Éxodo 34:6 - Bible in Tzeltal Bachajón

⁶ Te Jehová c'ax bahel ta stojol Moisés soc hich la yal: ¡Jehová! ¡Jehová! te ay bayel sc'uxul yo'tan soc te ay yutsil yo'tan, ma orahuc ya x'ilin, mero muc' sc'uxul yo'tan soc stalel jun yo'tan,

Bible in Tzeltal de Oxchuc y Tenejapa

⁶ C'ax ta stojol te Moisés, tulan a c'opoj: —¡Jo'on Ajwalilon! ¡Jo'on Ajwalilon! Jo'on te Dioson te ya jna'bat yo'bolil aba, soc t'ujbil yutsil co'tan. Ma orauc ya x'ilinon, soc mero muc' xc'uxul co'tan. Ma jpasat ta lot.

Éxodo 34:6 Referans Kwoze

Salmos 86:15

Pero ha'at Cajwal, ha Diosat te ay sc'uxul awo'tan soc lec awo'tan; ma orahuc ya x'ilinat, soc muc' te sc'uxul awo'tan soc te smelelil ac'ope,

Joel 2:13

Jata awo'tanic, ma ha'uc xach'i' te ac'u'ique, suhtanic tal ta stojol Jehová te Dios awu'unique, como ay sc'uxul yo'tan, soc ya sna' yo'bolil jbahtic, ma orahuc ya x'ilin soc ay bayel sc'uxul yo'tan, c'ux ya ya'iy te ya yac' castigo.

Salmos 145:8

Te Jehová t'ujbil yo'tan soc ya sna' yo'bolil jbahtic, ma x'ilin ta ora soc ay bayel sc'uxul yo'tan.

Nehemías 9:17

Ma ba la sc'an la ya'iyic soc ma ba la sna'ic te jchahp a'teliletic te la apasticlan ta yohlilic. Tulan la yac' sbahic, soc ta scuenta stoybahilic la snopic ya yotsesic mach'a ya yic'ticlan suhtel ta mosohil. Pero te ha'at Diosat te yac apas perdón, lec awo'tan soc sts'ujet awo'tan, ma orahuc ya x'ilinat, soc muc' te sc'uxul awo'tan, ha yu'un te ma ba la apihteslan.

Jonás 4:2

La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

Salmos 86:5

Como ha'at, Cajwal, lec awo'tan soc jpas-perdonat, c'ax bayel sc'uxul awo'tan ta stojol spisil te mach'atic ya yalbat wocol.

2 Crónicas 30:9

Yu'un teme ya suhtex tal ta stojol te Jehová, te awermanotac soc te anich'nabic ya me stahic c'uxultayel yu'un ta stojol te mach'atic chucbilic bahel yu'unic, soc ya me suhtic talel li' ta q'uinal ini; como te Jehová te Dios awu'unic lec yo'tan soc ha jc'uxultaywanej stuquel, ma yanuc banti ya yil bahel ta atojolic teme ya suhtex tal ta stojol, xchi.

Miqueas 7:18

¿Mach'a yan Dios te pajalat soc, te ya spas perdón yu'un te bin chopol, soc te ya sch'ay ta yo'tan te smul te mach'a cuxul hil yu'un te mach'atic ay yu'une? Ma spisiluc ora ay yilimba, como ya smulan te ya ya'iy c'uxultaywanej.

Deuteronomio 5:10

soc ya jc'uxultay bayel ta mil te mach'atic c'uxon ta yo'tanic soc te ya sch'uhumbonic te mandariletic cu'une.

Salmos 138:2

Ya jquejan jba, ya cac' bahel jsit ta stojol te ch'ul Templo awu'un, ya calbat yutsil sc'oblal abihil yu'un te sc'uxul awo'tan soc te stalel jun awo'tan, como la atohytesbe sc'oblal abihil soc ac'op ta stojol spisil bintic ay.

