Gálatas 1:6 - Bible in Tzeltal Bachajón

⁶ Jchahp ya ca'iy a te ora nax la awihquitayic te Mach'a la yiq'uex ta scuenta yutsil yo'tan te Cristo, yu'un yac at'unic yan yach'il c'op.

Nuevo Testamento Tzeltal de Amatenango

⁶ Lom ayon ta ajtal-oꞌtan awuꞌunik te tutꞌil ora nax ya xjakalex bael ta stojol Diose, te la yikꞌex ta skuenta slekil yoꞌtan te Cristoe. Yuꞌun jaꞌ ya apasik seguir te yan kꞌop te kuybil te ya xkolotik yuꞌun.

Bible in Tzeltal de Oxchuc y Tenejapa

⁶ Ja'uc me to, bayal la yaan co'tan yu'un te bit'il ora nax yacalex ta yijq'uitayel ta awo'tanic te Diose, te la yiq'uex ta swenta nax yutsil yo'tan te Cristoe. Ta ora to, ja' ya ach'uuniquix yan c'op te cuybil ta lec yach'il c'ope.

Gálatas 1:6 Referans Kwoze

2 Corintios 11:4

Como teme ay mach'a ya xtal yalbe sc'oblal yan Jesús, te ma ha'uc te Jesús la jcalbeyexcotic sc'oblale, o teme yan espíritu yac awich'ic, te ma ha'uc te Espíritu te awich'ojic, o teme ay yan yach'il c'op te bin ut'il awich'ojic, ora nax yac awich'ic.

Isaías 29:13

Hich la yal te Jehová: Te pueblo ini ya xnohpojic tal ta jtojol soc sc'opic soc ya yich'onic ta muc' ta sti'il nax yehic, pero namal ay ta jtojol te yo'tanic soc te ya yich'onic ta muc', ha nax smandar winic te nohptesbilic a.

Salmos 106:13

Pero ora nax ch'ay ta yo'tanic te a'teliletic yu'un, ma ba la smahliyic te bintic ya xhalbotic yu'une.

1 Timoteo 1:3

C'alal bohon ta Macedonia, la jcalbat wocol te yacuc xhilat ta Éfeso scuenta yu'un yac apasticlan ta mandar cha'oxtuhlic te manchuc ya yaq'uic ta nopel te bin ma stojiluc ta ch'uhunel,

1 Corintios 4:15

Aunque ay jpic soc ho'bahc' (10,000) jp'ijubteswanejetic awu'unic ta stojol te Cristo, mayuc tsobol atatic; ho'on cal-jnich'anex ta scuenta Cristo Jesús te bin ut'il la jcalbeyex te lec yach'il c'ope.

Hechos 15:11

Jch'uhunejtic te ha ta scuenta yutsil yo'tan Cajwaltic Jesús te ya xcolotic, hich te bin ut'il ya xcolic te jyanlumetique, xchi.

Gálatas 5:4

Te jayebex te yac acuyic te ha toj ya xc'ohex ta scuenta te Ley, la aloq'ues abahic ta stojol te Cristo; yahlemex ta stojol te yutsil-o'tanil.

Romanos 10:3

Ma ba sna'ojic bin ut'il Dios ya yac' te toj ayic, ha la slehic bin ut'il ya stahic stuquelic, hich ma ba la yac' yo'tanic a te bin ut'il Dios ya yac' te toj ayic,

1 Timoteo 1:14

C'ax bayel yutsil yo'tan te Cajwaltic c'oht ta jtojol soc sch'uhunel-o'tanil soc sc'uxul-o'tanil te ayic ta stojol te Cristo Jesús.

Apocalipsis 22:21

Ac'a sjoquinex apisilic te yutsil yo'tan te Cajwaltic Jesucristo. Hichuc.

2 Timoteo 2:1

Ha'at, jnich'an, ayuc me yip awo'tan ta scuenta te yutsil-o'tanil te ay ta scuenta te Cristo Jesús.

2 Timoteo 1:9

Dios la scoltayotic soc la yic'otic ta scuenta te ch'ul iq'uel yu'un, ma ha'uc ta scuenta ca'teltic, ha ta scuenta te hich snopoj soc ta scuenta te yutsil yo'tan te la ya'botic ta scuenta Cristo Jesús te c'alal ma to ayuc bin ay a,

2 Tesalonicenses 2:14

Ha scuentahil te la yiq'uex ta scuenta te lec yach'il c'op la jcalcotic, scuenta yu'un hich yac atahic a te yutsilal te Cajwaltic Jesucristo.

