Éxodo 6:8 - Bible in Tzeltal Bachajón

⁸ Ya cotsesex tey ta q'uinal te la jtoy jc'ab ta yalel ta jamal te ya ca'be te Abraham, Isaac soc Jacob. Ya ca'beyex awu'untayic te q'uinale. Ho'on Jehovahon, xchi.

Bible in Tzeltal de Oxchuc y Tenejapa

⁸ Tey ya quiq'uex bael a ta q'uinal te la calbey Abraham, Isaac soc Jacob te ya cac'beye. Jich yu'un ja' me ya xc'ot ta awentaic cu'un. Jo'on te Ajwalilone —xi' te Diose.

Éxodo 6:8 Referans Kwoze

Génesis 26:3

Nahinan hich te bin ut'il jbehyom li' ta q'uinal ini. Ya joquinat soc ya ca'bat bendición, yu'un ya ca'bat aq'uinalin soc ats'umbal spisil te q'uinal ini, soc ya cac' c'ohtuc ta pasel te bin caloj ta jamal ta stojol te atat Abraham.

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

Ezequiel 20:42

Ya me ana'ic ta ho'on Jehovahon te c'alal ya caq'uex ochel ta sq'uinal Israel, te q'uinal te la jach jc'ab yu'un soc la jcal ta jamal te ya ca'be te ame'atatique.

Génesis 14:22

Pero te Abram la sjac'be sc'op te ajwalil yu'un Sodoma: Jc'axel calojix ta jamal ta stojol Jehová te Dios te mero toyol ay, te la spas te ch'ulchan soc te bahlumilal,

Ezequiel 47:14

Pajal ya me apucticlanic; ha yu'un te la jach jc'ab soc la jcal ta jamal te ya ca'be te ame'atatic; ha yu'un ha te q'uinal ini te yac awich'ic hilel.

Deuteronomio 32:40

Como ya jtoy mohel jc'ab ta ch'ulchan soc ya cal ta jamal: ¡Jtalel cuxulon sbahtel q'uinal!

Éxodo 32:13

Na'a me te Abraham, Isaac, soc Israel, te a'batetic awu'un, te jc'axel awalbeyej ta jamal ta atojol nix, te hich la awalbe: Ya cac' p'ohluc ats'umbalic hich te bin ut'il eq'uetic ta ch'ulchan; soc ya ca'be ats'umbalic spisil te q'uinal ini te la jcalbeyex sc'oblal, ha yu'unic ya xc'oht spisil ora, te xchihate, xchi.

Génesis 35:12

Te q'uinal la jca'be te Abraham soc Isaac, ha'at ya ca'bat soc ats'umbal ta patil bahel, xchi.

Génesis 28:13

Te Jehová teq'uel ta yahc'olal, hich la yal: Ho'on Jehovahon, Dioson yu'un atat Abraham, soc Dioson yu'un Isaac. Te lumq'uinal te banti metselat ya ca'bat aq'uinalin soc ats'umbal.

Ezequiel 36:7

Ha yu'un, hich yaloj te Jehová, te Ajwalil: Jachoj jc'ab, caloj ta jamal te bin ut'il te nacionetic te ayic ta ajoyobal ya me yich'ic q'uexlaltesel.

Ezequiel 20:28

Como te c'alal la jcac' te ya x'ochic ta q'uinal te la jcal ta jamal te ya ca'beyic, la yilic toyol tsehletic o te'etic te ay bayel ya'binal, tey la yaq'uic a te milbil mahtaniletic yu'unic, tey la yaq'uic a mahtaniletic te la shahchbon quilimba; tey la yaq'uic a bintic sumet yic' soc tey la smalic a te malbil mahtaniletic yu'unique.

Ezequiel 20:23

Soc la jach jc'ab ta jochol taquin q'uinal, la jcalbe ta jamal te ya jpucticlan bahel ta yohlil te nacionetic soc ta yohlil te q'uinaletic,

Ezequiel 20:15

Ha nix hich la jach jc'ab ta jochol taquin q'uinal, la jcalbe ta jamal te ma ba ya cac'ticlan ochel ta q'uinal te ca'beyejic, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

1 Samuel 15:29

Te mach'a ha Yutsilal te Israel ma sna' lot soc ma patiluc ya sut sc'op, como ma winicuc te patil ya sut te sc'ope, xchi.

