Éxodo 34:9 - Bible in Tzeltal Bachajón

⁹ Hich la yal: Cajwal, teme melel lec c'ohemon ta atojol, ac'a sjoquinotcotic bahel te Cajwaltique. Aunque tulan yo'tanic te pueblo ini, pasbotcotic perdón yu'un te jchopolilcotic soc te jmulcotic, soc ic'awotcotic te ha awu'un ya xc'ohotcotique, xchi.

Bible in Tzeltal de Oxchuc y Tenejapa

⁹ Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Éxodo 34:9 Referans Kwoze

Salmos 33:12

Bayel me yutsil te nación te ha Dios yu'un te Jehová, ha te pueblo te la stsa te ha yu'un ya xc'oht.

Salmos 94:14

Como te Jehová ma ba ya spihtes te pueblo yu'un, ma xyihquitay hilel te mach'atic yu'une.

Deuteronomio 32:9

Como te bin ay yu'un Jehová, ha te pueblo yu'un, ha te Jacob, te ha yu'un c'oht.

Salmos 135:4

como te Jehová la stsa Jacob te ha yu'un ya xc'oht, la stsa te Israel scuenta yu'un ha sc'ulejal ya xc'oht.

Salmos 28:9

Coltaya te pueblo awu'un soc a'beya bendición te mach'atic awu'untayej; canantaya hich te bin ut'il jcanan-tuminchij soc peta ta ac'ab spisil ora.

Jeremías 10:16

Ma hichuc ay te Mach'a yu'un Jacob, como ha Jpaswanej yu'un spisil te bintic ay, soc te Israel, te ha mero yu'un stuquel; ¡Jehová te scuentahinej spisil, xchi te sbihile!

Éxodo 32:9

Te Jehová hich la yalbe xan te Moisés: La jquilix te pueblo ini, mero tulan te yo'tanique.

Zacarías 2:12

Te Jehová ya me yu'untay te Judá, ha te bin ya yich' hilel ta ch'ul q'uinal, soc yan buelta ya stsa xan te Jerusalén.

Salmos 78:62

Soc la yac' lajuc ta espada te pueblo yu'un, la yilintay te mach'atic yu'un.

Éxodo 19:5

Ha yu'un teme yac awa'iybonic jc'op soc teme yac ac'ohtesic ta pasel te chapbil-c'op cu'une, ha'ex me tsahbil c'ulejalil cu'un ya c'ohex ta yohlil spisil te pueblohetic; como ho'on cu'un spisil te bahlumilale.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Isaías 48:4

Como jna'oj te tulan awo'tan, te ha bahlal taq'uin te anuc', soc ha bronce te ati'bahe.

Salmos 25:11

Ta scuenta yich'el ta muc' te abihil, Jehová, pasbon perdón, yu'un muc' te jmule.

Números 14:19

Pasbeya perdón yu'un smulic te pueblo ini ta scuenta te smuc'ul sc'uxul awo'tan, hich te bin ut'il la apasbe perdón te pueblo ini c'alal loq'uic tal ta Egipto c'alal ora, xchi.

Éxodo 34:7

ay sc'uxul yo'tan ta stojol bayel ta mil, ya spas perdón yu'un te bin chopol, te toybahil, soc te mulile; pero ma ba ya yal te mayuc smul te mach'a ay smul, ha ya ya'be stoj smul te me'iltatiletic te yal-snich'nabic soc smamatac c'alal ta yoxcajal soc schancajal te sts'umbalique, xchi.

Deuteronomio 4:20

Pero te ha'exe la yiq'uex te Jehová, la sloq'uesex tal ta Egipto, ta horno yu'un taq'uin c'ohem, scuenta yu'un ha pueblo ya c'ohex yu'un, hich te bin ut'il ayex ta ora ini.

Deuteronomio 9:18

Patil la jpahcan jba ta stojol Jehová cha'winic (40) c'ahc'al soc cha'winic (40) ahc'abal, hich te bin ut'il ta nahil to; mayuc bin la jwe' soc ma ba la jcuch' ha', ta scaj spisil amulic la apasic, ha te bin chopol la apasic ta stojol Jehová te la awaq'uic ilinuc yu'une.

Deuteronomio 9:26

Hich la jcal ta sc'oponel te Jehová: Ay, Cajwal Jehová, ma me xalajin te pueblo awu'un, te bin ay awu'un te la acoltay loq'uel ta scuenta smuc'ul awu'el, te la aloq'ues tal ta Egipto ta scuenta yip ac'ab.

Deuteronomio 9:29

Ha pueblo awu'un, ha te bin ay awu'un te la aloq'ues tal ta smuc'ul yip awu'el soc ta scuenta ac'ab ahachoj, xchihon.

Miqueas 7:18

¿Mach'a yan Dios te pajalat soc, te ya spas perdón yu'un te bin chopol, soc te ya sch'ay ta yo'tan te smul te mach'a cuxul hil yu'un te mach'atic ay yu'une? Ma spisiluc ora ay yilimba, como ya smulan te ya ya'iy c'uxultaywanej.

Éxodo 33:12

Te Moisés la yalbe te Jehová: Ilawil, ha'at yac awalbon: Ic'a bahel te pueblo ini, xchihat, pero ma ba la awa'bon jna' mach'a a te yac awac' sjoquinon bahele. Pero awaloj: Ya jna'bat abihil, soc lec c'ohemat ta jtojol, xchihat.