Gálatas 1:10 - Bible in Tzeltal Bachajón

¹⁰ ¿Yu'un bal ya jle te lec jc'oblal yu'un winiquetic, o ha te lec jc'oblal yu'un te Diose? ¿Yu'un bal ha ya jc'an te ayuc yutsil yo'tan winiquetic cu'un? Te ha'uc ya jc'an te ay yutsil yo'tan winiquetic cu'un, yu'un nix ma ya'batucon Cristo abi.

Nuevo Testamento Tzeltal de Amatenango

¹⁰ Te joꞌone ma jaꞌuk ya jle te lek jkꞌoplal yuꞌun te winketike, yuꞌun jaꞌ ya jle te lek jkꞌoplal yuꞌun te Diose. Teme jaꞌ ya jkꞌan te lek ayon sok te winketike, ma joꞌukonix a te yaj-aꞌtelon te Cristoe.

Bible in Tzeltal de Oxchuc y Tenejapa

¹⁰ Te bit'il jich la calixe, ¿yu'un bal ja' ya jle awaiyic te bit'il lecuc jc'oplal ya xc'oon ta stojol te ants-winiquetique? ¿O ja' bal ya jle te lecuc jc'oplal ya xc'oon ta stojol Dios? ¿Yu'un bal acuyojic te ja' ya jmulan te lecuc jc'oplal yu'un te ants-winiquetique? Melel teme ja' ya jc'ane, yu'un nanix ma ja'uc yabaton a te Cristoe.

Gálatas 1:10 Referans Kwoze

1 Tesalonicenses 2:4

Hich ya xc'opojotcotic te bin ut'il mach'atic lec yo'tan Dios yu'un, te hich ac'ot ta jcuentacotic te lec yach'il c'ope. Ma ha'uc ya jc'ancotic te lec yo'tan cu'uncotic te ants-winiquetic, ha'uc me lec yo'tan cu'uncotic te Dios, te ya ya'iybotic co'tantic stuquel.

Hechos 5:29

Hich la sjac' te Pedro soc te yantic jpuc-c'opetic: Ha bayel xan sc'oblal te ya jch'uhumbetic smandar Dios te bin ut'il te smandar winiquetique.

Efesios 6:6

ma ha'uc nax te c'alal yac yilbelat, hich te bin ut'il mach'atic ha nax ya sc'anic te lec sc'oblalic yu'un yantic, hichuquex me te bin ut'il a'batetic yu'un Cristo, ta spisiluc awo'tanic yac apasic te bin ya sc'an yo'tan te Diose.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

San Mateo 22:16

La sticonic bahel te jnopojeletic yu'unic soc te winiquetic yu'un Herodes, hich c'oht yalbeyic: Maestro, jna'ojcotic te smelelil ya xc'opojat soc smelelil yac awac' ta nopel te be yu'un Dios, mayuc sc'oblal awu'un te bin ya yal yantic, como ma ba yac awilbe bin yilel stalel te ants-winiquetique.

Colosenses 3:22

Mosohex, ch'uhumbeyahic spisil smandar te awajwalic ta bahlumilal, ma me ha'uc to te c'alal yac yilbelex a, te hich lec ac'oblalic ya xc'oht yu'un, pero junuc me awo'tanic xapasic ta scuenta yich'el ta muc' te Diose.

Romanos 2:29

ha mero judío te mach'a hich ay ta yo'tan, soc ha mero circuncisión te yich'oj ta yo'tan ta scuenta te Espíritu, ma ha'uc ta scuenta te bin ts'ihbabil. Te mach'a hich yo'tan, ma ha'uc tey ya xtal a te ya xhalbot lec sc'oblal yu'un winiquetic, ha ya xhalbot lec sc'oblal yu'un te Diose.

1 Juan 3:9

Spisil mach'a ayinem ta stojol Dios, ma ba ya slehulanix smul, como yich'beyej stalel te Diose. Ma xhu' ya slehulanix smul, como ha yal-snich'an te Diose.

2 Corintios 12:19

¿Yu'un bal acuyojic te yac nax jcoltaybel jbahcotic ta c'op a? Ta stojol Dios c'opojemotcotic ta scuenta Cristo. Quermanotac te c'uxex ta co'tancotic, spisil te bintic ya jpascotic, yu'un hich ya yich' yip awo'tanic a.

Romanos 2:8

yan te mach'atic stuquel ya sle yutsil slequilic soc te ma ba ya sch'uhunic te smelelil c'op, te ha ya'telinejic spasel bintic ma stojiluc, ya me yich'ic te ilimba soc c'ahc'al-o'tanil.

Romanos 1:1

Pablo, a'bat yu'un Jesucristo, ic'bil ta jpuc-c'op soc tsahbil yu'un yalel te lec yach'il c'op yu'un Dios,

1 Corintios 10:33

Ha nix hichon, ta spisil ya jle bin ut'il lec yo'tanic yu'un spisil bintic ya jpas, ma jtuqueluc ya jle cutsil jlequil, ha ya jlehbe yutsil slequil tsobol yantic, scuenta yu'un hich ya xcolic a.

San Mateo 28:14

Teme la ya'iy te gobernador, ya cac'cotic xc'ohtuc ta yo'tan, hich ya colex cu'uncotic, xchihic.

1 Samuel 21:7

Ha nix yorahil te tey macbil a ta stojol Jehová jtuhl a'bat yu'un Saúl, Doeg sbihil, talem ta Edom, ha jtsobaw yu'un te jcanan-tuminchijetic yu'un Saúl.

Hechos 12:20

Te Herodes ilinem ta stojol te mach'atic ayic ta Tiro soc Sidón; ha yu'un la schap sc'opic, bahtic ta stojol Herodes. Hu' yu'unic te lec c'ohtic ta stojol te Blasto, te tulan ya'tel ta stojol te ajwalil, la sc'anic te yacuc xlahmaj q'uinal, yu'un tey ya sta swe'elic tey ta sq'uinal te ajwalile.

San Mateo 6:24

Mayuc mach'a ya xhu' ya yac' sba ta a'batinel yu'un cheb ajwaliletic; como ya me yihlay te jtuhle soc c'ux ta yo'tan te yane, o jun yo'tan ta stojol te jtuhle, soc ya sp'aj te yane. Ha nix hich, ma xhu' yac awac' abahic ta a'batinel yu'un Dios soc yu'un te c'uhlejalile.

Filipenses 1:1

Pablo soc Timoteo, a'batetic yu'un te Jesucristo, ta stojol spisil te mach'atic ch'uhltesbilic te ayic ta stsojol Cristo Jesús ta Filipos, soc te obispohetic soc te diáconohetique.