Éxodo 6:12 - Bible in Tzeltal Bachajón

¹² Te Moisés la sjac'be sc'op te Jehová: Ma xya'iyboniquix jc'op te snich'nab Israel, ¿ha'uc to bal c'an ya'iybon jc'op a te faraón, te wocoltic ya xloc' te jc'ope? xchi.

Bible in Tzeltal de Oxchuc y Tenejapa

¹² Te Moisés la sjac'bey sc'op te Cajwaltique: —Te israeletic ma xyaiyboniquix stojol jc'op. ¿Ja'uc to bal c'an yaiybonix stojol jc'op a te faraone, te wocoltic ya xloc' te jc'ope? —xi'.

Éxodo 6:12 Referans Kwoze

Éxodo 4:10

Pero te Moisés la yalbe te Jehová: ¡Ay, Cajwal! Mayuc bin ora hu'em cu'un c'op ta lec, ni ta nahil to, ni ta ora ini te yacat ta c'op ta jtojol te awa'batone. Wocol ya xloc' jc'op soc ya schuc sba te cac', xchi.

Jeremías 1:6

Hich la jcal: ¡Ay, Cajwal Jehová! Ma jna' c'op, como queremon to, xchihon.

Éxodo 6:30

La sjac' te Moisés ta stojol Jehová: Mero wocoltic ya xloc' te jc'ope; ¿bin ut'il c'an ya'iybonix jc'op a te faraón? xchi.

Jeremías 6:10

¿Mach'a ya jc'opon soc ya jtsits, yu'un ya ya'iy? Macal schiquinic, ma xhu' ya ya'iyic c'op. Ya xq'uexawic yu'un te sc'op Jehová, mayuc yutsil yo'tanic yu'un.

Hechos 7:51

¡Tulan awo'tanic, ma ba yich'oj circuncisión awo'tanic soc achiquinic! Spisil ora yac amaquic te Ch'ul Espíritu, pajalex soc te ame'atatique.

Levítico 26:41

te ha la jcontrahinic yu'un soc te la cac' ochuquic ta sq'uinal te scontrahic, teme ya spehc'an te yo'tanic te ma ba yich'ojic circuncisión, teme ya sna'ic te ay smulique,

Éxodo 6:9

Te Moisés hich la yalbe te snich'nab Israel, pero ma ba la ya'iybeyic sc'op te Moisés ta scaj te pehc'ajem yo'tanic yu'un te mosohile.

Éxodo 3:13

Te Moisés hich la yalbe te Diose: Teme ya xc'oht calbe te snich'nab Israel: Te Dios yu'un te antiguo ame'atatic la sticononix tal ta atojolic, teme xchihone, teme ya sjoc'obonic: ¿Bin sbihil? teme xchihique, ¿bin ya calbe? xchi.

Jeremías 9:26

ha te Egipto, te Judá, Edom, Amón soc Moab, soc spisil te mach'atic ya xnahinic ta jochol taquin q'uinal te ya sloq'ues te stsotsel sjolic ta xuhc schiquinique. Como spisil te nacionetic ini ma ba yich'ojic circuncisión ta smelelil, soc ha nix hich te pueblo Israel ma ba yich'ojic circuncisión ta yo'tanic, xchi.

Isaías 6:5

Ha yu'un hich la jcal: ¡Ay jwocol, ya xchamon! como ho'on winicon te bohloben sc'oblal que soc nahinemon ta yohlil te pueblo te bohloben sc'oblal yehic, la jquil ta jsit te Ajwalil, te Jehová te scuentahinej spisil, xchihon.

Deuteronomio 30:6

Te Jehová te Dios awu'un ya ya'bat circuncisión ta awo'tan soc ta yo'tanic te patil al-nich'aniletic awu'un, scuenta yu'un c'ux yac awa'iy ta awo'tan te Jehová te Dios awu'un ta spisil awo'tan soc ta spisil ach'uhlel, scuenta yu'un hich ya xcuxajat a.

Éxodo 3:11

Pero te Moisés la sjac'be te Diose: ¿Mach'ahon a te ya xbohon ta stojol faraón, te ya jloq'ues tal ta Egipto te snich'nab Israel? xchi.

Éxodo 4:1

Ha yu'un hich la sjac' te Moisés: Ma ba ya sch'uhunonic soc ma xya'iybonic jc'op, ya wan yalbonic: Ma ba yac'oj sba ta ilel ta atojol te Jehová, xchihic wan.

Éxodo 6:13

Ha yu'un te Jehová la sc'opon te Moisés soc Aarón, la spas ta mandar te ya me yalbeyic te snich'nab Israel soc te faraón, ajwalil yu'un Egipto, te ya me sloq'uesic bahel ta Egipto te snich'nab Israel.