Éxodo 6:7 - Bible in Tzeltal Bachajón

⁷ Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Bible in Tzeltal de Oxchuc y Tenejapa

⁷ Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.

Éxodo 6:7 Referans Kwoze

Deuteronomio 29:13

yu'un ya yac' ta na'el yo'tic te ha'at pueblohat yu'un soc te ha Dios awu'un ya xc'oht, hich te bin ut'il la yalbat soc hich te bin ut'il jc'axel la yalbe ta jamal te atatic Abraham, Isaac soc Jacob.

Deuteronomio 7:6

Como te ha'ate, ch'ul pueblohat yu'un Jehová te Dios awu'une. Ha la stsahat ta yohlil spisil te pueblohetic ta swohlol bahlumilal scuenta yu'un mero pueblohat yu'un ya xc'ohat.

Deuteronomio 4:20

Pero te ha'exe la yiq'uex te Jehová, la sloq'uesex tal ta Egipto, ta horno yu'un taq'uin c'ohem, scuenta yu'un ha pueblo ya c'ohex yu'un, hich te bin ut'il ayex ta ora ini.

Apocalipsis 21:7

Te mach'a ya ya'iy tsalaw ya me x'a'bot yu'untay spisil ini, soc Ho'on Dioson yu'un ya xc'ohon soc ha cal-jnich'an ya xc'oht.

Deuteronomio 26:18

Te Jehová la yalix ta jamal yo'tic te ha'at pueblohat yu'un, te ha mero yu'unat stuquel, hich te bin ut'il la yalbatix ta jamal, scuenta yu'un yac ach'uhumbe spisil te mandariletic yu'une;

Deuteronomio 14:2

Como te ha'ate ch'ul pueblohat yu'un te Jehová te Dios awu'un, soc te Jehová la stsahat loq'uel ta yohlil spisil te pueblohetic ta q'uinal scuenta yu'un ha'at nax atuquel pueblohat yu'un ya xc'ohat.

Apocalipsis 21:3

Soc la jca'iy ay mach'a tulan c'opoj tal ta muc'ul-huctajibal, hich la yal: Ya xnahinix Dios ta yohlil te ants-winiquetic, ya me sjoquin ta nahinel, ha pueblo ya xc'oht yu'un, ha nix ya xjoquinot yu'un Dios soc ha Dios yu'unic ya xc'oht.

1 Pedro 2:10

Ta nahil to ma pueblohuquex yu'un Dios, pero yo'tic pueblohexix yu'un te Diose; ta namey tal mayuquex ta c'uxultayel, pero yo'tic awich'ojiquix c'uxultayel.

Hebreos 11:16

Pero la yahnuytayic te bin lec xan, ha te ch'ulchane. Ha yu'un te Dios ma ba q'uexaw te ya xhalot te ha Dios yu'unic, como ha la schahpambe jun muc'ul pueblo yu'unic.

Romanos 8:31

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

San Mateo 22:32

Ho'on Dioson yu'un Abraham, Dioson yu'un Isaac, soc Dioson yu'un Jacob, te xchihe? Ma ha'uc Dios yu'un te mach'atic chamenic, ha Dios yu'un te mach'atic cuxulic, xchi te Jesús.

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

Oseas 1:10

Aunque hich ay, te israeletic hich ya xc'ohtic te bin ut'il shi'al mar, te ma xhu' ta p'isel o ta ahtayel. Ta banti hich ya xhalbotic: Ma puelohuquex cu'un, te xchihe, hich ya xhalbotic: Yal-snich'anex te cuxul Dios, xchi sc'oblalic.

Jeremías 31:33

Hich ay te chapbil-c'op te ya jpas soc te sna Israel ta patil bahel, xchi te Jehová: Ya cac' ta sjolic te ley cu'un soc ya jts'ihbabe ta yo'tanic. Ho'on Dioson yu'unic ya xc'ohon, soc ha pueblo cu'un ya xc'ohtic.

Isaías 41:20

scuenta yu'un ya yilic soc ya sna'ic spisilic, ya snop ta yo'tanic soc ya xc'oht ta yo'tanic te ha spasoj te sc'ab Jehová ini, te chicnajtesot yu'un te Ch'ul Dioson yu'un Israel, xchi.

