Éxodo 35:2 - Bible in Tzeltal Bachajón

² Waqueb c'ahc'al ay a'tel, yan ta shuquebal c'ahc'al ch'ultesbil me awu'unic, ha sc'ahc'alel cux-o'tan yu'un te Jehová; mach'ayuc te ya x'a'tej a, ya me yich' milel.

Bible in Tzeltal de Oxchuc y Tenejapa

² “Waqueb me c'aal ya x'at'ejex. Yan ta sjuquebal c'aal ja' me cux-o'tan awu'unic. Ch'ultesbil cu'un swenta me quich'jibal ta muc' awu'unic. Te mach'atic ya spas yat'elic a, ya me x'ac'otic ta lajel.

Éxodo 35:2 Referans Kwoze

Levítico 23:3

Waqueb c'ahc'al ay a'tel, yan te shuquebal c'ahc'al ha sc'ahc'alel cux-o'tan, ha sc'ahc'alel ch'ul tsoblej; ma me x'a'tejex a. Ha sc'ahc'alel cux-o'tan ta scuenta Jehová ta bayuc te ya xnahinex.

Éxodo 34:21

Waqueb c'ahc'al ya x'a'tejat, yan te shuquebal c'ahc'al ya me acux awo'tan; aunque yorahil joc'-lum o yorahil c'ajoj, ya me acux awo'tan.

Éxodo 23:12

Waqueb c'ahc'al ya x'a'tejat, pero ta shuquebal c'ahc'al ya me acux awo'tan, scuenta yu'un ya scux yo'tanic te j'a'tel-wacax soc te burro awu'un, soc yu'un ya xjelon xan yip a te yal acriada soc te jyanlume.

San Juan 5:16

Ha scuentahil te hahch scontrahinic Jesús te judíohetic, como hich yac spasbel ta sc'ahc'alel cux-o'tan.

Éxodo 16:23

Hich halbotic yu'un te Moisés: Hich ay te bin yaloj te Jehová: Pajel ha'ix te sc'ahc'alel cux-o'tan te ch'ultesbil yu'un Jehová. Te bin ya sc'an yac apayic, payahic yo'tic, soc te bin ya sc'an yac abulantes, bulantesahic; soc spisil te bintic ya spas sobra, q'uejahic yu'un pajel, xchi.

Isaías 58:13

Teme yac awich' ta muc' te sc'ahc'alel cux-o'tan teme ma ba yac apas te bintic ya sc'an awo'tan ta ch'ul c'ahc'al cu'un, teme yac awal te ha mulantic sba, te ch'ultesbil, soc te ha yutsilal te Jehová; teme yac awich' ta muc', teme ma ba yac at'un te behetic awu'un, o teme ma ba yac apas te bin ya sc'an awo'tan o teme ma ba yac awal te bin mayuc sc'oblale,