Éxodo 4:15 - Bible in Tzeltal Bachajón

¹⁵ Ha'at yac awalbe ya'iy te bin ya xc'oht yal; soc ya jcoltayex ta c'op ta achebalic, soc ya ca'beyex anopic te bin yac apasique.

Bible in Tzeltal de Oxchuc y Tenejapa

¹⁵ Albeya yaiy, cholbeya spisil te bila ya xc'o yale. Ya me xc'opojon loq'uel ta aweic te c'alal ya xc'opojexe. Ya me calbeyex xan ta patil te bila ya apasique.

Éxodo 4:15 Referans Kwoze

Isaías 51:16

La jca'bat ta awe te jc'op soc la jmucat ta yaxinal jc'ab, la jlim bahel te ch'ulchan soc la jca'be yich'o-ip te bahlumilal, soc hich ya calbe te Sión: Ha'at pueblohat cu'un, xchihon.

San Lucas 21:15

como ho'on ya ca'beyex sp'ijil awo'tanic ta c'op, te ma xhu' yu'un ya scomex soc te ya scontrac'optayex spisil te acontrataque.

Deuteronomio 18:18

Ya cac' chicnajuc jalwanej yu'unic ta yohlil te yermanotac, hich te bin ut'il te ha'ate; ya ca'be ta ye te jc'op soc ha ya yalbe ya'iyic spisil te bintic ya calbe.

Números 23:16

Te Jehová loc' sta sba soc Balaam, la ya'be sna' te bin ya sc'an ya yal, hich la yalbe: Suhtan bahel ta banti ay Balac, hich me xawalbe, xchi.

Números 23:12

¿Ma bal ha'uc ya sc'an ya cal te bin ya yalbon te Jehová? xchi te Balaam.

Números 23:5

Te Jehová la ya'be sc'op ta ye te Balaam, hich la yalbe: Suhtan bahel ta ban ay Balac, ya me awalbe te bin la jcalbat, xchi.

Jeremías 1:9

Hich te Jehová la yac' tal sc'ab, la spicbon que soc hich la yalbon: La jca'bat te jc'op ta awe.

Isaías 59:21

Ha ini te chapbil-c'op cu'un ta stojolic, xchi te Jehová: Te espíritu cu'un te ay ta atojol, soc te c'opetic cu'un te la jca'bat ta awe, ma ba ya xch'ay ta awe soc ta ye te anich'nab o te amamatac, yo'tic soc ta spisil ora, xchi te Jehová.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

2 Samuel 14:3

Bahan ta stojol te ajwalil soc hich me xawalbe, xchi. Hich te Joab la ya'be sna' te bin ya xc'oht yale.

Números 22:38

Te Balaam la sjac'be sc'op te Balac: Talonix ta atojol. Pero ¿yu'un bal ya xhu' cu'un te biluc nax ya cal? Ha nax ya cal te bin ya yalbon te Diose, xchi.

Éxodo 4:12

Ha yu'un bahan hiche, tey ayon a te ya xc'opojat soc ya ca'bat anop te bin yac awale, xchi.

1 Corintios 11:23

Como la jquich' ta stojol Cajwaltic te bin la jca'beyex anopic: Te Cajwaltic Jesús, ta ahc'abal te ac'ot ta c'abal, la stsac te pan,

Deuteronomio 5:31

Yan te ha'ate ya me xhilat li' ta jtojol, ya calbat awa'iy spisil te mandariletic, te bintic chapal soc te bintic caloj ta mandar te yac awa'be snopic, scuenta yu'un ya sch'uhunic spasel tey ta q'uinal te ya ca'be ta scuentahic, xchi.

1 Corintios 15:1

Yo'tic, quermanotac, ya calbeyex xan te lec yach'il c'op te calbeyejexix awa'iyique, te awich'ojiquix soc te jun awo'tan ach'uhunejique.

Éxodo 3:12

La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

Éxodo 4:28

Ha yu'un te Moisés la yalbe ya'iy te Aarón spisil te sc'op Jehová te ticonot ta yalel yu'un soc spisil te jchahp a'teliletic te a'bot spase.

Éxodo 4:30

Te Aarón la yalbe ya'iyic spisil te bintic halbot yu'un Jehová te Moisés, soc la spas te jchahp a'teliletic ta stojol te pueblo.

Números 16:28

Te Moisés la yal: Hich me yac ana'ic a te Jehová la sticonon tal ta spasel spisil ini, te ma ha'uc la jpas te bin ya sc'an te co'tane.

1 Samuel 16:3

Ic'a tal te Isaí ta banti ya yich' aq'uel te milbil mahtanil, ho'on ya ca'bat ana' bin yac apas. Ya me amalbe aceite ta sjol te mach'a ya calbate, xchi.

Salmos 51:15

Cajwal, jambon que, hich me ya jpucbe sc'oblal te yutsil ac'oblale.

Jeremías 36:32

Ha yu'un te Jeremías la yich' xan yan balbil hun, la ya'be te Baruc te jts'ihbajel, te snich'an Nerías. Tey la sts'ihbay a spisil te c'opetic te halbil yu'un Jeremías te ay ta balbil hun te la schic' te ajwalil Joacim. Soc ay to xan bayel c'opetic tey a te pajal soque.

Salmos 25:12

¿Mach'a a te winic te ya yich' ta muc' te Jehová? Ha ya x'a'bot sna' yu'un te be te ya sc'an ya stsahe.