Gálatas 2:11 - Bible in Tzeltal Bachajón

¹¹ Pero te c'alal tal ta Antioquía te Pedro, la jsitin ta c'op, yu'un ma lecuc bin la spas.

Nuevo Testamento Tzeltal de Amatenango

¹¹ Pero te kꞌalal bajt ta mukꞌul jtejklum Antioquia te jPedroe, la kalbe ta sit porke ma tsaꞌamuk te tut yipal ta spasel.

Bible in Tzeltal de Oxchuc y Tenejapa

¹¹ Ja'uc me to, te c'alal tal ta lum Antioquía te Pedroe, tey la cut jba soc ta comonsitil a, te melel ma lecuc te bila la spase.

Gálatas 2:11 Referans Kwoze

1 Timoteo 5:20

Te mach'atic ya ya'telinic spasel mulil, tsitsa ta comonsitil, scuenta yu'un hich me ya xiwic a te yantique.

Gálatas 2:14

Pero te c'alal la jquil te ma stojiluc yac spasbelic te bin ya yal te smelelil c'op yu'un te lec yach'il c'op, hich la jcalbe te Pedro ta comonsitil: Teme ha'at judíohat hich ya xcuxajat te bin ut'il jyanlumetic, ma hichuc te bin ut'il judío, ¿bin yu'un yac asuj te jyanlumetic te hich ya xcuxajic te bin ut'il te judíohetique? xchihon.

2 Corintios 5:16

Ha yu'un yo'tic soc ta patil bahel mayuc mach'a ya jna'becotic sba ta scuenta ch'ich'-baq'uet, aunque ta nahil to hich la jna'becotic sba te Cristo, ma hichuquix ta ora ini.

Hechos 15:1

Ay mach'atic talemic ta Judea te hich hahch snohptesic te yermanotac: Teme ma ba yac awich'ic circuncisión, hich te bin ut'il la yal te Moisés, ma xhu' ya xcolex, xchihic.

Judas 1:3

Ha'ex te c'uxex ta co'tan, aunque tulan sc'oblal ta co'tan te ya jts'ihbabeyex sc'oblal te jcoleltique, hich la jc'an te ya jts'ihbabeyex yu'un ya ca'beyex yip awo'tanic yu'un yacuc xc'opojex yu'un te bintic jch'uhunejtic, te jc'axel a'bibil te mach'atic ch'ultesbilique.

Santiago 3:2

Jpisiltic bayel buelta ya xjelawotic. Teme ay mach'a ma ba ya xjelaw ta c'op, mero lec c'ohem, ya xhu' yu'un scomel spisil te sbaq'uetale.

Gálatas 2:9

Te Jacobo, Cefas soc te Juan, te ich'bilic ta cuenta te ha yoyal te iglesia, c'alal la yilic te a'tel te a'bibilon, la ya'botcotic swa'el-c'abic ho'on soc te Bernabé scuenta seña te jmohlol jbahtic ta a'tel, scuenta yu'un ho'otcotic ya xbohotcotic ta stojol te jyanlumetic, yan stuquelic ya xbahtic ta stojol te mach'atic yich'ojic circuncisión.

Gálatas 2:7

Ha la yilic te a'bilon ca'tel ta yalel te lec yach'il c'op ta stojol te mach'atic ma ba yich'ojic circuncisión, hich te bin ut'il te Pedro a'bot ya'tel ta stojol te mach'atic yich'ojic circuncisión.

Gálatas 2:5

Pero jc'axel ma ba la jquich'becotic ta cuenta te sc'opic, scuenta yu'un ya xhil ta atojolic te smelelil te lec yach'il c'ope.

2 Corintios 12:11

Hich jpasoj jba te bin ut'il mach'a ma sna' q'uinal, pero ha'ex la awa'bonic te hich jpase. Ya sc'an te ha'uquex yac awalbonic lec jc'oblal, como ma ba peq'uel ayon yu'un te muc'ul jpuc-c'opetic, aunque mayuc jc'oblal te ho'one.

San Mateo 16:23

Pero la sut sba te Jesús, hich la yalbe te Pedro: ¡Loc'an ta jtojol, Satanás! Ha'at c'ohchinojibalat cu'un, como ma ha'uc ya xbaht ta awo'tan te bintic scuenta Dios, ha nax te bintic scuenta winiquetic, xchi sc'oblal.

2 Corintios 11:5

Te ya cal ma ba peq'uel c'ohemon yu'un te mach'atic muc'ul jpuc-c'opetic.

Hechos 11:19

Te mach'atic laj puhquemic bahel ta scaj te uts'inel te hahch ta scuenta Esteban, ay c'ohtic ta Fenicia, Chipre soc Antioquía, mayuc mach'a yan la yalbeyic te lec yach'il c'op, ha nax te judíohetique.

Jonás 4:9

Pero hich halbot yu'un Dios: ¿Lec bal te ya x'ilinat yu'un te ch'upac-te'? xchi sc'oblal. Bayel ya x'ilinon, ha to c'alal ya xchamon, xchi te Jonás.

Jonás 1:3

Pero te Jonás loc' ta ahnel ta stojol Jehová, ya c'an bahtuc ta Tarsis. Hich co bahel ta Jope banti la sta jun barco te ya xbaht ta Tarsis. La stoj spasaje, och ta barco, yu'un ya sjoquin bahel ta Tarsis, namal ta stojol te Jehová.

Jeremías 1:17

Te ha'ate, chahpana aba, tehc'ana aba soc halbeya spisil te bintic ya calbat ta mandar. Ma me xiwat ta stojolic, yu'un teme yac axi'e, ya jxiwtesat ta stojolic.

Números 20:12

Pero te Jehová la yalbe te Moisés soc Aarón: Te bin ut'il ma ba la ach'uhunonic, te ma ba la awich'ic ta cuenta te Ch'ul Dioson ta stojol te snich'nab Israel, ma ba yac awiq'uic ochel ta q'uinal te ca'beyej te pueblo ini, xchi.

San Juan 1:42

Hich la yic' tal ta stojol Jesús. C'alal ilot yu'un te Jesús, hich halbot: Ha'at Simón, snich'anat Jonás, Cefas ya xc'oht abihil, xchi sc'oblal. (Ha Pedro, xchi c'ohem.)

Hechos 11:20

Pero ay mach'a talemic ta sq'uinal Chipre soc ta Cirene, c'alal ochic ta Antioquía la yalbeyic te griegohetic te lec yach'il c'op yu'un te Cajwaltic Jesús.

Hechos 11:22

Te iglesia ta Jerusalén la ya'iyic, ha yu'un la sticonic bahel ta Antioquía te Bernabé.

Hechos 11:27

Ha yorahil a, ay c'ohtic ta Antioquía jalwanejetic te talemic ta Jerusalén.

Hechos 15:5

Pero ay jchahp yu'un fariseohetic te sch'uhunejiquix Jesús, la stehc'an sbahic, hich la yalic: Ya sc'an ya yich'ic circuncisión soc te ya jpastic ta mandar te ya me sch'uhunic spasel te Ley yu'un Moisés, xchihic.

Gálatas 1:18

Oxeb ha'bil ta patil mohon bahel ta Jerusalén, baht quil te Pedro, ho'lajuneb (15) c'ahc'al la joquin tey a.