Éxodo 7:20 - Bible in Tzeltal Bachajón

²⁰ Te Moisés soc Aarón hich la spasic te bin ut'il pasotic ta mandar yu'un te Jehová. La stoy snahbate', la smaj te muc'ul-ha' ta stojol faraón soc ta stojol te a'batetic yu'une. Spisil te ha'etic ta muc'ul-ha' c'atp'ujic ta ch'ich'.

Bible in Tzeltal de Oxchuc y Tenejapa

²⁰ Te Moisés soc te Aarón jich la spasic te bit'il albotic mandal yu'un te Cajwaltique. Te Aarón la stoy te sbastón, la smaj a te ja' ta sit te faraón soc te sjo'tac ta ajwalile. Spisil te ja'etic c'atp'ujic ta ch'ich'.

Éxodo 7:20 Referans Kwoze

Salmos 105:29

La sc'atp'un ta ch'ich' te ha'etic yu'unic, la slajimbe te schayule.

Salmos 78:44

Ha la sc'atp'un ta ch'ich' te muc'ul-ha'etic, ma ba hu' la yuch'ic te ha'etique.

Apocalipsis 8:8

Te schebal ch'ul a'bat la yoq'uesin te scorneta; la yich' ch'ojel ochel ta mar sjel ta muc'ul wits yac ta c'ahq'uel. C'atp'uj ta ch'ich' jun ta yoxeht'el te mar,

Éxodo 4:9

Yan teme ma ba ya sch'uhunic te cheb señahetic ini soc teme ma ba ya ya'iybat te ac'ope, ya me alup te ha' ta muc'ul-ha', ya me amal ta lumq'uinal. Te ha' yac alup loq'uel ta muc'ul-ha', ya xc'atp'uj ta ch'ich' ta lumq'uinal, xchi.

Éxodo 7:21

Cham te chayetic ayic ta ha'; tuhub te muc'ul-ha', hich ma ba hu' la yuch'ic te egipciohetique. Ay ch'ich' ta spahmal sq'uinal Egipto.

2 Reyes 4:29

Te Eliseo hich la yalbe te Giezi: Chuca ach'uht, ich'a te jnahbate', bahan me. Teme ay mach'a yac ata ta be, ma me xapatbe yo'tan; teme ay mach'a ya spatbat awo'tan, ma me xajac'be. Cajambeya ta yelaw te alal te jnahbate', xchi.

Habacuc 3:8

¿Ilinemat bal, Jehová, ta stojol te muc'ul-ha'etic? ¿Acontrahinej bal te muc'ul-ha'etic ta awilimba? ¿Tihlem bal sc'ahc'al awo'tan ta stojol te mar c'alal mohat ta cawuhetic awu'un, ta carretahetic awu'un te ya xtsalwanic?

Éxodo 7:6

Te Moisés soc Aarón hich la spasic te bin ut'il pasotic ta mandar yu'un te Jehová.

Éxodo 7:10

Ha yu'un te Moisés soc Aarón bahtic ta stojol faraón, hich la spasic te bin ut'il pasotic ta mandar yu'un te Jehová. Te Aarón la sch'oj cohel te snahbate' ta stojol faraón soc ta stojol te a'batetic yu'un, hich c'atp'uj ta chan.