Éxodo 9:6 - Bible in Tzeltal Bachajón

⁶ Ta yan c'ahc'al hich la spas te Jehová; cham spisil te chambahlametic yu'un Egipto. Yan te schansbahlamic te snich'nab Israel ni jcohtuc cham stuquel.

Bible in Tzeltal de Oxchuc y Tenejapa

⁶ Jich yu'un ta yan c'aalil la spas te Cajwaltique. Spisil xchamsbalamic te egipcioetic lajic. Yan te yu'un israeletic ma'yuc laj jcojt'uc yu'unic stuquelic.

Éxodo 9:6 Referans Kwoze

Salmos 78:48

La slajin ta bat te wacaxetic yu'unic, te chambahlametic yu'unic la slajin ta tsantsehwaletic.

Salmos 78:50

La schahpambe sbehlal te yilimba; ma ba la scoltaybe scuxlejalic ta lajel, ha la yac'ticlan ta jlajinwanej.

Éxodo 9:25

Te bat la slajinlan spisil bintic ay ta aquiltic ta spahmal sq'uinal Egipto, ants-winiquetic soc chambahlametic; la slajin spisil te ha'maletic soc la sjepticlan spisil te te'etic ta q'uinal.

Éxodo 8:22

Te bin c'ahc'alil te hich ya xc'oht ta pasel parte ya xc'oht cu'un te sq'uinal Gosén te banti ay te pueblo cu'un, mayuc hahetic tey a, yu'un hich yac ana' a te ho'on Jehovahon te ayon ta yohlil te q'uinale.

Éxodo 9:4

Te Jehová parte ya xc'oht yu'un te chambahlametic yu'un te snich'nab Israel soc yu'un Egipto, ma ba ya xcham stuquel te bintic ay yu'un te snich'nab Israel, xchi.

Éxodo 9:5

Te Jehová la ya'be yorahil, hich la yal: Pajel hich ya xc'oht ta pasel yu'un Jehová li' ta q'uinal ini, xchi.

Éxodo 9:26

Yan ta sq'uinal Gosén, ta banti ayic te snich'nab Israel, ma ba co bat tey a stuquel.

Éxodo 12:29

Ta ohlil ahc'abal te Jehová la yehchentes scuenta lajel spisil te ba-alaletic ta sq'uinal Egipto, te ba-alal yu'un faraón te hucul ta shuctajib c'alal ta ba-alal yu'un te mach'a ay ta cárcel, soc spisil sba-al chambahlametic.

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.