Gálatas 2:14 - Bible in Tzeltal Bachajón

¹⁴ Pero te c'alal la jquil te ma stojiluc yac spasbelic te bin ya yal te smelelil c'op yu'un te lec yach'il c'op, hich la jcalbe te Pedro ta comonsitil: Teme ha'at judíohat hich ya xcuxajat te bin ut'il jyanlumetic, ma hichuc te bin ut'il judío, ¿bin yu'un yac asuj te jyanlumetic te hich ya xcuxajic te bin ut'il te judíohetique? xchihon.

Nuevo Testamento Tzeltal de Amatenango

¹⁴ Jaꞌ yuꞌun te kꞌalal la kil te ma jichuk toj ya spasik te tutꞌil ay skꞌoplal te lek achꞌ kꞌope, la kalbey ta sitil komon te jPedroe: “Jaꞌat te juriyoate, jich ya xkuxuyinat te tutꞌil ma juriyoukate. ¿Tut yuꞌun te ya akꞌan ya asuj te machꞌatik ma juriyouk ta spasel jich tutꞌil te juriyoetike?

Bible in Tzeltal de Oxchuc y Tenejapa

¹⁴ Ja'uc me to, te c'alal la quil te ma tojuc ya spasic te bi ya yal ta melel te lec yach'il c'ope, jich la calbey ta comonsitil te Pedroe: “Judio-winicat te ja'ate, ja'uc me to, ja' ya apasix te costumbre yu'un te jyanlumetique. ¿Bistuc ya ac'an asuj ta spasel te costumbre cu'untic te mach'atic jyanlumetique?”, xoon ta yalel.

Gálatas 2:14 Referans Kwoze

Gálatas 2:5

Pero jc'axel ma ba la jquich'becotic ta cuenta te sc'opic, scuenta yu'un ya xhil ta atojolic te smelelil te lec yach'il c'ope.

Hechos 10:28

Hich la yal te Pedro: Ana'ojic te ma xpas ya sjoquin jyanlum te mach'a judío, pero Dios la ya'bonix quil te mayuc mach'a ma lecuc sc'oblal o te bohloben sc'oblal.

1 Timoteo 5:20

Te mach'atic ya ya'telinic spasel mulil, tsitsa ta comonsitil, scuenta yu'un hich me ya xiwic a te yantique.

Gálatas 6:12

Te mach'atic ya sc'anic te ya x'ich'otic ta muc' ta scuenta sbaq'uetalic, ha yac sujbelex ta yich'el circuncisión, ha nax yu'un te manchuc ya yich'ic uts'inel ta scaj te cruz yu'un te Cristo,

Proverbios 2:7

Ha ya sq'uejbe lequil p'ijil-o'tanil te mach'atic toj yo'tanic; ha smahquil te mach'atic toj ya xbehenic.

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

Hebreos 12:13

pasa toj behetic yu'un awoquic, scuenta yu'un ma ba ya xhowiy loq'uel ta be te coxo', yu'un yacuc xlecub.

Hebreos 9:10

como ha nax sc'oblal we'el-uch'el, te bintic ut'il la spoc sbahic, soc te mandariletic scuenta baq'uet; ha ac'bilic ha to c'alal ya sta yorahil te ya yich' ach'ubtesel te bintic aye.

Gálatas 2:9

Te Jacobo, Cefas soc te Juan, te ich'bilic ta cuenta te ha yoyal te iglesia, c'alal la yilic te a'tel te a'bibilon, la ya'botcotic swa'el-c'abic ho'on soc te Bernabé scuenta seña te jmohlol jbahtic ta a'tel, scuenta yu'un ho'otcotic ya xbohotcotic ta stojol te jyanlumetic, yan stuquelic ya xbahtic ta stojol te mach'atic yich'ojic circuncisión.

Gálatas 2:7

Ha la yilic te a'bilon ca'tel ta yalel te lec yach'il c'op ta stojol te mach'atic ma ba yich'ojic circuncisión, hich te bin ut'il te Pedro a'bot ya'tel ta stojol te mach'atic yich'ojic circuncisión.

Romanos 14:14

Jna'oj soc hich ay ta co'tan ta scuenta te Cajwaltic Jesús, te mayuc bin bohloben sc'oblal; pero te mach'a ya scuy te bohloben sc'oblale, yu'un nix bohloben sc'oblal ta stojol abi.

Hechos 15:24

La jca'iycotic te ay loq'uem ta cohlilcotic cha'oxtuhl te mayuc bin jpasojcotic ta mandar, te la ya'beyex amel awo'tanic soc la ya'beyex awocolic yu'un te bin la yalique.

Proverbios 10:9

Te mach'a toj ya xbehen, jun yo'tan ya xbehen, yan te mach'a st'unoj chopol be, ya me xpehc'anot.

Salmos 141:5

Ac'a ya'bon castigo te mach'a toj yo'tan, lec ya ca'iy; pero ma me xyich' malel ta jol te aceite yu'un mach'atic chopolic, yu'un spisil ora ya jc'opon Dios ta scontrahinel te chopol ya'telique.

Salmos 58:1

Ha'ex te ay awipic, ¿toj bal bin yac awalic? ¿Stojil bal yac achahpanic ants-winiquetic?

Salmos 15:2

Ha te mach'a jun ay te yo'tan soc te ya spas te bin toj, te melel bin ya yal te yo'tane;

Levítico 19:17

Ma xawil-o'tantay te awermano. Ya me atsits apat-axuhc scuenta yu'un ma pajaluc yac ata amul soc.

Gálatas 2:3

Te Tito te sjoquinejon, te ha griego, ma ba la sujic te ya yich' circuncisión,

Hechos 15:1

Ay mach'atic talemic ta Judea te hich hahch snohptesic te yermanotac: Teme ma ba yac awich'ic circuncisión, hich te bin ut'il la yal te Moisés, ma xhu' ya xcolex, xchihic.

Hechos 15:5

Pero ay jchahp yu'un fariseohetic te sch'uhunejiquix Jesús, la stehc'an sbahic, hich la yalic: Ya sc'an ya yich'ic circuncisión soc te ya jpastic ta mandar te ya me sch'uhunic spasel te Ley yu'un Moisés, xchihic.

Gálatas 1:6

Jchahp ya ca'iy a te ora nax la awihquitayic te Mach'a la yiq'uex ta scuenta yutsil yo'tan te Cristo, yu'un yac at'unic yan yach'il c'op.

Gálatas 1:18

Oxeb ha'bil ta patil mohon bahel ta Jerusalén, baht quil te Pedro, ho'lajuneb (15) c'ahc'al la joquin tey a.

Colosenses 1:5

Hich ay awo'tanic ta scaj te bin yac amahlibelic te q'uejbil ta acuentahic ta ch'ulchan. Te bin yac amahlibelic awa'iybeyejic sc'oblal ta scuenta te smelelil c'op yu'un te lec yach'il c'op