Éxodo 5:23 - Bible in Tzeltal Bachajón

²³ yu'un ha to c'alal tal jc'opon te faraón ta acuenta te hahch yuts'in te pueblo ini, soc te ha'ate ma ba la acoltayix te pueblo awu'un, xchi.

Bible in Tzeltal de Oxchuc y Tenejapa

²³ Ja' to c'alal la jcholbey ac'oplal te faraón te la stoyesbey yuts'inel te lume. Ma'yuc bay acoltayej jtebuc —xi'.

Éxodo 5:23 Referans Kwoze

Jeremías 11:21

Ha yu'un hich yaloj te Jehová sc'oblal te winiquetic yu'un Anatot te ya slehbat acuxlejal, te hich ya yalic: Ma me xawal sc'op-jalwanej ta scuenta sbihil Jehová, scuenta yu'un ma ba ya xchamat ta jc'abcotic, te xchihique.

Isaías 28:16

Ha yu'un hich ya yal te Cajwaltic Jehová: Ilawil, ho'on cac'oj yich'o-ip ton ta Sión, ha tsahbil ton, ha t'ujbil ton yu'un xuhc scuenta yich'o-ip te tulan aye. Te mach'a ya yac' smuc'ul yo'tan ta stojol ma ba ya xpehc'aj yo'tan.

Salmos 118:26

¡Bayel yutsil te mach'a ya xtal ta scuenta te sbihil Jehová! C'alal ta sna Jehová ya ca'beyex bendición.

San Juan 5:43

Talemon ta scuenta sbihil te Jtate, pero ma xawich'onic ta cuenta. Teme ay yan te ya xtal ta scuenta sbihil nix, ha yac awich'ic ta cuenta stuquel.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Éxodo 6:1

Te Jehová la sjac'be sc'op te Moisés: Ya me awil yo'tic bin ya jpasbe te faraón, yu'un ta scuenta yip jc'ab ya me yac'ticlan bahel, ta scuenta yip jc'ab ya me stenticlan loq'uel ta sq'uinal, xchi.

Job 22:17

Hich la yalbeyic te Diose: ¡Ihquitayawotcotic! ¿Bin ya xhu' ya spasbotic te Mach'a spisil ya xhu' yu'un? xchihic.