Éxodo 40:34 - Bible in Tzeltal Bachajón

³⁴ Ha yu'un te tocal la smuc te Nahilpac' Templo yu'un tahojibal, te yutsilal Jehová noj yu'un te Nahilpac' Templo.

Bible in Tzeltal de Oxchuc y Tenejapa

³⁴ tal ta muquel ta tocal te Nailpac' te bay ya yich' c'oponel te Diose. Te yutsil xojobil te Cajwaltic noj yu'un te ch'ul awilale.

Éxodo 40:34 Referans Kwoze

Apocalipsis 15:8

Te templo noj ta ch'ahil yu'un te yutsilal Dios soc te yu'ele. Mayuc mach'a ya xhu' ya x'och ta templo ha to c'alal ts'acay te huqueb wocol te yich'ojic te huqueb ch'ul a'batetique.

2 Crónicas 7:2

Te sacerdotehetic ma ba hu' ya x'ochic ta sna Jehová, como te yutsilal te Jehová noj ta yutil.

Éxodo 29:43

Tey ya jtsob jba soc a te snich'nab Israel; ch'ultesbil ya xc'oht te lugar ta scuenta te cutsilal.

Éxodo 14:24

Te c'alal ma to sacub q'uinal a, te Jehová la yil c'alal ta bahlal c'ahc' soc tocal te soldadohetic yu'un te egipciohetic, la yac' howiyuc sjolic,

Levítico 16:2

Te Jehová la yalbe te Moisés: Halbeya te abanquil Aarón te ma biluc nax ora ya x'och bahel ta yutil te ch'ul awilal ta spat te tsalul pac', ta stojol te yawil stahel perdón te ay ta sba te scaxahul te chapbil-c'op, scuenta yu'un ma ba ya xcham a; como ya cac' chicnajucon ta tocal ta sba te yawil stahel perdón.

Éxodo 33:9

Te c'alal ya x'och bahel te Moisés, ya xco tal te bahlal tocal soc ya xc'oht ta yochibal te Nahilpac' Templo. Te Jehová ya xc'opoj soc te Moisés.

Apocalipsis 21:3

Soc la jca'iy ay mach'a tulan c'opoj tal ta muc'ul-huctajibal, hich la yal: Ya xnahinix Dios ta yohlil te ants-winiquetic, ya me sjoquin ta nahinel, ha pueblo ya xc'oht yu'un, ha nix ya xjoquinot yu'un Dios soc ha Dios yu'unic ya xc'oht.

Hageo 2:9

Te yutsilal te schebal Na ini c'ax hich yutsilal ya xc'oht a te bin ut'il te Na ta nahil, xchi te Jehová te scuentahinej spisil; soc ya cac' lamal q'uinal li' ta lugar ini, xchi te Jehová te scuentahinej spisil.

Hageo 2:7

ya cac' nihcuc spisil te nacionetic; ya xtal te mach'a c'ambil yu'un spisil te nacionetic soc ya jnojes ta yutsilal te Na ini, xchi te Jehová te scuentahinej spisil.

Isaías 6:4

C'alal c'opojic, nihc te yich'o-ip te puertahetic soc noj ta ch'ahil te templohe.

2 Crónicas 5:13

Ta spisilic junax la yac' sbahic ta yoq'uesinel te cornetahetic soc ta c'ayoj ta yalbeyel yutsil sc'oblal soc ta yalel wocol ta stojol te Jehová. Yaquic ta yoq'uesinel te cornetahetic soc ta stijel te platillohetic soc te yantic a'tejibaletic yu'un música, hich la yalbeyic ta c'ayoj te Jehová: Lec yo'tan stuquel, como sbahtel q'uinal ay te sc'uxul yo'tan, xchihic. C'alal hich yac spasbelic a, noj ta tocal te sna Jehová.

Éxodo 25:8

Ac'a spasbonic ch'ul awilal, hich ya x'ayinon ta yohlilic.

Romanos 9:4

te ha israeletic te ha yu'unic te iq'uel ta al-nich'anil, ha yu'unic te utsilal, te chapbil-c'op, yich'el te Ley, yich'el ta muc' te Dios soc te bintic halbil hilel ta jamal.

Números 7:89

C'alal ya x'och bahel Moisés ta Nahilpac' Templo yu'un tahojibal ta sc'oponel Dios, ya ya'iy te c'op te ya xc'oponot yu'un ta sba te yawil stahel perdón te ay ta sba te scaxahul Testigo-c'op ta yohlil te cheb querubinetic. Hich ya xc'oponot a.

2 Samuel 7:6

Mayuc bin ora nahinon ta na c'alal la jloq'ues tal ta Egipto te snich'nab Israel c'alal ora, bayuc nax nahinon ta nahilpac' te tuhun yu'un ch'ul awilal.

Ezequiel 10:4

Te yutsilal te Jehová tohy mohel ta sba te querubín, toj bahel ta yochibal te templo; noj ta tocal te templo, soc te yamaq'uil noj ta sts'anabul te yutsilal te Jehová.

Éxodo 16:10

C'alal yac to ta c'op a te Aarón ta stojol spisil te pueblo yu'un te snich'nab Israel, la yilic bahel ta jochol taquin q'uinal, chicnaj te yutsilal Jehová ta tocal.

Salmos 26:8

C'ux ta co'tan te ana ta banti nahinemat, Jehová, te banti nahinem te awutsilale.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.