Éxodo 7:5 - Bible in Tzeltal Bachajón

⁵ Ya me sna'ic te egipciohetic te ho'on Jehovahon, te c'alal ya hach jc'ab ta stojol Egipto soc ya jloq'ues bahel ta yohlilic te snich'nab Israel, xchi.

Bible in Tzeltal de Oxchuc y Tenejapa

⁵ Te bit'il ya cac' ta ilel cu'el ta Egipto, soc te bit'il ya xloc' bael cu'un te israeletique, te egipcioetic jich me ya sna'ic te jo'on Ajwalilone —xi' te Diose.

Éxodo 7:5 Referans Kwoze

Éxodo 14:18

Te egipciohetic ya me sna'ic te ho'on Jehovahon te c'alal ya jtohytes jc'oblal ta scuenta faraón soc te carretahetic soc te mach'atic cajajtic ta cawu, xchi.

Éxodo 8:22

Te bin c'ahc'alil te hich ya xc'oht ta pasel parte ya xc'oht cu'un te sq'uinal Gosén te banti ay te pueblo cu'un, mayuc hahetic tey a, yu'un hich yac ana' a te ho'on Jehovahon te ayon ta yohlil te q'uinale.

Éxodo 7:17

Ha yu'un hich ya yal te Jehová: Hich me yac ana' te ho'on Jehovahon: ya jmaj te muc'ul-ha' ta nahbate'el ay ta jc'ab, ya xc'atp'uj ta ch'ich'.

Éxodo 14:4

Ya jtulanubtesbe yo'tan te faraón yu'un ya snutsex. Ya xtohy jc'oblal ta scuenta faraón soc spisil te soldadohetic yu'un, soc ya me sna'ic te egipciohetic te ho'on Jehovahon, xchi. Hich la spasic.

Éxodo 3:20

Pero ya jach jc'ab, ya quehchentes te Egipto ta spisil te jchahp a'teliletic ya jpasbe tey a, hich ya yaq'uex bahel.

Ezequiel 39:22

Ta hich ora soc ta patil ya me sna' te sna Israel te ho'on Jehovahon, te Dioson yu'une.

Ezequiel 39:7

Ya cac' ta na'el te jch'ul bihil ta yohlil te pueblo Israel cu'un, mayuquix bin ora ya cac' te ya sbohlobtesbon te jch'ul bihile; soc te nacionetic ya me sna'ic te ho'on Jehovahon, te Ch'ul Dios ta Israel.

Éxodo 8:10

Pajel, xchi te faraón. Hich la sjac' te Moisés: Ya xc'oht ta pasel hich te bin ut'il yac awale scuenta yu'un hich yac ana' a te mayuc yan hich te bin ut'il Jehová te Dios cu'uncotique.

Ezequiel 36:23

Ya jch'ultes te jmuc'ul bihil, te bohlobtesbil sc'oblal ta yohlil te nacionetic, ha te la abohlobtesbeyic sc'oblal ta yohlilique. Ya me sna'ic te nacionetic te ho'on Jehovahon, xchi te Jehová, te Ajwalil, te c'alal ya quich' ch'ultesel ta acuentahic ta stojol te sitique.

Ezequiel 28:22

Hich xawalbe: Hich yaloj te Jehová, te Ajwalil: Jcontrahinejat, Sidón, ya xhalbot yutsil jc'oblal ta awohlil. Ya me sna'ic te ho'on Jehovahon te c'alal ya ca'be castigo, soc ya cac' ta ilel tey a te ho'on Ch'ul Dioson.

Ezequiel 25:17

Ya ca'be tulan spacol soc ya ca'be castigo soc quilimba; ya me sna'ic te ho'on Jehovahon te c'alal ya jpac jc'abal ta stojolic, xchi te Jehová.

Salmos 9:16

Te Jehová la yac' sba ta na'el ta scuenta te stojil chahpanwanej te la spas; te mach'a chopol ha nix chucot yu'un te ya'tel sc'ab. Higaión. Selah

Éxodo 8:19

Ha yu'un te j'ilojeletic hich la yalbeyic te faraón: Ha'ix te yal sc'ab Dios ini, xchihic. Pero te faraón tulanub yo'tan, ma ba la ya'iybe sc'opic, hich te bin ut'il la yal te Jehová.

Éxodo 6:1

Te Jehová la sjac'be sc'op te Moisés: Ya me awil yo'tic bin ya jpasbe te faraón, yu'un ta scuenta yip jc'ab ya me yac'ticlan bahel, ta scuenta yip jc'ab ya me stenticlan loq'uel ta sq'uinal, xchi.

Éxodo 10:2

soc yu'un yac awalbe te awal-anich'anic soc te amamataquic te bin la jpas ta Egipto soc sc'oblal te jchahp a'teliletic la jpas ta yohlilic; hich yac ana'ic a te ho'on Jehovahon, xchi.

Éxodo 10:7

Ha yu'un te a'batetic yu'un faraón hich la yalbeyic: ¿Ban c'alal ya ya'botic jwocoltic te winic ini? Ac'a bahel te winiquetic scuenta yu'un ya sch'uhuntayic te Jehová te Dios yu'unique. ¿Yu'un bal ma to xana' te jihnemix te Egipto? xchihic.

Éxodo 18:8

Te Moisés la yalbe ya'iy te snihal-mamal spisil te bintic la spas Jehová ta stojol faraón soc te egipciohetic scuenta sc'uxultayel te Israel, soc spisil te swocolic te c'oht ta pasel ta be soc bin ut'il coltayotic yu'un Jehová.

Salmos 138:7

Te c'alal ya xc'axon ta yohlil wocol, ha'at yac awac' cuxajucon; yac ahach ac'ab ta scontrahinel te yilimba te jcontratac, yac acoltayon ta awa'el-c'ab.

Ezequiel 32:15

Te c'alal ya jc'atp'un ta jochol q'uinal te Egipto, soc te jochol ya xhil te q'uinal yu'un spisil bintic ay tey a; te c'alal ya jmil spisil te mach'atic nahinem tey a, ya me sna'ic te ho'on Jehovahon.

Éxodo 6:6

Ha yu'un hich me xawalbe te snich'nab Israel: Ho'on Jehovahon; ya jcoltayex loq'uel ta tulan a'tel ta Egipto; ya caq'uex ta libre yu'un te mosohil, soc ya jloq'uesex ta scuenta yu'el jc'ab soc ta scuenta tulan castigo.