Éxodo 36:2 - Bible in Tzeltal Bachajón

² Te Moisés la yic' tal te Bezaleel, Aholiab soc spisil te mach'atic ay sp'ijilic ta spasel te bintic t'ujbil ta pasel, te a'botic sp'ijil yo'tanic yu'un te Jehová, spisil te mach'atic tijbot yo'tanic yu'un ya xtal spasic te a'tel tey a.

Bible in Tzeltal de Oxchuc y Tenejapa

² Te Moisés la yic' tel te Bezaleel soc te Aholiab, soc spisil te mach'atic ac'bil smajt'anic ta spasel te bila t'ujbil, te ja' ac'biliquix yu'un te Cajwaltique. Spisil talic ta coltaywanej ta spasemal yo'tanic yu'un te at'ele.

Éxodo 36:2 Referans Kwoze

Hebreos 5:4

Mayuc mach'a stuquel-o'tan nax ya yac' sba ta muc'ul sacerdotehil, ya sc'an ya x'ic'ot yu'un Dios, hich te bin ut'il ic'ot te Aarón.

Colosenses 4:17

Halbeyahic te Arquipo: Ilawil te yacuc ahu'tes te awa'tel la ya'bat te Cajwaltique, xchihanic.

Éxodo 31:6

Soc la jca'be sjoquin ta a'tel te Aholiab snich'an Ahisamac, te sts'umbal Dan. Soc spisil te mach'atic ya sna'ic spasel a'tel la jca'beyix sp'ijil yo'tanic scuenta yu'un ya xhu' ya spasic spisil te bin la jcalbat ta mandar:

Hechos 14:23

La slehic ancianohetic ta jujun iglesia, la scom swe'elic soc la sc'opombeyic Dios, hich la ya'beyic ta sc'ab te Cajwaltic te ha sch'uhunejiquixe.

1 Crónicas 29:5

oro yu'un te bin ya yich' pasel ta oro, soc plata yu'un te bin ya yich' pasel ta plata, soc spisil te bintic ya spasic te mach'atic ya sna'ic spasel. Ha yu'un ¿mach'a ya sc'an ya yac' mahtanil yo'tic ta sc'anojel yo'tan ta stojol Jehová? xchi.

Éxodo 35:10

Spisil te mach'atic ta awohlilic te ay sp'ijil yo'tanic ya me xtalic, ya me spasic spisil te bintic yaloj ta mandar te Jehová:

Éxodo 35:2

Waqueb c'ahc'al ay a'tel, yan ta shuquebal c'ahc'al ch'ultesbil me awu'unic, ha sc'ahc'alel cux-o'tan yu'un te Jehová; mach'ayuc te ya x'a'tej a, ya me yich' milel.

Éxodo 28:3

Halbeya spisil te mach'atic ay sp'ijil yo'tanic, ha te mach'atic la jca'beyix sp'ijil yo'tanic, te ya me spasbeyic c'u'uletic yu'un Aarón te hich parte ya x'ac'ot scuenta sacerdote cu'un ya xc'oht.

Éxodo 25:2

Halbeya te snich'nab Israel te ac'a yich'bonic tal jmahtan. Spisil te mach'atic ta sc'anojel yo'tan ya yac', ya me awich'be te jmahtane.

Éxodo 36:1

Ha yu'un te Bezaleel, Aholiab soc spisil mach'atic ay smahtanic yu'un spasel bintic t'ujbil ta pasel, te ha a'botic sp'ijil yo'tanic yu'un Jehová ta sna'el spasel spisil te bintic ya xtuhun ta ch'ul awilal, ha'ic ya spasic spisil te bin la yal ta mandar te Jehová, xchi te Moisés.

Éxodo 36:3

A'bot ta sc'abic yu'un Moisés spisil te mahtaniletic la yich'ic tal te snich'nab Israel yu'un spasel te a'tel ta ch'ul awilal. Ta jujun sab jun yo'tanic la yich'ic tal mahtaniletic.

1 Crónicas 28:21

Hich ay te jujuchahp te sacerdotehetic soc levitahetic te ya spasic spisil te a'tel ta sna Dios; ya me sjoquinat ta spasel spisil te a'tele. Soc spisil te mach'atic hich yo'tanic soc te ay snopojibal yu'unic ta spasel spisil ta chahp a'tel, soc te príncipaletic soc spisil te pueblo ya me spasic spisil bintic yac awal ta mandar, xchi.

Éxodo 25:40

Hich me xapas te bin ut'il la jca'bat awil ta wits.