Salmos 81:6

La jcohtesbatix te awihcats aq'uechoj; colix ac'abic yu'un yalal te moche.

Éxodo 16:12

La jca'iybe te stijawic ta c'op te snich'nab Israel. Halbeya: Ta tibiltic ya me awe'ic ti'bal, soc ta sab ya me xnoj ach'uhtic ta pan; hich me yac ana'ic a te ho'on Jehovahon te Dioson awu'unic, xchi.

Éxodo 6:6

Ha yu'un hich me xawalbe te snich'nab Israel: Ho'on Jehovahon; ya jcoltayex loq'uel ta tulan a'tel ta Egipto; ya caq'uex ta libre yu'un te mosohil, soc ya jloq'uesex ta scuenta yu'el jc'ab soc ta scuenta tulan castigo.

Éxodo 2:11

C'alal muq'uix a te Moisés, ay jun c'ahc'al baht yil te yermanotac. La yil te ayic ta tulan a'tel; soc la yil jtuhl egipcio-winic te yac ta smajel jtuhl hebreo-winic te ha jun sts'umbal soque.

Éxodo 16:6

Ha yu'un te Moisés soc Aarón hich la yalbeyic spisil te snich'nab Israel: Ta xtibiltay ya me ana'ic te ha te Jehová te la sloq'uesex tal ta sq'uinal Egipto,

Levítico 11:44

como ho'on Jehovahon te Dioson awu'unique. Ha yu'un ya me ach'ultes abahic, ch'ultesbilex me ya xc'ohex, como ho'on ch'ul Dioson; ha yu'un ma me xabohlobtes ac'oblalic ta scuenta biluc chambahlamil te staslajan ya xbehen ta lumq'uinal.

Levítico 11:45

Ho'on Jehovahon te la jloq'uesex tal ta sq'uinal Egipto scuenta yu'un ho'on Dioson ya xc'ohon awu'unic; ha yu'un ch'ultesbiluquex me, como ho'on ch'ul Dioson, xchi.

Isaías 49:23

Te ajwaliletic hich ya xc'ohtic te bin ut'il atatic, soc te ajwalil-antsetic yu'unic ha jcanan-alal ya xc'oht awu'unic. Ya me spahcan sbahic ta lum ta atojolic, soc ya me sleq'uic te stanul awoquic. Hich yac ana'ic a te ho'on Jehovahon; soc ma ba ya xq'uexawic te mach'atic smuc'ulinejon yo'tanic, xchi te Jehová.

Isaías 49:26

Te mach'atic la yuts'inat ya cac' te ha nix ya sti' te sbaq'uetalic, soc hich ya xyacubic yu'un te sch'ich'elic te bin ut'il vino. Hich me ya sna'ic spisilic te ho'on Jehovahon, Jcoltaywanejon awu'un soc J'ac'awon ta libre awu'un, te Mach'a yu'un Jacob te ay yip.

Isaías 60:16

Yac awuch'be te leche yu'un te nacionetic, soc yac achu'umbe te schu' ajwaliletic; hich me yac ana' a te ho'on, Jehovahon, ha Jcoltaywanejon awu'un, te J'ac'aw ta libre awu'un, te Mach'a yu'un Jacob te ay yip.

Isaías 63:8

Hich la yal: Melel ha pueblo cu'un, ha al-nich'anetic te ma xlo'loywanic, xchi. Hich Jcoltaywanej c'oht yu'unic.

Jeremías 30:22

Hich pueblohex cu'un ya xc'ohex, soc ho'on Dioson awu'unic ya xc'ohon, xchi.

Ezequiel 20:19

Ho'on Jehovahon, Dioson awu'unic; t'unahic te halbil mandariletic cu'un, ch'uhunahic spasel te chapbil mandariletic cu'une.

Génesis 26:3

Nahinan hich te bin ut'il jbehyom li' ta q'uinal ini. Ya joquinat soc ya ca'bat bendición, yu'un ya ca'bat aq'uinalin soc ats'umbal spisil te q'uinal ini, soc ya cac' c'ohtuc ta pasel te bin caloj ta jamal ta stojol te atat Abraham.

