Éxodo 36:8 - Bible in Tzeltal Bachajón

⁸ Spisil te mach'atic ay sp'ijil yo'tanic ta yohlil te mach'atic ayic ta a'tel, la spasic lajunlihc pac' ta ts'otbil lino, ta yax, chi'in-yax soc tsajal estambre yu'un te Nahilpac' Templo; soc buen t'ujbil la sch'ahlic ta ts'isel ta sloc'omba querubinetic.

Bible in Tzeltal de Oxchuc y Tenejapa

⁸ Te mach'atic ay smajt'anic ta spasel te bila t'ujbile, c'ax jich te bit'il te yantic j'at'eletic, la spasic te Nailpac' Templo. La sjalic lajunlijc' pac' ta ts'otbil lino soc ta naubil stsotsil chij bonbil ta morada, púrpura soc tsaj. Buen t'ujbil la xch'alic ta ts'isel soc sloc'ombail te querubinetique.

Éxodo 36:8 Referans Kwoze

2 Crónicas 3:10

Ta yutil te Mero Ch'ul Awilal la spas cheb querubinetic ta te' soc la spots ta oro.

1 Crónicas 15:1

Te David la spas nahetic yu'un ta Pueblo yu'un David, soc la schahpambe yawil te scaxahul te chapbil-c'op yu'un Dios soc la spasbe snahilpac'.

1 Reyes 6:23

Soc ta olivo-te' la spas sloc'ombahil cheb querubinetic ta Mero Ch'ul Awilal. Te jujune ha lajuneb xuhc'ubil stoyolil.

Éxodo 35:10

Spisil te mach'atic ta awohlilic te ay sp'ijil yo'tanic ya me xtalic, ya me spasic spisil te bintic yaloj ta mandar te Jehová:

Éxodo 31:6

Soc la jca'be sjoquin ta a'tel te Aholiab snich'an Ahisamac, te sts'umbal Dan. Soc spisil te mach'atic ya sna'ic spasel a'tel la jca'beyix sp'ijil yo'tanic scuenta yu'un ya xhu' ya spasic spisil te bin la jcalbat ta mandar:

Éxodo 25:22

Tey ya jta jbahtic a ta sba te yawil stahel perdón, ta yohlil te cheb querubinetic te ay ta sba te scaxahul Testigo-c'op, tey ya calbat a spisil te jmandar yu'un te snich'nab Israel.

Éxodo 25:18

Soc pasa cheb querubinetic ta oro ta jehch ta jehch te yawil stahel perdón, tembilic ta martillo.

Éxodo 31:7

ha te Nahilpac' Templo yu'un tahojibal, te scaxahul Testigo-c'op, te yawil stahel perdón te ay ta sba, soc spisil te bintic ya xtuhun yu'un te Nahilpac' Templo;

Éxodo 36:9

Te jujulihc pac' ha waxaqueb scha'winic (28) xuhc'ubil snahtil, soc chaneb xuhc'ubil sjamalil. Pajal sp'isol spisil te paq'uetique.

2 Crónicas 1:3

Te Salomón soc spisil te pueblo bahtic ta toyol awilal ta Gabaón, como tey ay a te Nahilpac' Templo yu'un tahojibal te spasoj Moisés te ya'bat Jehová te c'alal ay ta jochol taquin q'uinal.

Éxodo 39:3

La stenic ta martillo te lehchel oro soc la set'ic ta jujulihc te ya yich' jalel soc te yax, chi'in-yax soc tsajal estambre, soc ta ts'otbil lino, ha ya'tel te t'ujbil ta pasele.