Éxodo 5:21 - Bible in Tzeltal Bachajón

²¹ hich la yalbeyic: Te Jehová ac'a yilex soc ac'a yich'ex ta c'op, yu'un la awac' bohlobuquix jc'oblalcotic ta stojol faraón soc ta stojol te a'batetic yu'une; soc la awa'beyic espada ta sc'ab yu'un ya smilotcotic a, la yutic.

Bible in Tzeltal de Oxchuc y Tenejapa

²¹ Jich la yalbeyic: —Te Cajwaltic ya me yil te bila yacalex ta spasele, ac'a yac'beyex castigo. Melel ja'ex amulic te bit'il ma'yuquix jc'oplaltic ta yo'tan faraón soc te sjo'tac ta ajwalile. Ja'ex la awac'beyic yat'ejib ta sc'abic c'oem yu'un ya smilotic a —la yutic.

Éxodo 5:21 Referans Kwoze

Génesis 34:30

Ha yu'un te Jacob hich la yalbe te Simeón soc Leví: Ha'ex ta acuentahic te ay jwocol yu'un te la awaq'uic te ihlaybil c'ohon ta stojol te cananeohetic soc te ferezeohetic te nahinemic li' ta q'uinal ini. Te bin ut'il mayuc tsobol winiquetic cu'un, ya me stsob tal sbahic yu'un ya scontrahinonic, ya me slajinonic soc spisil mach'atic ay cu'un ta jna, xchi.

1 Crónicas 19:6

C'alal la sna'ic te sts'umbal Amón te p'ajotic yu'un David, te Hanún soc te sts'umbal Amón la sticonic bahel lajunwinic yoxbahc' (1,000) talento plata scuenta stojol ta majanel te carretahetic yu'un guerra soc jmoheletic ta cawu ta Mesopotamia, Siria, Maaca soc Soba.

2 Samuel 10:6

Te c'alal la yilic te snich'nab Amón te ihlintaybil c'ohtic ta stojol David, la stojic j'ohlil yoxpic (20,000) ta tuhl siriohetic ta Bet-rehob soc ta Soba, lajunwinic yoxbahc' (1,000) ta tuhl winiquetic yu'un te ajwalil ta Maaca, soc j'ohlil scha'pic (12,000) ta tuhl winiquetic yu'un Is-tob.

1 Samuel 27:12

Te Aquis ya sch'uhun te bin ya yal te David, hich ya yal ta yo'tan: Te David jc'axel ihlaybil c'ohtix yu'un te slumal Israel, hich a'bat cu'un ya xc'oht spisil ora, xchi yu'un.

1 Samuel 13:4

Spisil Israel la ya'iyic te la yich' halel: Te Saúl la ya'be guerra te jchahp soldado yu'un te filisteohetic, te xchihe, soc te ilobtic sba ilotix te Israel yu'un te filisteohetique. Ha yu'un la stsob sbahic te pueblo ta stojol Saúl ta Gilgal.

Éxodo 6:9

Te Moisés hich la yalbe te snich'nab Israel, pero ma ba la ya'iybeyic sc'op te Moisés ta scaj te pehc'ajem yo'tanic yu'un te mosohile.

Génesis 16:5

Ha yu'un te Sarai la yalbe te Abram: Ha'at ta acuenta te ay jwocol. Ho'on la jca'bat awic' te jcriada, pero te c'alal la ya'iy te hahchemix yal, ma ba leconix ta sit. Jehová ac'a schahpanotic jchebaltic, xchi.

Joel 2:20

Ya cac' namijuc bahel ta atojolic te soldadohetic talemic ta norte, ya jticon bahel ta jochol taquin q'uinal: te nahil ay yu'unic ya x'ochic bahel ta mar ta stojol sloq'uib c'ahc'al, te patil ay yu'unic ya x'ochic ta mar ta stojol smahlib c'ahc'al. Ya xc'a'ic soc ya xmo stuhil, muc' bintic spasticlanejic.

Eclesiastés 10:1

Te chamen hahetic ya sjimbeyic yic' te perfume; hich nix te jteb sonsohil, ya sjimbe yutsil te p'ijil-o'tanil soc ich'el ta muc'.

Éxodo 14:11

La yalbeyic te Moisés: ¿Yu'un bal mayuc muquenaletic ta Egipto te la aloq'uesotcotic tal yu'un ya xlajotcotic ta jochol taquin q'uinal? ¿Bin yu'un hich la apasbotcotic te la aloq'uesotcotic tal ta Egipto?

Éxodo 4:31

La sch'uhun yo'tanic te pueblo, soc c'alal la ya'iyic te Jehová ya sna'be yo'bolil sbahic te snich'nab Israel soc yac yilbel te swocolic, la snijan sbahic soc la sch'uhuntayic.

Génesis 31:53

Te Dios yu'un Abraham, te Dios yu'un Nacor, te Dios yu'un te static, ac'a schahpanotic ta jchebaltic, xchi. Te Jacob la yal ta jamal ta scuenta te Mach'a yich'oj ta muc' te Isaac te state.

Éxodo 5:20

C'alal loq'uic bahel ta stojol faraón, la sta sbahic soc Moisés soc Aarón te yaquic ta mahliyel yu'unic;

Éxodo 15:24

Te pueblo hahch stijic ta c'op te Moisés, hich la yalbeyic: ¿Bin ya cuch'tiquix a? la yutic.

Éxodo 16:2

Tey ta jochol taquin q'uinal spisil te pueblo yu'un te snich'nab Israel hahch stijic ta c'op te Moisés soc Aarón,

Números 14:3

¿Bin yu'un te la yic'otic tal te Jehová li' ta q'uinal ini yu'un ya yac'otic ta milel ta espada, soc te ya x'och ta c'abal te quihnamtic soc cal-jnich'nabtique? ¿Ma bal ha'uc lec ya suhtotic bahel ta Egipto? xchihic.

Números 14:22

spisil te mach'atic la yilbonic cutsilal soc te jchahp a'teliletic la jpas ta Egipto soc ta jochol taquin q'uinal, te la spasonic ta prueba lajuneb buelta soc te ma ba la ya'iybonic te jc'ope,

Isaías 30:6

Te sc'op jalwanej ta stojol te chambahlametic ayic ta Neguev: Ta lumq'uinal yu'un uts'inel soc wocol, ta banti ay chojetic soc me' chojetic, ti'awal chanetic soc chanetic te ya xwihlic, tey ya yich'ic bahel ta burrohetic te sc'ulejalic, te bintic tsobil yu'unic ya yich'ic bahel ta sc'ujulil spat camellohetic, ya yich'ic bahel ta jun pueblo te ma xtuhun yu'unique.