Gálatas 2:15 - Bible in Tzeltal Bachajón

¹⁵ Te ho'otcotic, te judíohotcotic ta cayinabtic to, te ma ba jmulawilotic ta yohlil te jyanlumetique,

Nuevo Testamento Tzeltal de Amatenango

¹⁵ Joꞌotik juriyootik ta kayinabtike, y ma jmulawilukotik, jich tutꞌil te yanetike.

Bible in Tzeltal de Oxchuc y Tenejapa

¹⁵ Te jo'otique, judiootic ta cayinabtic to, ma ba jmulawilotic jich bit'il te jyanlumetique.

Gálatas 2:15 Referans Kwoze

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

Efesios 2:3

Ta jpisiltic hich nix tey cuxajotic ta nahil to a, ha baht ta co'tantic spasulanel te bintic la smulan spasel te jpoco'-taleltic yu'un mulil, la jpasbetic te bintic la sc'an yo'tan soc te bintic la snop. Ta scuenta te jtaleltic ini ayotic ta scuenta yich'beyel te yilimba Dios, hich te bin ut'il te yantique.

Romanos 3:9

¿Bin ut'il ay a hiche? ¿Ho'otic bal lecotic xan a te bin ut'il te yantique? ¡Ban c'an hichuc! Calojtiquix te spisilic ayic ta scuenta mulil, judíohetic soc jyanlumetic.

Filipenses 3:4

aunque ho'on ay bin ya xhu' ya smuc'ulin co'tan ta scuenta ch'ich'-baq'uet. Teme ay mach'a ya snop te ay scuentahil te ya xhu' ya smuc'ulin yo'tan ta scuenta ch'ich'-baq'uet, c'ax hichon a:

Romanos 4:16

Ha yu'un ya xtal ta scuenta sch'uhunel-o'tanil te bin halbil ta jamal, scuenta yu'un ay ta scuenta yutsil-o'tanil soc ma xch'ay ta stojol spisil sts'umbal Abraham, ma ha'uc nax te mach'atic cuentahimbilic yu'un te Ley, ha nix hich te mach'atic ay sch'uhunel yo'tanic hich te bin ut'il Abraham, te ha jtatic ta jpisiltic,

Hechos 22:21

Pero la yalbon: Bahan, como namal ya jticonat bahel ta stojol te jyanlumetic, la yuton, xchi te Pablo.

San Mateo 9:11

C'alal hich la yilic te fariseohetic, la sjoc'obeyic te jnopojeletic: ¿Bin yu'un te ya sjoquin ta we'el jc'an-patanetic soc yantic jmulawiletic te Maestro awu'unique? la yutic.

1 Samuel 15:18

Te Jehová ay bin la sticonat ta spasel, hich la yalbat: Bahan, jc'axel lajina te jmulawiletic ta Amalec, a'beya guerra ha to c'alal yac alajinlan spisilic, xchi.

San Lucas 24:7

Ya me x'ac'ot ta sc'ab jmulawiletic te Nich'anil ay ta scuenta winic soc ya xlaj ta milel ta cruz, pero ta yoxebal c'ahc'al ya me xcha'cuxaj tal, xchihic.

Gálatas 2:17

Teme ya jlehtic bin ut'il toj ya x'ilotic ta scuenta Cristo, pero teme chican te ha nix hich jmulawilotic, ¿yu'un bal ha ya yac' ta pasel mulil te Cristo? ¡Ban c'an hichuc!