Éxodo 6:3 - Bible in Tzeltal Bachajón

³ Hich la jcac' jba ta ilel ta stojol Abraham, Isaac soc Jacob te bin ut'il Dioson te spisil ya xhu' cu'un, pero ma ba la jca'be sna'ic te Jehová te jbihile.

Bible in Tzeltal de Oxchuc y Tenejapa

³ Cac'oj jba ta ilel ta stojol Abraham, Isaac soc Jacob. Soc la cac'bey sna' te jbiile: “Dios te Spisil ya xju' yu'une”, xi' te jbiile. Ja'uc me to, ma ja'uc la cac' ta na'el te mero jbiile: “Jo'on Ajwalilon”, te xie.

Éxodo 6:3 Referans Kwoze

Salmos 83:18

Ac'a sna'ic te ha Jehová te abihile, te ha'at atuquel te Mach'a toyol ayat ta stojol spahmal te q'uinale.

Salmos 68:4

C'ayojtayahic te Diose, c'ayojtaybeyahic yutsil sc'oblal te sbihile; halbeyahic yutsil sc'oblal te mach'a cajal ta tocal ya xbehen bahel. Jehová te sbihile, ¡tse'eluc me awo'tanic ta stojol!

Éxodo 3:14

Dios la yalbe te Moisés: HO'ON TE JTALEL HICH AYON, xchi. Soc la yal xan: Hich me xawalbe te snich'nab Israel: ‘HO'ON AYON’ la sticonon tal ta atojolic, xchihan me, xchi.

Génesis 48:3

hich la yalbe te José: Te Dios te spisil ya xhu' yu'un la yac' sba ta ilel ta jtojol ta Luz te ay ta sq'uinal Canaán, soc la ya'bon bendición,

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Isaías 44:6

Hich ya yal te Jehová, te Ajwalil soc te J'ac'aw ta libre yu'un Israel, te Jehová te scuentahinej spisil: Ho'on ayon ta shahchibal soc ta slajibal; mayuc yan dios ta jtojol.

Génesis 35:11

Soc halbot xan yu'un Dios: Ho'on Dioson te spisil ya xhu' cu'un: nich'najanic soc p'ohla abahic. Jun nación soc bayel ta chahp nacionetic ya xchicnaj ta acuenta, soc bayel ta tuhl ajwaliletic ya xloc' tal ta abaq'uetal.

Apocalipsis 1:4

Juan, ta stojol te huqueb iglesiahetic te ayic ta Asia: Ich'ahic te yutsil-o'tanil soc lamal q'uinal yu'un te mach'a ay ta ora ini, te ay ta namey soc te ya xtale, soc te huqueb espírituhetic te ayic ta stojol te smuc'ul-huctajib,

San Juan 8:58

Halbotic yu'un te Jesús: Tulan sc'oblal ya calbeyex, te c'alal ma to ayuc a te Abraham, jtalel ayon te ho'one, xchi.

Isaías 42:8

¡Ho'on Jehovahon, ha me te jbihile! mayuc mach'a ya ca'be te cutsilale, ni ma ba ya ca'be te loc'ombahetic te yutsil jc'oblal te ya yich' halele.

Génesis 22:14

Te Abraham la ya'be sbihil te lugar: Jehová ya ya'botic, xchi. Ha yu'un hich ay ta halel c'alal ora ini: Ta wits yu'un Jehová ya x'a'bot, xchi.

Génesis 13:18

Hich te Abram la sjeltaybe yawil te snahilpac', c'oht ta nahinel ta banti jihte' yu'un Mamre, te ay ta Hebrón. Tey la spasbe scajtajib ta chiq'uel smahtan a te Jehová.

Génesis 28:3

Ac'a ya'bat bendición te Dios te spisil ya xhu' yu'un, soc ac'a p'ohlucat, bayeluc me ats'umbal ya xc'oht ha to c'alal bayel ta chahp pueblohetic ya xc'ohat.

Éxodo 15:3

Te Jehová ha te mach'a ya yac' guerra; ha Jehová te sbihile.

Éxodo 23:21

Ich'a ta cuenta soc a'iybeya te sc'ope; ma me xatoy aba ta stojol, yu'un ma ba ya spasbeyex perdón yu'un atoybahilic, como yich'oj te jbihile.

Rut 1:20

La sjac' te Noemí: ¡Ma xawalboniquix Noemí, a'boniquix jbihilin Mara, yu'un bayel la ya'bon jwocol te Mach'a spisil ya xhu' yu'un!

Jeremías 16:21

Ha yu'un ya ca'be snopic, ya ca'be sna'ic te yu'el jc'ab, hich ya sna'ic a te ha Jehová te jbihile, xchi te Jehová.

Jeremías 33:2

Hich yaloj te Jehová, te la spas te bahlumilal, te Jehová te la schahpan soc la ya'be yich' yip, ha Jehová te sbihile:

Ezequiel 20:5

hich xawalbe: Hich yaloj te Jehová, te Ajwalil: Te bin ora la jtsa te Israel, la jach jc'ab yu'un ay bin la jcal ta jamal ta stojol te sts'umbal te sna Jacob, te c'alal la jcac' jba ta na'el ta stojolic ta Egipto. La jach jc'ab, hich la jcal ta jamal ta stojolic: Ho'on Jehovahon, Dioson awu'unic.

Ezequiel 37:6

Ya ca'beyex achihalic, ya cac' coluc baq'uet, ya jmuquex ta nuhcul soc ya ca'beyex awich'ic ic', hich ya xcha'cuxajex a. Hich me yac ana'ic a te ho'on Jehovahon, xchi.

Ezequiel 37:13

Ya me ana'ic te ho'on Jehovahon, te c'alal ya jambeyex amuquenalic, te ya jloq'uesex talel tey a, pueblo cu'un.