Números 23:19

Te Dios ma hichuc te bin ut'il winic te ya ya'iy lot, soc ma hichuc te bin ut'il snich'an winic te ya suht sc'op. Te bin la yal, ¿ma bal yacuc spas? Teme c'opoj, ¿ma bal yacuc sc'ohtes ta pasel?

Éxodo 6:6

Ha yu'un hich me xawalbe te snich'nab Israel: Ho'on Jehovahon; ya jcoltayex loq'uel ta tulan a'tel ta Egipto; ya caq'uex ta libre yu'un te mosohil, soc ya jloq'uesex ta scuenta yu'el jc'ab soc ta scuenta tulan castigo.

Éxodo 6:2

Te Dios hich la yalbe xan te Moisés: HO'ON JEHOVAHON.

Apocalipsis 10:6

jc'axel la yal ta jamal ta scuenta te mach'a stalel cuxul sbahtel q'uinal, te la spas te ch'ulchan soc spisil bintic ay tey a, te bahlumilal soc spisil bintic ay tey a, soc te mar soc spisil bintic ay tey a, la yal te mayuquix yorahil,

Éxodo 13:5

Te c'alal Jehová ya yiq'uex ochel ta sq'uinal te cananeo, heteo, amorreo, heveo soc te jebuseohetic, ha te q'uinal te jc'axel yalbeyej ta jamal te antiguo ame'atatic te ya ya'beyex, ha te q'uinal te banti ya x'oquin leche soc chab, ya me apasic te q'uin ta u ini.

Números 14:30

Ta smelelil mayuc jtuhluc ya x'ochex ta q'uinal te la jtoy jc'ab ta yalel ta jamal te tey ya cac' ya xnahinex a, ha nax te Caleb snich'an Jefone, soc te Josué snich'an Nun.

Josué 24:13

La jca'beyex q'uinal te banti ma ba a'tejemex, soc pueblohetic te ma ba la apasic, te banti nahinemex ta ora ini; soc yac awe'ic sit ts'usubil soc olivohetic te ma ba la ats'unic, xchi te Jehová.

Nehemías 9:15

La awac'ticlambe pan yu'un ch'ulchan scuenta slahmajtesbeyel swi'nalic, te c'alal taquin yo'tanic a la aloq'uesbe ha' yuch'ic ta muc'ul ton. La awalbe te ya me x'och yu'untayic te q'uinal te la atoy ac'ab soc la awal ta jamal te yac awa'be.

Éxodo 6:4

Soc la jchap jc'op soc, ha te ya ca'be sq'uinalin te sq'uinal Canaán, ha te q'uinal banti hich nahinic te bin ut'il jbehyometic.

Números 10:29

Te Moisés hich la yalbe te Hobab snich'an Reuel, te madian-winic, ha te snihal-mamal: Te ho'otcotic ya xbohotcotic ta banti hich yaloj te Jehová: Ha ya ca'beyex, te xchihe. Con, joquinawotcotic, lec bin ya jpasbatcotic, como te Jehová yaloj ta jamal te lec bin ya xc'oht ta stojol Israel, xchi.

Números 11:12

¿Yu'un bal ho'on la jwol spisil te pueblo ini? ¿Ho'on bal la jcalatay, yu'un te hich yac awalbon: Peticlana bahel, hich te bin ut'il ya spet chu'alal te jcanan-alal, c'alal ta q'uinal te jc'axel la awal ta jamal te yac awa'be te sme'statique?

Deuteronomio 4:31

como ay sc'uxul yo'tan te Jehová te Dios awu'un: ma ba ya yihquitayat, ma ba ya slajinat, soc ma ba ya xch'ay ta yo'tan te chapbil-c'op te jc'axel la yalbe ta jamal te ame'atatique.