic bahel te banti bahel yacotic,