Éxodo 39:32 - Bible in Tzeltal Bachajón

³² Hich hu' spisil te a'tel yu'un te Nahilpac' Templo, ha te Nahilpac' Templo yu'un tahojibal. Te snich'nab Israel la spasic spisil hich te bin ut'il halbot yu'un Jehová te Moisés.

Bible in Tzeltal de Oxchuc y Tenejapa

³² Ju' ta pasel te Nailpac' Templo yu'un Dios, ja' te Nailpac' te bay ya yich' c'oponel te Diose. Te israeletic jich nix c'ot ta pasel yu'unic spisil te bit'il yaloj mandal te Cajwaltic ta stojol Moisés.

Éxodo 39:32 Referans Kwoze

Éxodo 25:40

Hich me xapas te bin ut'il la jca'bat awil ta wits.

Hebreos 8:5

Te ya'telic ha seña soc ha yaxinal te bintic ay ta ch'ulchan, hich te bin ut'il a'bot sna' te Moisés c'alal hahch spas te nahilpac' templo, te hich halbot: Ilawil, pasa spisil hich te bin ut'il ay te seña la jca'bat awil ta wits, te xchihe.

Hebreos 3:2

te jun yo'tan ta stojol te mach'a a'bot yich' ya'tel yu'un, hich te bin ut'il jun yo'tan te Moisés ta stojol spisil te na yu'un Dios.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

1 Crónicas 28:19

La yal te David: Spisil ini ts'ihbabil te bin la ya'bon jna' te Jehová, la ya'bon jna' spisil te a'tel te ay ta plano, xchi.

1 Samuel 15:22

Ha yu'un hich la sjac' te Samuel: ¿Ha bal c'ax lec xan yo'tan Jehová yu'un scohtol chic'bil mahtaniletic soc milbil mahtaniletic, te bin ut'il sch'uhumbeyel te sc'op Jehová? Ha lec xan a te xch'uhumbeyel smandar te bin ut'il a'beyel milbil mahtaniletic; soc ha lec xan a te a'iybeyel sc'op te bin ut'il sjuhp'el tuminchijetic.

Deuteronomio 12:32

Tsahtaya me ta spasel spisil bintic ya jpasat ta mandar; ma me xawa'be xan smohlol soc ma me ayuc bin yac aloq'uesbe.

Números 3:31

Ha ay ta scuentahic scanantayel te scaxahul te chapbil-c'op, te mesa, scajtajib c'ahc', te scajtajibic ta chiq'uel mahtanil soc pom, bintic ya xtuhun scuenta a'tel ta ch'ul awilal, te tsalul pac' soc spisil te bintic ay ta pasel tey a.

Éxodo 40:32

Te c'alal ya x'ochic bahel ta Nahilpac' Templo yu'un tahojibal soc te c'alal ya xnohpojic bahel ta scajtajib ta chiq'uel mahtanil, tey ya spoc sbahic a, hich te bin ut'il halbot yu'un Jehová te Moisés.

Éxodo 39:33

La yich'ic tal te Nahilpac' Templo ta stojol Moisés, ha te nahilpac' soc spisil te bintic ya xtuhun tey a: te ganchohetic, tablahetic, sc'atal-te'eletic, oyetic, soc scajtajib yu'unic;

Éxodo 39:31

La schuquic ta yaxal schuhquil yu'un ya yich' jihpanel ta spohtsil sjol, hich te bin ut'il halbot yu'un Jehová te Moisés.

Éxodo 12:28

Patil te snich'nab Israel baht spasic ta ora hich te bin ut'il halbotic ta mandar yu'un Jehová te Moisés soc Aarón.

Éxodo 31:7

ha te Nahilpac' Templo yu'un tahojibal, te scaxahul Testigo-c'op, te yawil stahel perdón te ay ta sba, soc spisil te bintic ya xtuhun yu'un te Nahilpac' Templo;

Éxodo 40:1

Te Jehová la yalbe te Moisés:

Éxodo 40:3

Otsesa tey a te scaxahul Testigo-c'op, ya me amac ta tsalul pac'.

1 Reyes 6:38

Ta sbuluchebal (11) ha'bil, ta u Bul, ha te swaxaquebal u, hu' ta pasel te Na soc bintic ay tey a, hich te bin ut'il chapal ta pasel. Huqueb ha'bil la spas te templo.

1 Reyes 7:40

Ha nix hich te Hiram la spasticlan oxometic, palahetic soc muc'ul tazahetic. Hich hu' yu'un spisil te a'tel a'bot spas yu'un Salomón yu'un te sna te Jehová: