Éxodo 4:23 - Bible in Tzeltal Bachajón

²³ La jcalbatix te ac'a loc'uc bahel te jnich'an scuenta yu'un ya sch'uhuntayon; pero ma la ac'an la awac' bahel, ha yu'un ya jmilbat te ba-alal awu'un, xchi.

Bible in Tzeltal de Oxchuc y Tenejapa

²³ la calbatix te ya awac'bon loq'uel te jnich'ane, swenta yu'un ya xba yich'on ta muc'. Jich yu'un te bit'il ma xawac'bon loq'uele, ja' me ya jmilbat te sba anich'ane’ xi' te Cajwale”, uta me —xi' te Cajwaltique.

Éxodo 4:23 Referans Kwoze

Éxodo 12:29

Ta ohlil ahc'abal te Jehová la yehchentes scuenta lajel spisil te ba-alaletic ta sq'uinal Egipto, te ba-alal yu'un faraón te hucul ta shuctajib c'alal ta ba-alal yu'un te mach'a ay ta cárcel, soc spisil sba-al chambahlametic.

Éxodo 11:5

ya xcham spisil ba-alaletic ta sq'uinal Egipto, ha te sba-nich'an faraón te hucul ta smuc'ul huctajib c'alal ta sba-al te a'bat te ya x'a'tej ta cha', soc spisil te sba-al te chambahlametique.

Salmos 135:8

Ha la yac' lajuc te ba-alaletic yu'un Egipto, yu'un ants-winiquetic soc yu'un chambahlametic.

Salmos 105:36

La slajinlan spisil te ba alaletic ta slumalic, te sba sit te yipique.

Salmos 78:51

La yac'ticlan ta lajel spisil te ba-alaletic yu'un Egipto, ha te sba sit te yipic ta snahilpaq'uic yu'un Cam.

Éxodo 7:16

hich xawalbe: Te Jehová te Dios yu'un te hebreohetic la sticonon tal ta atojol, hich la yal: Ac'a bahel te pueblo cu'un scuenta yu'un ya xbaht sch'uhuntayonic ta jochol taquin q'uinal, xchi; pero ma xac'an yac ach'uhun.

Éxodo 5:1

Patil te Moisés soc te Aarón ochic bahel ta stojol te faraón, hich la yalbeyic: Hich ya yal te Jehová te Dios yu'un Israel: Ac'a bahel te pueblo cu'un scuenta yu'un ya spasbonic q'uin ta jochol taquin q'uinal, xchihic.

Éxodo 6:11

Ochan, halbeya te faraón, te ajwalil yu'un Egipto, te ac'a yac' loc'uquic bahel te snich'nab Israel ta sq'uinal, xchi.

Éxodo 8:1

Ha yu'un te Jehová la yalbe te Moisés: Ochan ta stojol te faraón, halbeya: Hich la yal te Jehová: Ac'a bahel te pueblo cu'un, yu'un ya xbaht sch'uhuntayonic.

Éxodo 8:20

Te Jehová la yalbe te Moisés: Hahchan ta sab, tehc'ana aba ta stojol te faraón c'alal ya xbaht ta muc'ul-ha', halbeya: Hich la yal te Jehová: Ac'a loq'uel te pueblo cu'un scuenta yu'un ya xbaht sch'uhuntayonic.

Éxodo 9:1

Ha yu'un te Jehová la yalbe te Moisés: Ochan bahel ta stojol faraón, hich me xawalbe: Hich ya yal te Jehová te Dios yu'un te hebreohetic: Ac'a loq'uel te pueblo cu'un scuenta yu'un ya sch'uhuntayonic.

Éxodo 9:13

Patil te Jehová la yalbe te Moisés: Hahchan ta sab, tehc'ana aba ta stojol faraón, halbeya: Hich ya yal te Jehová te Dios yu'un te hebreohetic: Ac'a loq'uel te pueblo cu'un yu'un ya xbaht sch'uhuntayonic.

Éxodo 10:3

Ha yu'un te Moisés soc Aarón bahtic ta stojol faraón, hich la yalbeyic: Te Jehová te Dios yu'un te hebreohetic, hich la yal: ¿Bin to ora yac apehc'an aba ta jtojol? Ac'a loq'uel te pueblo cu'un, yu'un ya xbaht sch'uhuntayonic.

Éxodo 18:8

Te Moisés la yalbe ya'iy te snihal-mamal spisil te bintic la spas Jehová ta stojol faraón soc te egipciohetic scuenta sc'uxultayel te Israel, soc spisil te swocolic te c'oht ta pasel ta be soc bin ut'il coltayotic yu'un Jehová.

Salmos 136:10

Ha te mach'a la yehchentes te ba-alaletic yu'un Egipto, como sbahtel q'uinal ay sc'uxul yo'tan;

Oseas 11:1

C'alal querem to a te Israel, c'ux la jca'iy ta co'tan, soc ta Egipto la jquic' loq'uel tal te jnich'ane.

Éxodo 3:18

Ya me yich'ic ta cuenta te ac'ope. Ya me xbahat soc te mamaletic yu'un Israel ta stojol te ajwalil yu'un Egipto, hich me ya xc'oht awalbeyic: Te Jehová te Dios yu'un te hebreohetic tal stahotcotiquix; ha yu'un ac'awotcotic bahel te ya xbehenotcotic bahel oxeb c'ahc'al ta jochol taquin q'uinal yu'un ya ca'becotic milbil smahtan te Jehová te Dios cu'uncotic, xchihan me.

Éxodo 8:16

Ha yu'un te Jehová la yalbe te Moisés: Halbeya te Aarón: Toya anahbate', maja te ts'u'lum scuenta yu'un ya xc'atp'uj ta us ta spahmal sq'uinal Egipto, xchi.

Éxodo 8:17

Hich la spasic. Te Aarón la shach sc'ab soc snahbate', la smaj te ts'u'lum, c'atp'uj ta uch' te c'ohtic ta stojol ants-winiquetic soc chambahlametic. Spisil te ts'u'lum ta spahmal sq'uinal Egipto c'atp'uj ta uch'.

Éxodo 9:2

Yu'un teme ma xawac' loq'uel, teme ya to acomilan,

Éxodo 10:4

Teme ma xawac' loq'uele, pajel ya jticon tal c'ulubetic ta aq'uinal;

Éxodo 13:15

soc te c'alal tulanub yo'tan te faraón te ma ba la yac'otic loq'uel, te Jehová la yac' ta milel spisil te ba-alaletic ta sq'uinal Egipto, ha te ba-alal querem yu'un ants-winiquetic soc sba-quelmal chambahlametic. Ha scuentahil te ya ca'be milbil smahtanin Jehová te sba-quelmal te chambahlam soc te ya ca'be sjelol te jba-nich'an, xchihat.