Éxodo 40:15 - Bible in Tzeltal Bachajón

¹⁵ ya me amal ta aceite hich te bin ut'il la amal ta aceite te static, scuenta yu'un sacerdotehetic cu'un ya xc'oht a. Te ya yich'ic malel ta aceite hich me ya x'ochic ta sacerdotehil te ma xlaj sc'oblal ta cajalcaj sts'umbalic, xchi.

Bible in Tzeltal de Oxchuc y Tenejapa

¹⁵ Balanbeya aceite ta sjolic, jich bit'il ya apasbey te Aarón swenta yu'un sacerdoteetic me ya xc'ot cu'un. Te bit'il jich ya yich'ic ac'beyel aceite ta sjolic, ja' me te jich ma xch'ay te at'el sbajt'el q'uinal te ay sacerdoteetic cu'une —xi' te Cajwaltique.

Éxodo 40:15 Referans Kwoze

Números 25:13

Ha yu'un ya xc'oht soc sts'umbal te chapbil-c'op scuenta sacerdotehil te ma xlaj sc'oblal, ta scaj te xut'et yo'tan yu'un te Dios yu'un, soc te la yac' te stojel mulil yu'un te snich'nab Israel, xchi sc'oblal.

Salmos 110:4

Hich yaloj ta jamal te Jehová, ma ba ya suhtes sc'op: Ha'at sacerdotehat sbahtel q'uinal, hich te bin ut'il te Melquisedec, xchi.

Hebreos 7:7

Soc spisilic ya sna'ic, te mach'a peq'uel ay ya x'a'bot bendición yu'un te mach'a toyol xan aye.

Hebreos 7:3

Ma chicanuc sme' stat soc ma chicanuc sts'umbal; ma chicanuc shahchibal soc ma chicanuc slajibal. Hich pajal soc te Snich'an Dios, sbahtel q'uinal ay ta sacerdotehil.

Éxodo 30:33

Mach'ayuc a te ya spas yan aceite te pajal soc, o teme ya smal mach'ayuc a, ya me yich' loq'uesel ta yohlil te pueblo yu'un, xchi.

Éxodo 30:31

Hich me xawalbe te snich'nab Israel: Ha te ch'ul aceite cu'un scuenta ch'ultesel te ya xtuhun yu'un spisil ta cajalcaj bahel ats'umbalic.

Éxodo 29:9

Ya me achucbe sch'uhtic te Aarón soc snich'nab, soc ya me axojticlambe ta sjolic te spixjol pac'; hich ay ya'telic ta sacerdotehil te ma xlaj sc'oblal. Hich me yac awa'be yich' ya'telic te Aarón soc te snich'nabe.

Éxodo 12:14

Te c'ahc'al ini ha sna'ojibal awu'unic ya xc'oht, ya me apasic scuenta q'uin ta stojol Jehová ta cajalcaj ats'umbalic bahel; ha mandaril te ma xlaj sc'oblal.

Éxodo 28:41

Ha me yac awa'be sc'u'inic te abanquil Aarón soc te snich'nabe. Ya me amalticlambe aceite ta sjolic, ya me awa'be yich' ya'telic, ya me ach'ultes, scuenta yu'un ha sacerdotehetic ya xc'ohtic cu'un.

Éxodo 40:14

Patil ya me awic'ticlan tal te snich'nab, ya me awac'ticlambe slapic te muc'ul c'u'uletic;

Éxodo 40:16

Te Moisés la spas spisil hich te bin ut'il halbot yu'un te Jehová.

Zacarías 4:14

Hich la sjac'bon: Ha te cha'tuhlic ini te tsahbilic te ayic ta stojol te Ajwalil yu'un swohlol bahlumilal, xchi.