Gálatas 1:4 - Bible in Tzeltal Bachajón

⁴ te ha nix la yac' sba ta lajel yu'un te jmultic yu'un ya scoltayotic loq'uel ta yohlil te bin chopol ay ta pasel ta ora ini, hich te bin ut'il la sc'an yo'tan te Jtatic Dios,

Nuevo Testamento Tzeltal de Amatenango

⁴ Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Bible in Tzeltal de Oxchuc y Tenejapa

⁴ Ja' nix te Jesucristo te la yac' sba ta lajel yu'un te jmultique, swenta yu'un jich la yac'otic ta libre yu'un te bila amen ta balumilale, jich te bit'il ay sc'anjel yo'tan stuquel te Jtatic Diose.

Gálatas 1:4 Referans Kwoze

San Mateo 20:28

como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' sba ta lajel scuenta yu'un ya xweht scolel bayelic, xchi.

Romanos 4:25

te ac'ot ta lajel ta scuenta jmultic, soc te cha'cuxajtesot tal scuenta yu'un ya xhalbotic te toj ayotique.

Gálatas 2:20

Pajal lajon ta cruz soc Cristo, hich ma ba cuxulonix te ho'one, ha cuxulix Cristo ta co'tan; soc te jcuxlejal ta ora ini ta scuenta ch'ich'-baq'uet, ha ya xcuxajon ta scuenta sch'uhunel co'tan ta stojol te Snich'an Dios, te c'uxon ta yo'tan soc te la yac' sba ta jcuenta.

1 Pedro 2:24

Ha nix la scuchbotic jmultic ta sbaq'uetal ta te', scuenta yu'un ya xchamotic ta stojol te mulil soc ya xcuxajotic ta spasel te bin stojil ta pasele. ¡Ha ta scuenta te yehchen te lecubex!

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

1 Timoteo 2:6

te la yac' sba ta lajel yu'un smambeyel scolel spisilic, ha te la yich' halel ta testigo c'op te c'alal la sta yorahil.

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

1 Tesalonicenses 3:13

Te Cajwaltic ac'a ya'beyex yip awo'tanic scuenta yu'un hich mayuc amulic a soc ch'ultesbilex ya xc'ohex ta stojol te Jtatic Dios te c'alal ya xtal te Cajwaltic Jesucristo soc spisil te mach'atic yu'un te ch'ultesbilique.

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

Filipenses 4:20

Ac'a yich' halbeyel yutsil sc'oblal sbahtel q'uinal te Jtatic Dios. Hichuc.

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

1 Juan 3:16

Hich ya jna'tic bin ut'il ay te c'uxul-o'tanil, ha te la yac' sba ta lajel ta jcuentatic. Ha nix hichotic, ya sc'an ya cac' jcuxlejaltic ta scuenta te quermanotactique.

1 Juan 2:2

Ha te milbil mahtanil yu'un stojel jmultic; ma ho'ucotic nax jmultic, ha la stojbe smul spisil te ants-winiquetic ayic ta bahlumilal.

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

Hebreos 6:5

soc te la ya'iybeyic yutsil te sc'op Dios soc te yip te yach'il bahlumilal te talel yac,

2 Tesalonicenses 2:16

Ha nix te Cajwaltic Jesucristo soc te Jtatic Dios, te ha la sc'uxultayotic soc la ya'botic yip co'tantic scuenta sbahtel q'uinal soc smuc'ul co'tantic ta scuenta yutsil yo'tan,

San Juan 12:31

La stahix yorahil te ya x'och ta ich'el ta c'op te mach'atic ayic ta bahlumilal; la stahix yorahil te ya yich' loq'uesel te principal yu'un te bahlumilal ini.

San Mateo 26:28

ha jch'ich'el ini yu'un te yach'il chapbil-c'op, te ha ya yich' malel scuenta tsobolic yu'un sch'ayojibal mulil.

Isaías 65:17

Ilawil, ya jpas yach'il ch'ulchan soc yach'il bahlumilal. Te bin ay ta nahil mayuquix ta na'el, jc'axel ma xna'otix.

Hebreos 9:14

¿ha'uc to balix a te sch'ich'el te Cristo, te ha ta scuenta te Espíritu sbahtel q'uinal ay la yac' sba ta lajel ta stojol Dios scuenta milbil mahtanil te mayuc bin jihnem, ya spocbeyex awo'tanic yu'un awa'telic scuenta lajel, scuenta yu'un yac awac' abahic ta a'batinel ta stojol te cuxul Diose?

Hebreos 2:5

Te Dios ma ha'uc la ya'be scuentahin ch'ul a'batetic te yach'il bahlumilal te talel yac, te yacotcotic ta yalbeyel sc'oblale.

1 Tesalonicenses 3:11

Ha nix te Jtatic Dios soc te Cajwaltic Jesucristo ac'a schahpan bin ut'il ya xbohotcotic te banti ayexe.

Efesios 6:12

Como ma ha'uc ya jtsal jbahtic soc ch'ich'-baq'uet, ha ya jtsal jbahtic soc principaletic, te mach'atic ay yu'elic, yajwalic yihc'al q'uinal ta bahlumilal ini, soc chopol espírituhetic te ay yipic te ayic ta toyol.

Efesios 1:11

Ta scuenta Cristo ha nix hichotcotic la yac' te ya x'ac'ot quich'cotic bintic ay yu'un Dios, te bin ut'il namey tsahbilotcotic yu'un te mach'a ya yac' c'ohtuc ta pasel spisil bin ya sc'an yo'tan stuquel,

Gálatas 6:14

Pero ma jaymehluc te ay bin ya cal yutsil jc'oblal yu'une, ha nax ya calbe yutsil sc'oblal te cruz yu'un te Cajwaltic Jesucristo, te ha ta scuenta te laj sc'oblal ta co'tan te bahlumilal soc te ha nix hichon lajon ta stojol te bahlumilale.

Romanos 8:32

Te mach'a la sloq'ues ta yo'tan te mero Snich'an, te la yac' ta c'abal ta jcuentatic jpisiltic, ¿bin ut'il ma ba pajal ya ya'botic spisil soc a?

Romanos 8:3

Como te bin ma ba hu' yu'un te Ley ta scaj te mayuc yip te ch'ich'-baq'uet, Dios la spas te bin ut'il la sticon tal te Snich'an te hich nix sbaq'uetal te bin ut'il te jmulawil baq'uet, soc ta scaj mulil, hich la yac' ta tojel te mulil ta baq'uet,

Romanos 1:7

Ya jpatbeyex awo'tanic ta apisilic te ayex ta Roma, te c'uxex ta yo'tan Dios soc te ic'bilex yu'un ch'ultesbil ya xc'ohex: Yutsil-o'tanil soc lamaluc me q'uinal yac awa'iyic yu'un te Jtatic Dios soc te Cajwaltic Jesucristo.

San Juan 10:11

Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

San Juan 6:38

Como cohemon tal ta ch'ulchan, ma ha'uc yu'un te ya jpas te bin ya sc'an co'tan, pero yu'un ya jpas te bin ya sc'an yo'tan stuquel te mach'a la sticonon tale.

San Juan 5:30

Mayuc bin ya xhu' ya jpas ta jtuquel-o'tan nax; te bin ya ca'iy, hich ya jchahpan; soc toj ya ca'iy chahpanwanej, como ma ha'uc ya jle binti ya sc'an co'tan, ha ya jle te binti ya sc'an yo'tan te Jtat te sticonejon tale.

San Lucas 22:42

hich la yal: Jtat, teme hich ya sc'an awo'tan, ma me xc'oht ta jcuenta te copa ini; pero ma me ha'uc ya xc'oht ta pasel te bin ya sc'an co'tan ho'on, ha ac'a c'ohtuc ta pasel te bin ya sc'an awo'tan te ha'ate, xchi.

San Marcos 10:45

Como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' scuxlejal scuenta scolel tsobolic, xchi.

San Mateo 26:42

Cha'baht xan ta sc'oponel Dios scuenta schebal buelta, hich la yal: Jtat, teme ma spas te ya xc'ax bahel ta jtojol te copa ini, teme ya sc'an ya cuch', hichuc, ac'a c'ohtuc ta pasel te bin ya sc'an awo'tan, xchi.

San Mateo 6:9

Te ha'exe, hich me xac'oponic te Diose: Jtatic te ayat ta ch'ulchan, ac'a ich'otuc ta muc' ach'ul bihil.

Salmos 40:8

Ya jmulan spasel te bin ya sc'an awo'tan, Dios cu'un; ay ta co'tan te Ley awu'un, xchihon.

Apocalipsis 7:9

Patil la jquil c'ax tsobolic, mayuc mach'a ya xhu' ya yahtay, talemic ta spisil ta chahp nacionetic, ts'umbaliletic, pueblohetic soc c'opiletic; tec'ajtic ta stojol te muc'ul-huctajibal soc ta stojol te Jcolel Tuminchij, slapojic sac sc'u' spaq'uic soc stuchticlanejic xahn ta sc'abic.

Romanos 8:27

Te mach'a ya sna'botic co'tantic ya sna' te bin ay ta yo'tan te Espíritu, como hich ya xc'opoj yu'un te mach'atic ch'uhltesbilic te bin ut'il ya sc'an yo'tan te Diose.

San Lucas 22:19

Ha nix hich la stsac te pan, la yalbe wocol Dios yu'un, la xet' soc la spucticlambe, hich la yal: Ha jbaq'uetal ini te ac'bil ta acuentahic; pasahic ta scuenta jna'ojibal, xchi.

San Mateo 13:22

Te ts'unubil te c'oht ta yohlil ch'ixileltic, ha sc'oblal te mach'a ya ya'iy te c'op, pero te bin ya xbaht ta yo'tan sna'el te bintic ay ta bahlumilal soc te lo'loyel yu'un te c'uhlejalil ya stenic te c'ope, ma ba ya yac' sitinuc.

1 Corintios 15:3

Ta shahchibal la jca'beyex anopic te bin a'boton: Ha te laj Cristo ta scuenta jmultic, hich te bin ut'il ts'ihbabil ta Shun Dios;

Efesios 5:16

na'ahic stuhunel ta lec te tiempo, como chopol te bin ya xc'oht ta pasel ta jujun c'ahc'al.

1 Tesalonicenses 1:3

Spisil ora ya jna'excotic ta stojol te Jtatic Dios yu'un te awa'telic yac apasic ta scuenta sch'uhunel awo'tanic, te awa'telic ta scuenta sc'uxul awo'tanic, soc te ay yip awo'tanic ta smahliyel te Cajwaltic Jesucristo.