Éxodo 6:2 - Bible in Tzeltal Bachajón

² Te Dios hich la yalbe xan te Moisés: HO'ON JEHOVAHON.

Bible in Tzeltal de Oxchuc y Tenejapa

² Te Dios la sc'opon te Moisés, jich la yal: —JO'ON AJWALILON.

Éxodo 6:2 Referans Kwoze

Malaquías 3:6

Ho'on, Jehovahon, ma ba ya xyanij co'tan; ha yu'un te ma ba lajemex, ha'ex sts'umbalex Jacob.

Jeremías 9:24

Te mach'a ya stoybe sba q'uinal ya'iy, hich me ac'a stoybe sba q'uinal ya'iy yu'un ini: ha te ya sna' bin ut'il ayon soc te ya sna'bon jba, te ya sna' te ho'on Jehovahon, te ya ca'iy c'uxultaywanej, te toj ya ca'iy chahpanwanej soc te ya jpas te bin stojil ta pasel, como ha ya sc'an co'tan ini, xchi te Jehová.

Isaías 42:8

¡Ho'on Jehovahon, ha me te jbihile! mayuc mach'a ya ca'be te cutsilale, ni ma ba ya ca'be te loc'ombahetic te yutsil jc'oblal te ya yich' halele.

Isaías 44:6

Hich ya yal te Jehová, te Ajwalil soc te J'ac'aw ta libre yu'un Israel, te Jehová te scuentahinej spisil: Ho'on ayon ta shahchibal soc ta slajibal; mayuc yan dios ta jtojol.

Isaías 43:15

Ho'on Jehovahon, te Ch'ul Dioson awu'unic, te Jpaswanej yu'un Israel, te Ajwalil awu'unic, xchi.

Isaías 43:11

Ho'on, ho'on nax jtuquel te Jehová, mayuc yan mach'a ya xcoltaywan.

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Éxodo 17:1

Spisil te pueblo yu'un te snich'nab Israel loq'uic bahel ta jochol taquin q'uinal Sin, c'unc'un behenic bahel hich te bin ut'il te smandar Jehová, c'oht spas scampamentohic ta Refidim, pero mayuc ha' ya yuch'ic tey a.

Éxodo 14:18

Te egipciohetic ya me sna'ic te ho'on Jehovahon te c'alal ya jtohytes jc'oblal ta scuenta faraón soc te carretahetic soc te mach'atic cajajtic ta cawu, xchi.

Éxodo 6:8

Ya cotsesex tey ta q'uinal te la jtoy jc'ab ta yalel ta jamal te ya ca'be te Abraham, Isaac soc Jacob. Ya ca'beyex awu'untayic te q'uinale. Ho'on Jehovahon, xchi.

Éxodo 6:6

Ha yu'un hich me xawalbe te snich'nab Israel: Ho'on Jehovahon; ya jcoltayex loq'uel ta tulan a'tel ta Egipto; ya caq'uex ta libre yu'un te mosohil, soc ya jloq'uesex ta scuenta yu'el jc'ab soc ta scuenta tulan castigo.

Génesis 15:7

Hich halbot yu'un te Jehová: Ho'on Jehovahon te la jquic'at loq'uel tal ta Ur yu'un te caldeohetic yu'un ya ca'bat aq'uinalin te q'uinal ini, xchi.

Éxodo 3:14

Dios la yalbe te Moisés: HO'ON TE JTALEL HICH AYON, xchi. Soc la yal xan: Hich me xawalbe te snich'nab Israel: ‘HO'ON AYON’ la sticonon tal ta atojolic, xchihan me, xchi.

Éxodo 3:15

Soc Dios hich la yalbe xan te Moisés: Hich me xawalbe te snich'nab Israel: Te Jehová te Dios yu'un ame'atatic, te Dios yu'un Abraham, Isaac, soc Jacob la sticonon tal ta atojolic, xchihan me. Ha me jbihil scuenta sbahtel q'uinal; hich ya xna'boton jba sbahtel q'uinal.

Éxodo 6:29

hich halbot yu'un: Ho'on Jehovahon; halbeya te faraón te ajwalil yu'un Egipto spisil te bin ya calbat, xchi.

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.

Éxodo 15:3

Te Jehová ha te mach'a ya yac' guerra; ha Jehová te sbihile.

Ezequiel 20:5

hich xawalbe: Hich yaloj te Jehová, te Ajwalil: Te bin ora la jtsa te Israel, la jach jc'ab yu'un ay bin la jcal ta jamal ta stojol te sts'umbal te sna Jacob, te c'alal la jcac' jba ta na'el ta stojolic ta Egipto. La jach jc'ab, hich la jcal ta jamal ta stojolic: Ho'on Jehovahon, Dioson awu'unic.