Romanos 5:2

te ha ta scuenta sch'uhunel co'tantic ta stojol te ya xhu' ya x'ochotic ta stojol te yutsil yo'tan Dios, te banti ayotic ta ora ini, soc tse'el co'tantic ta smahliyel te yutsilal te Diose.

San Juan 9:30

La sjac' te winique: Ha jchahp ya ca'iy a te ma xana'ic ban talem, pero la sjambon te jsite.

2 Pedro 1:3

Ta scuenta yu'el te Dios la ya'botic spisil te bintic ya xtuhun cu'untic ta jcuxlejaltic soc ta sch'uhunel Dios, ta scuenta te ya jna'betic sba te Mach'a la yic'otic ta scuenta te yutsilal soc t'ujbil ya'tel.

1 Pedro 1:15

Pero, hich te bin ut'il ch'ultesbil te Mach'a la yiq'uex, hichuc ch'ultesbiluquex ta spisil bintic yac apasic.

San Marcos 6:6

Xcham yo'tan yu'un te mayuc sch'uhunel yo'tanique. La sbehentay te tut pueblohetic ta sjoyobal, yac ta p'ijubteswanej.

Romanos 8:28

Soc jna'ojtic te lec ya xc'oht ta loq'uel spisil bintic ya xc'oht ta stojol te mach'atic c'ux ta yo'tan Dios, ha te mach'atic ic'bilic yu'un Dios hich te bin ut'il chapal yu'une.

Romanos 8:30

Te mach'atic hich chapal yu'un Dios, ha nix la yic'ticlan; te mach'atic la yic'ticlan, ha nix la yal te toj ay; te mach'atic la yal te toj ay, ha nix la yac'ticlambe yutsilalic.

2 Corintios 2:17

Te ho'otcotic ma hichuc ayotcotic te bin ut'il tsobolic te ya schonic te sc'op Dios scuenta spasel ganar; ho'otcotic smelelil ya xc'opojotcotic ta stojol Dios ta scuenta Cristo, te bin ut'il ticombilotcotic yu'un Dios.

Gálatas 1:7

Ma yu'unuc te ay yan lec yach'il c'op, ha nax te ay mach'atic ya showiytesex soc ya sc'an ya syanijtesic te lec yach'il c'op yu'un te Cristo.

Gálatas 1:11

Quermanotac, ya ca'beyex ana'ic, te lec yach'il c'op yacon ta yalel, ma sc'opuc winic.

Gálatas 1:15

Pero Dios, te la stsahon te ma to x'ayinon a soc te la yic'on ta scuenta te yutsil yo'tan, c'alal lec la ya'iy

Gálatas 2:2

Mohon bahel tey a yu'un te bin a'boton quil yu'un Dios, soc scuenta yu'un ma tojoluc yacon ta ahnimal o ma tojoluc ahnimajon, hich la jc'opon ta stuquelic te mach'atic muc' sc'oblalic, la jcalbe ya'iyic te lec yach'il c'op te yacon ta yalel ta yohlil te jyanlumetique.

Gálatas 2:5

Pero jc'axel ma ba la jquich'becotic ta cuenta te sc'opic, scuenta yu'un ya xhil ta atojolic te smelelil te lec yach'il c'ope.

Gálatas 2:7

Ha la yilic te a'bilon ca'tel ta yalel te lec yach'il c'op ta stojol te mach'atic ma ba yich'ojic circuncisión, hich te bin ut'il te Pedro a'bot ya'tel ta stojol te mach'atic yich'ojic circuncisión.

Gálatas 2:14

Pero te c'alal la jquil te ma stojiluc yac spasbelic te bin ya yal te smelelil c'op yu'un te lec yach'il c'op, hich la jcalbe te Pedro ta comonsitil: Teme ha'at judíohat hich ya xcuxajat te bin ut'il jyanlumetic, ma hichuc te bin ut'il judío, ¿bin yu'un yac asuj te jyanlumetic te hich ya xcuxajic te bin ut'il te judíohetique? xchihon.

Gálatas 5:14

Como spisil te bin ya yal te Ley ya xc'oht ta pasel ta jp'ahl nax c'op ini: C'ux me xawa'iy ta awo'tan apat-axuhc hich te bin ut'il c'ux yac awa'iy aba ta awo'tan, xchi.