Éxodo 7:17 - Bible in Tzeltal Bachajón

¹⁷ Ha yu'un hich ya yal te Jehová: Hich me yac ana' te ho'on Jehovahon: ya jmaj te muc'ul-ha' ta nahbate'el ay ta jc'ab, ya xc'atp'uj ta ch'ich'.

Bible in Tzeltal de Oxchuc y Tenejapa

¹⁷ Jich yu'un tey me ya ana' yo'tic a te ja' mero Ajwalil stuquele: Te ya jmaj ta muc'ja' soc te jbastón jtsacoj ta jc'abe, ya me xc'atp'uj ta ch'ich' te ja'e.

Éxodo 7:17 Referans Kwoze

Éxodo 4:9

Yan teme ma ba ya sch'uhunic te cheb señahetic ini soc teme ma ba ya ya'iybat te ac'ope, ya me alup te ha' ta muc'ul-ha', ya me amal ta lumq'uinal. Te ha' yac alup loq'uel ta muc'ul-ha', ya xc'atp'uj ta ch'ich' ta lumq'uinal, xchi.

Éxodo 7:5

Ya me sna'ic te egipciohetic te ho'on Jehovahon, te c'alal ya hach jc'ab ta stojol Egipto soc ya jloq'ues bahel ta yohlilic te snich'nab Israel, xchi.

Éxodo 5:2

Pero la sjac' te faraón: ¿Mach'a a te Jehová te ya jch'uhumbe sc'op te ya cac' bahel te Israel? Ma jna'be sba te Jehová yac awale, soc ma ba ya cac' bahel te Israel, xchi.

Ezequiel 39:28

Ya me sna'ic te ho'on Jehovahon, te Dioson yu'unic, te c'alal ic'biliquix bahel cu'un ta chuquel ta yohlil a te nacionetic, la jtsob tal ta sq'uinalic, te mayuc ni jtuhluc hilic tey a.

Ezequiel 38:23

Hich ya cac' ta ilel te smuc'ul cu'el soc te Ch'ul Dioson, soc ya cac' te ya xna'ot jba ta stojol bayel nacionetic. Ya me sna'ic te ho'on Jehovahon, xchi.

Salmos 9:16

Te Jehová la yac' sba ta na'el ta scuenta te stojil chahpanwanej te la spas; te mach'a chopol ha nix chucot yu'un te ya'tel sc'ab. Higaión. Selah

Apocalipsis 11:6

Te cheb testigohetic ini ay yu'elic yu'un ya smaquic te ch'ulchan scuenta yu'un ma xtal ha'al te jayeb c'ahc'al yacalic ta yalel te sc'op-jalwanej; soc ay yu'elic yu'un sc'atp'unel ta ch'ich' te ha'etic, soc yu'un ya yac' spisil ta chahp jlajinwanej ta bahlumilal, ha chican jayeb buelta ya sc'anic.

Apocalipsis 8:8

Te schebal ch'ul a'bat la yoq'uesin te scorneta; la yich' ch'ojel ochel ta mar sjel ta muc'ul wits yac ta c'ahq'uel. C'atp'uj ta ch'ich' jun ta yoxeht'el te mar,

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Daniel 5:21

La yich' loq'uesel ta stojol te ants-winiquetic, te spensar hich c'oht te bin ut'il te spensar chambahlam, soc la sjoquin ta nahinel te ha'mal burrohetique. A'bot swe' ha'mal hich te bin ut'il wacax, t'ux sbaq'uetal ta sts'ujulil ch'ulchan, ha to c'alal la sna' te Dios te mero toyol ay ha toyol xan ya'tel ta stojol ban c'alal scuentahinej winiquetic, soc te ya ya'be ya'tel ta cuentahinwanej te mach'a ya sc'an ya ya'be.

Daniel 4:37

Yo'tic, ho'on Nabucodonosor, ya calbe wocol, ya jtoybe sc'oblal soc ya calbe yutsil sc'oblal te Muc'ul Ajwalil ta ch'ulchan, como smelelil spisil bin ya spas soc toj te behetic yu'une; ya xhu' ya spehc'an te mach'atic toyol yac'oj sbahic, xchi.

Daniel 4:32

Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Ezequiel 32:15

Te c'alal ya jc'atp'un ta jochol q'uinal te Egipto, soc te jochol ya xhil te q'uinal yu'un spisil bintic ay tey a; te c'alal ya jmil spisil te mach'atic nahinem tey a, ya me sna'ic te ho'on Jehovahon.

Ezequiel 30:19

Hich ya ca'be castigo te Egipto, ya me sna'ic te ho'on Jehovahon, xchi te Jehová.

Ezequiel 30:8

Ya me sna'ic te ho'on Jehovahon, te c'alal ya ca'be sc'ahc'al te Egipto soc te ya xlajic spisil te mach'atic ya xcoltayot yu'une.

Ezequiel 29:9

hich jochol ya xhil te sq'uinal Egipto. Ya me sna'ic te ho'on Jehovahon, te bin ut'il hich la awal: Ho'on cu'un te muc'ul-ha' Nilo, ho'on la jpas, te xchihate.

Salmos 105:29

La sc'atp'un ta ch'ich' te ha'etic yu'unic, la slajimbe te schayule.

Salmos 83:18

Ac'a sna'ic te ha Jehová te abihile, te ha'at atuquel te Mach'a toyol ayat ta stojol spahmal te q'uinale.

Salmos 78:44

Ha la sc'atp'un ta ch'ich' te muc'ul-ha'etic, ma ba hu' la yuch'ic te ha'etique.

2 Reyes 19:19

Ta ora ini, Jehová, Dios cu'untic, awocoluc, coltayawotcotic ta sc'abic scuenta yu'un spisil te nacionetic ta bahlumilal ya me sna'ic te ha'at, Jehová, te Diosat atuquel, xchi.

1 Reyes 20:28

Tal te winic yu'un Dios ta stojol te ajwalil yu'un Israel, hich la yalbe: Hich ya yal te Jehová: Te bin ut'il hich la yalic te siriahetic: Te Jehová ha Dios yu'un witsiltic, ma Diosuc yu'un spamlejtic, te xchihique, ha yu'un ya ca'bat ta ac'ab spisil te hich yipalic, scuenta yu'un hich yac ana' a te ho'on Jehovahon, xchi.

Éxodo 6:7

Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Éxodo 1:22

Ha yu'un te faraón la spas ta mandar spisil te pueblo yu'un: Ch'ojahic ochel ta muc'ul-ha' spisil te queremetic te ya x'ayinic, ac'a cuxajuc spisil te tut ach'ixetique, xchi.

Éxodo 7:20

Te Moisés soc Aarón hich la spasic te bin ut'il pasotic ta mandar yu'un te Jehová. La stoy snahbate', la smaj te muc'ul-ha' ta stojol faraón soc ta stojol te a'batetic yu'une. Spisil te ha'etic ta muc'ul-ha' c'atp'ujic ta ch'ich'.

Éxodo 10:2

soc yu'un yac awalbe te awal-anich'anic soc te amamataquic te bin la jpas ta Egipto soc sc'oblal te jchahp a'teliletic la jpas ta yohlilic; hich yac ana'ic a te ho'on Jehovahon, xchi.

Ezequiel 25:17

Ya ca'be tulan spacol soc ya ca'be castigo soc quilimba; ya me sna'ic te ho'on Jehovahon te c'alal ya jpac jc'abal ta stojolic, xchi te Jehová.

Ezequiel 32:6

Ya cahts'es ta ach'ich'el te lum c'alal ta witsiltic, soc te uc'umetic ya xnojic ta abaq'uetal.