Génesis 28:13

Te Jehová teq'uel ta yahc'olal, hich la yal: Ho'on Jehovahon, Dioson yu'un atat Abraham, soc Dioson yu'un Isaac. Te lumq'uinal te banti metselat ya ca'bat aq'uinalin soc ats'umbal.

Éxodo 7:17

Ha yu'un hich ya yal te Jehová: Hich me yac ana' te ho'on Jehovahon: ya jmaj te muc'ul-ha' ta nahbate'el ay ta jc'ab, ya xc'atp'uj ta ch'ich'.

Éxodo 13:3

Te Moisés hich la yalbe te pueblo: Na'ahic me te c'ahc'al ini, ha te bin ora loq'uex tal ta Egipto te banti ayex ta mosohil, como te Jehová la sloq'uesex tal ta scuenta smuc'ul yu'el sc'ab; ha yu'un ma me xawe'ic te bin yich'oj levadura.

Éxodo 13:14

Te c'alal ya sjoc'obat te anich'an: ¿Bin scuentahil ini? teme xchihe, hich me xawalbe: Te Jehová, ta scuenta yu'el sc'ab la sloq'uesotic tal ta Egipto te banti ayotic ta mosohil;

Éxodo 14:4

Ya jtulanubtesbe yo'tan te faraón yu'un ya snutsex. Ya xtohy jc'oblal ta scuenta faraón soc spisil te soldadohetic yu'un, soc ya me sna'ic te egipciohetic te ho'on Jehovahon, xchi. Hich la spasic.

Éxodo 14:18

Te egipciohetic ya me sna'ic te ho'on Jehovahon te c'alal ya jtohytes jc'oblal ta scuenta faraón soc te carretahetic soc te mach'atic cajajtic ta cawu, xchi.

Éxodo 15:2

Te Jehová ha quip soc ha c'ayoj cu'un, ha jcolel c'ohemix. Ha te Dios cu'un, ya calbe bayel yutsil sc'oblal; ha te Dios yu'un te jtat, ya calbe muc' sc'oblal.

Éxodo 15:16

ya xc'oht nihquel soc xiwel ta stojolic. Ta stojol te smuc'ul yip ac'ab ya x'uma'ubic hich te bin ut'il ton, ha to c'alal c'axemix bahel a te pueblo awu'un, Jehová, ha to c'alal c'axemix bahel a te pueblo te la acoltay ta libre.

Números 15:41

Ho'on Jehovahon, te Dioson awu'unic, te la jloq'uesex tal ta sq'uinal Egipto scuenta yu'un Dioson awu'unic ya xc'ohon. Ho'on, Jehovahon, te Dioson awu'unique, xchi.

Deuteronomio 29:5

Ayix cha'winic (40) ha'bil te quic'ojex ta behel ta jochol taquin q'uinal; ma ba lajem ac'u' apaq'uic soc ma ba lajem atepic.

Deuteronomio 29:12

yu'un ya x'ochat a tey ta chapbil-c'op yu'un Jehová te Dios awu'un te ya schap soc ha'at ta scuenta yalel ta jamal,

1 Reyes 8:60

scuenta yu'un spisil te pueblohetic ta bahlumilal ya me sna'ic te ha Dios te Jehová, te mayuc yan.

1 Reyes 20:28

Tal te winic yu'un Dios ta stojol te ajwalil yu'un Israel, hich la yalbe: Hich ya yal te Jehová: Te bin ut'il hich la yalic te siriahetic: Te Jehová ha Dios yu'un witsiltic, ma Diosuc yu'un spamlejtic, te xchihique, ha yu'un ya ca'bat ta ac'ab spisil te hich yipalic, scuenta yu'un hich yac ana' a te ho'on Jehovahon, xchi.

Nehemías 1:10

Ha'ic te a'batetic soc te pueblohetic awu'un te la acoltay ta scuenta smuc'ul awu'el soc ta scuenta yip ac'ab.

Salmos 100:3

Na'ahic me te ha Dios stuquel te Jehová; ha la spasotic, ha yu'unotic; ha pueblohotic yu'un, soc tuminchijotic ta aquiltic yu'un.

Isaías 51:15

Como ho'on Jehovahon te Dioson awu'un, te ya jyuc' te mar soc ya cac' ya x'awon te stselajan, ha Jehová te scuentahinej spisil te jbihile.