Éxodo 7:19 - Bible in Tzeltal Bachajón

¹⁹ Te Jehová la yalbe te Moisés: Halbeya te Aarón: Tsaca anahbate', hacha ac'ab ta stojol te ha'etic ta Egipto, ta stojol te muc'ul-ha'etic, tut ha'etic, pamal ha'etic, soc spisil yawil ha'etic, scuenta yu'un ya xc'atp'ujic ta ch'ich'. Ay me ch'ich' ta spahmal sq'uinal Egipto, ha nix hich ta yawil ha' pasbilic ta te' soc ta ton, xchi.

Bible in Tzeltal de Oxchuc y Tenejapa

¹⁹ Te Cajwaltic la yalbey xan te Moisese: —Albeya te Aarón ac'a stoy bael sbastón ta stojol te ja'etique: te bebeja'etic, pamal ja'etic, estanqueetic ta spamal sq'uinal Egipto te ay ja'etic tey a. Spisil me ya xc'atp'ujic ta ch'ich'. Soc ya me xc'atp'ujic ta ch'ich' spisil te ja'etic te pasbilic yawil ta te' soc te ay pasbilic ta ton —xi' te Cajwaltique.

Éxodo 7:19 Referans Kwoze

Éxodo 14:21

Te Moisés la stoy sc'ab ta stojol te mar, te Jehová la yac' tal tulan ic' sjunal ahc'abal ta stojol banti ya xloc' tal c'ahc'al; hich la sjam sba te ha' soc taquij te slumile.

Éxodo 14:26

Te Jehová hich la yalbe te Moisés: Toya ac'ab ta stojol te mar scuenta yu'un ya sut te ha' ta sba te egipciohetic, te carretahetic, soc te cawuhetic yu'unique, xchi.

Éxodo 10:21

Te Jehová la yalbe te Moisés: Toya mohel ac'ab scuenta yu'un ya x'ihc'ub q'uinal ta sq'uinal Egipto, hich yihc'al ya xc'oht te bin ut'il ya xhu' ta tsaquel ya'iyel, xchi.

Éxodo 10:12

Ha yu'un te Jehová la yalbe te Moisés: Toya mohel ac'ab ta stojol te sq'uinal Egipto scuenta yu'un ya xtal c'ulubetic te ya spuc sbahic ta sq'uinal Egipto soc ya slajinic spisil te bin hilem yu'un te bat, xchi.

Éxodo 8:16

Ha yu'un te Jehová la yalbe te Moisés: Halbeya te Aarón: Toya anahbate', maja te ts'u'lum scuenta yu'un ya xc'atp'uj ta us ta spahmal sq'uinal Egipto, xchi.

Éxodo 9:33

C'alal loc' bahel Moisés ta stojol faraón, ta sti'il te pueblo, la stoy sc'ab ta stojol Jehová, hich quehchaj te chahwuc soc te bat, soc ma ba tal xan ha'al ta lumq'uinal.

Génesis 1:10

Dios la ya'be sbihil lumq'uinal te q'uinal te taquijemixe. Te banti la stsob sba te ha'e, ‘maretic’ sbihil c'oht yu'un. Lec la yil te Diose.

Éxodo 4:9

Yan teme ma ba ya sch'uhunic te cheb señahetic ini soc teme ma ba ya ya'iybat te ac'ope, ya me alup te ha' ta muc'ul-ha', ya me amal ta lumq'uinal. Te ha' yac alup loq'uel ta muc'ul-ha', ya xc'atp'uj ta ch'ich' ta lumq'uinal, xchi.

Éxodo 14:16

Te ha'ate toya mohel anahbate', toya ac'ab ta stojol te mar, ac'a sjam sba te ha'e, hich taquin slumil a ya sohlic bahel te snich'nab Israel ta yohlil mar.

2 Reyes 4:29

Te Eliseo hich la yalbe te Giezi: Chuca ach'uht, ich'a te jnahbate', bahan me. Teme ay mach'a yac ata ta be, ma me xapatbe yo'tan; teme ay mach'a ya spatbat awo'tan, ma me xajac'be. Cajambeya ta yelaw te alal te jnahbate', xchi.

Isaías 5:25

Ha scuentahil te tihl yilimba Jehová ta stojol te pueblo yu'un, soc te la shach sc'ab ta scontrahinel soc te la yehchentes; nihc te witsiltic, te schamen-baq'uetalic ch'ojbilic hilel ta callehetic. Ta spisil ini, ma ba quehchaj te yilimba Jehová, shachoj to te sc'ab ta yaq'uel castigo.

Habacuc 3:8

¿Ilinemat bal, Jehová, ta stojol te muc'ul-ha'etic? ¿Acontrahinej bal te muc'ul-ha'etic ta awilimba? ¿Tihlem bal sc'ahc'al awo'tan ta stojol te mar c'alal mohat ta cawuhetic awu'un, ta carretahetic awu'un te ya xtsalwanic?

Isaías 19:10

te jal-paq'uetic ya me xpehc'aj yo'tanic, soc spisil te j'a'teletic ya me smel yo'tanic.