Éxodo 8:15 - Bible in Tzeltal Bachajón

¹⁵ Pero te faraón, c'alal la yil te mayuquix swocol, la stulanubtesbe yo'tan, ma ba la ya'iybe sc'opic, hich te bin ut'il la yal te Jehová.

Bible in Tzeltal de Oxchuc y Tenejapa

¹⁵ Ja'uc me to, te faraón c'alal la yil te ma'yuquix bi chicane, cha'tulanaj te yo'tane. Jich ma la yich'bey ta muc' sc'opic te Moisés soc te Aarón, jich bit'il yalojbey nix sc'oplal a te Cajwaltique.

Éxodo 8:15 Referans Kwoze

Isaías 26:10

Aunque ya xna'bot yo'bolil sba te mach'a chopol, ma ba ya snop te bin stojil ta pasele; ha ya spas te bin chopol ta banti toj bin ya yich' pasel, soc ma ba ya yil te smuc'ul yutsilal te Jehová.

Hebreos 3:15

Hich te bin ut'il la yich'ix halel: Teme yac awa'iybeyic sc'op yo'tic, ma me tulanuc xawac' awo'tanic, hich te bin ut'il la stoy sbahic, xchi.

Hebreos 3:8

ma me tulanuc xawac' awo'tanic, hich te bin ut'il la stoy sbahic ta yorahil tsajel ta jochol taquin q'uinal,

Eclesiastés 8:11

Teme ma ba ya x'a'bot castigo ta ora yu'un te bin chopol la yich' pasele, te ants-winiquetic ya xbaht ta yo'tanic spasel te bin chopole.

Éxodo 7:4

Te faraón ma ba ya ya'iybeyex ac'opic; pero ya cac' jc'ab ta stojol Egipto soc ya jloq'ues te jujuchahp cu'un, ha te pueblo cu'un, ha te snich'nab Israel, ta sq'uinal Egipto ta scuenta tulan castigohetic.

Éxodo 14:5

Te c'alal halbot te ajwalil yu'un Egipto te loq'uiquix ta ahnel te pueblo israel, yanij yo'tan te faraón soc te a'batetic yu'un ta stojolic, hich la yalic: ¿Bin yu'un hich la jpastic te la jcac'tic loq'uel te Israel, te hich ma ba ya yac' sbahic ta a'batinel cu'untic? xchihic.

Éxodo 4:21

Te Jehová hich la yalbe te Moisés: Te c'alal ya xc'ohat ta Egipto, ya me apas ta stojol faraón spisil te jchahp a'teliletic te la jca'batix apas. Pero ya jtulantesbe yo'tan scuenta yu'un ma ba ya yac' bahel te pueblo.

Apocalipsis 16:9

Hich chic'otic yu'un te tulan sc'ahc'al, hahch sbohlc'optaybeyic sbihil te Dios te scuentahinej te wocoletic ini, ma ba la suhtes yo'tanic yu'un soc ma ba la yalbeyic yutsil sc'oblal.

Oseas 6:4

Ya yal te Jehová: ¿Bin ya jpasbat ta atojol, Efraín? ¿Bin ya jpasbat ta atojol, Judá? Te sc'uxul awo'tanic hich c'ohem te bin ut'il tocal ta sab, hich c'ohem te bin ut'il te ts'ujul ta sacubel q'uinal te ya xch'ay bahele.

Proverbios 29:1

Te mach'a tulan ya yac' sba, teme ya yich' comel, ora nax ya yich' jinel, soc mayuc spoxil yu'un.

Éxodo 8:8

Ha yu'un te faraón la sticon ta iq'uel te Moisés soc Aarón, hich la yalbe: C'opona te Jehová te yacuc sloq'ues bahel te xch'uch'etic ta jtojol soc ta stojol te pueblo cu'un, ya cac' loc'uc bahel te pueblo awu'un yu'un ya ya'beyic milbil smahtan te Jehová, xchi.

Éxodo 8:14

La sbusanlanic; tuhub te q'uinale.

Éxodo 8:16

Ha yu'un te Jehová la yalbe te Moisés: Halbeya te Aarón: Toya anahbate', maja te ts'u'lum scuenta yu'un ya xc'atp'uj ta us ta spahmal sq'uinal Egipto, xchi.

Éxodo 8:28

La yal te faraón: Ya caq'uex bahel yu'un yac awa'beyic milbil smahtan te Jehová te Dios awu'unic ta jochol taquin q'uinal, pero ma ba c'ax namaluc ya xbahex. C'opombonic me Dios, xchi.

Éxodo 8:29

La sjac' te Moisés: Te c'alal ya xloc'on bahel ta atojol ya jc'ambe Jehová te pajel ya xloq'uic bahel te ipal hahetic ta atojol soc ta stojol te a'batetic soc te pueblo awu'un. Pero ma me slo'loyotcotic xan te faraón te ma ba ya yac' bahel te pueblo ta ya'beyel milbil smahtan te Jehová, xchi.

Éxodo 8:32

Pero te faraón tulanup yo'tan yan buelta, ma ba la yac' loq'uel te pueblo.

1 Samuel 6:6

¿Bin yu'un yac atonobtes awo'tanic hich te bin ut'il la stonobtes yo'tanic te egipciohetic soc te faraón? Ta patil te ac'ticlambot swocolic yu'un, ¿ma bal la sticonlanic bahel te israeletic, hich bahtic?

Proverbios 26:11

Hich te bin ut'il ts'i' te ya suht tal ta slo'el xe, hich ya scha'pas te sonsohil te mach'a ma sna' q'uinale.

1 Samuel 6:3

Hich la yalic: Teme yac asutic bahel te scaxahul te chapbil-c'op yu'un te Dios yu'un Israel, ma me jocholuc yac aticonic suhtel, ya me awa'beyic mahtanil yu'un stahel falta; hich ya xlecubex soc tey yac ana'ic a te bin scuentahil ma ba loq'uem ta atojolic te sc'ab te Diose, xchihic.

1 Samuel 6:9

Soc ya me awilic bahel; teme ya xmo bahel ta sbehlal te sq'uinal ta Bet-semes, yu'un ha nix la ya'botic te bayel jwocoltic ini; yan teme ma teyuc ya xbaht a, hich ya jna'tic a te ma ha'uc te sc'ab Dios te la ya'botic jwocoltic, yu'unix hich nax talem a, xchihic.

1 Samuel 6:12

Toj behenic bahel te me' wacaxetic ta sbehlal Bet-semes, yacalic ta oq'uel bahel, ma ba loq'uic bahel ta wa'el o ta q'uexam ta be. Te príncipaletic yu'un te filisteohetic la st'unic bahel ta spat c'alal ta sti'il te Bet-semes.