Éxodo 8:28 - Bible in Tzeltal Bachajón

²⁸ La yal te faraón: Ya caq'uex bahel yu'un yac awa'beyic milbil smahtan te Jehová te Dios awu'unic ta jochol taquin q'uinal, pero ma ba c'ax namaluc ya xbahex. C'opombonic me Dios, xchi.

Bible in Tzeltal de Oxchuc y Tenejapa

²⁸ Te faraón, jich la yal: —Lec ay, ya caq'uex bael ta muc'ul jochol taquin q'uinal, pero ja' te ma jc'axeluc najt' ya xbaexe. C'oponbonic Dios tey uuc a —xi'.

Éxodo 8:28 Referans Kwoze

Éxodo 8:8

Ha yu'un te faraón la sticon ta iq'uel te Moisés soc Aarón, hich la yalbe: C'opona te Jehová te yacuc sloq'ues bahel te xch'uch'etic ta jtojol soc ta stojol te pueblo cu'un, ya cac' loc'uc bahel te pueblo awu'un yu'un ya ya'beyic milbil smahtan te Jehová, xchi.

Éxodo 9:28

C'opona te Jehová, yu'un tic' a te chahwuc yu'un Dios soc te bat. Ya caq'uex bahel, ma ba ya jcomexix, xchi.

1 Reyes 13:6

Ha yu'un te ajwalil la yalbe te winic yu'un Dios: Awocoluc, c'opombon te Jehová te Dios awu'un, scuenta yu'un ya xlecub a te jc'abe, xchi. Hich te winic yu'un Dios la sc'opon te Jehová, hich lecub te sc'ab te ajwalil, hich c'oht te bin ut'il ay ta nahil to.

Hechos 8:24

La sjac' te Simón: C'opombonic Cajwaltic te manchuc ya xc'oht ta jcuenta te bin la awalique, xchi.

Oseas 10:2

Cheb yo'tanic, yo'tic ya xtahbot smulic. Te Jehová ya sjin cohel te scajtajib ta chiq'uel mahtaniletic soc ya sjinticlambe te loc'ombahetic yu'unique.

Esdras 6:10

scuenta yu'un ya ya'beyic milbil mahtaniletic te lec yo'tan yu'un te Dios ta ch'ulchan, soc te yacuc sc'opombeyic Dios yu'un te ajwalil soc te yal-snich'nabe.

Éxodo 10:17

Ha yu'un ya calbeyex wocol, pasbonic perdón yu'un jmul junuc xan buelta, soc c'opombonic a te Jehová te Dios awu'unic te yacuc sloq'uesbon ta jtojol te wocol scuenta lajel ini, xchi.

Éxodo 8:29

La sjac' te Moisés: Te c'alal ya xloc'on bahel ta atojol ya jc'ambe Jehová te pajel ya xloq'uic bahel te ipal hahetic ta atojol soc ta stojol te a'batetic soc te pueblo awu'un. Pero ma me slo'loyotcotic xan te faraón te ma ba ya yac' bahel te pueblo ta ya'beyel milbil smahtan te Jehová, xchi.

Eclesiastés 6:10

Te bintic ay ta ora ini, nameyix la yich' a'beyel sbihil. Na'bil sba bin a te winique: Ma xhu' ya stsac sba soc te mach'a bayel xan yip.

Éxodo 8:15

Pero te faraón, c'alal la yil te mayuquix swocol, la stulanubtesbe yo'tan, ma ba la ya'iybe sc'opic, hich te bin ut'il la yal te Jehová.

Jeremías 42:2

ta stojol te jalwanej Jeremías, hich la yalbeyic: A'iya awa'iy bin ya jc'ambatcotic; c'opombotic Jehová te Dios awu'un yu'un spisil te mach'atic hilemique. Ta nahil tsobolotcotic, ta ora ini mayucotic tsobol, hich te bin ut'il yac awile.

Éxodo 3:19

Ya jna' te ma xyaq'uex bahel te ajwalil yu'un Egipto ha to teme tulan ya xtenot ta yip c'abal.

Éxodo 7:13

Pero tulanub yo'tan te faraón, ma ba la ya'iybe sc'opic, hich te bin ut'il la yal te Jehová.