Éxodo 5:22 - Bible in Tzeltal Bachajón

²² Ha yu'un te Moisés baht sc'opon xan te Jehová, hich la yal: Cajwal, ¿bin yu'un yac awa'be swocolic te pueblo ini? ¿Bin nix yu'un la aticonon tal a?

Bible in Tzeltal de Oxchuc y Tenejapa

²² Jich yu'un te Moisés la sc'opon te Cajwaltique: —Cajwal, ¿bi yu'un te ya awac' c'axuc swocol te jlumale? ¿Bistuc la aticunonix tel a?

Éxodo 5:22 Referans Kwoze

Jeremías 20:7

La alo'loyon, Jehová, la jquich' lo'loyel; c'ax hich awip a te bin ut'il te quipe, hich la atsalon. Jujun c'ahc'al ya quich' tse'layel, spisilic ya slabanonic.

Habacuc 2:3

Aunque ma to xc'oht ta pasel te nahalsitil, ya xc'oht ta pasel ta mero yorahil, ma ba ya spas lot. Aunque ya xhalaj, mahliya, yu'un ya me xc'oht ta pasel, ma ba ya xhalaj.

Salmos 73:25

¿Mach'a yan ay cu'un ta ch'ulchan? Ha'at nax atuquel. Mayuc bin yan ya jc'an ta bahlumilal, ha'at nax atuquel.

1 Reyes 19:10

La sjac' te Elías: Mero xut'et co'tan ta stojol Jehová te Dios te scuentahinej spisil, como te snich'nab Israel la yihquitaybat te chapbil-c'op awu'un, la sjimbat te scajtajib ta chiq'uel mahtaniletic soc la smilticlanic ta espada te jalwanejetic awu'une. Jtuquel xanix hilemon, soc yac slehbelonic yu'un ya smilonic, xchi.

1 Reyes 19:4

Te Elías baht jun xan c'ahc'al ta jochol taquin q'uinal, la shuhcan sba ta ye'tal enebro-te'. Yo'tanuc ya xchamix, hich la yal: ¡Tic'uquix a, Jehová! Lajimbon te jcuxlejal; ma ho'ucon lecon xan a te bin ut'il te jme'jtate, xchi.

1 Samuel 30:6

Ay swocol yu'un mel-o'tan te David, como te winiquetic la yalic sch'ojel ta ton, como ta spisil te winiquetic pich'il yo'tanic ta scaj te ach'ix queremetic yu'unique. Pero te David la sta yip yo'tan ta stojol Jehová te Dios yu'une.

Números 11:11

Te Moisés la yalbe te Jehová: ¿Bin yu'un la awa'be swocol te a'bat awu'une? ¿Bin yu'un te ma ba lec c'ohonix ta asit, te la awa'bon jcuch spisil te pueblo ini?

Éxodo 17:4

Ha yu'un te Moisés la yawtay te Jehová, hich la yal: ¿Bin ya jpas soc te pueblo ini? Jteb xanix ya sc'an ma ba ya sch'ojonic ta ton, xchi.

Jeremías 12:1

Toj te bin yac apas, Jehová, te c'alal ya calbat te bin ut'il ayon. Pero ay bin ya joc'obat: ¿Bin yu'un te lec ya xc'oht ta loq'uel te mach'atic chopolic, soc te lec ayic te j'ac'awetic ta c'abal?

Jeremías 4:10

Hich la jcal: Ay, Jehová, Dios, mero la alo'loy te pueblo ini soc te Jerusalén, yu'un hich la awal: Ay me lamal q'uinal awu'unic, xchihat, pero ay ta jnuc'cotic te espadahe, xchihon.

Josué 7:7

Hich la yal te Josué: ¡Ay, Cajwal Jehová! ¿bin yu'un la awac' te c'ax ta Jordán te pueblo ini yu'un yac awac'otcotic ta sc'ab te amorreohetic yu'un ya slajinotcotic? ¡Ha lec te teyuc hilotcotic a ta jehch ha' Jordán!