Salmos 116:5

Te Jehová lec yo'tan soc toj yo'tan; bayel sc'uxul yo'tan te Dios cu'untique.

Salmos 108:4

como c'ax hich sc'uxul awo'tan a te bin ut'il smuc'ul te ch'ulchan; te stalel jun awo'tan, c'ohem c'alal ta syaxal ch'ulchan.

Romanos 2:4

¿O ma bal ayuc sc'oblal awu'un te yutsil slequil yo'tan Dios, te ya xcuhch yu'un soc te ya xmahliwan, te ma ba yac ana' te ya stojobtesat bahel te slequil yo'tan Dios yu'un yac asuhtes awo'tan?

Salmos 111:4

La yac' te ma xch'ay ta o'tanil te yutsil ya'tel; lec yo'tan te Jehová soc ya sna' c'uxultaywanej.

Salmos 112:4

Ta yohlil ihc' q'uinal ya xtihl sacal q'uinal ta stojol te mach'atic toj yo'tanic; ha te mach'atic t'ujbil yo'tanic, te ya sna'ic c'uxultaywanej soc te toj bin ya spasique.

Salmos 57:10

como muc' te sc'uxul awo'tan, c'ohem c'alal ta ch'ulchan; soc c'alal ta tocal te stalel jun awo'tan ta jtojolcotique.

Éxodo 22:27

como ha nax te ya smuc sba a, ha sc'u' te ya smuc a te sbaq'uetale. ¿Bin ya smuquix sbaq'uetal ta wayel a? Te c'alal ya yawtayon ya me ca'iybe sc'op, como ho'on Jc'uxultaywanejon.

Miqueas 7:20

Stalel junuc me awo'tan ta stojol Jacob, soc ya me ac'uxultay te Abraham, hich te bin ut'il la awal ta jamal ta namey ta stojol te me'iltatiletic cu'uncotique.

Lamentaciones 3:23

yach'il ay ta jujun sab. ¡Mero stalel jun awo'tan!

San Juan 1:17

como te Ley ha a'bot ta scuenta Moisés, yan te yutsil-o'tanil soc te smelelil c'op talic ta scuenta Jesucristo.

Salmos 91:4

Ya me sluts'at ta ye'tal sc'uc'umal, ta ye'tal xic' yac ata canantayel; te bin ut'il stalel jun yo'tan ha amahquil soc ats'ahcul.

Salmos 31:19

Mero muc' te yutsil awo'tan, te ha q'uejbil awu'un yu'un te mach'atic ya yich'at ta muc', te ha la awa'be yilic ta stojol te ants-winiquetic te mach'atic smuc'ulinejat yo'tanique.

Isaías 12:4

Soc ta hich ora hich yac awalic: Halbeyahic wocol te Jehová, c'oponahic te sbihile; halbeya ya'iyic te nacionetic bintic spasoj, pucahic bahel te muc' sc'oblal te sbihile.

Salmos 111:8

stalel ayic sbahtel q'uinal, chahpambilic ta smelelil soc stojil ayic.

1 Reyes 19:11

Hich halbot yu'un Jehová: Loc'an tal, tehc'ana aba ta wits ta stojol Jehová, xchi sc'oblal. Ta hich ora c'ax bahel te Jehová, tal mero tulan ic' te la sjaticlan te witsetic soc la stop'ticlan muc'ul tonetic ta stojol Jehová; pero te Jehová ma ba tey ay a ta ic'. C'alal c'ax te ic', tal nihquel; pero te Jehová ma ba tey ay a ta nihquel.

Salmos 146:6

te la spas te ch'ulchan soc te bahlumilal, te mar soc spisil bintic ay tey a; te stalel melel bin ya yal;

Santiago 5:11

Ya caltic te ha bayel yutsilic te mach'atic ya xcuhch yu'unic te swocolique. Awa'iyejic bin ut'il cuhch yu'un te Job, soc awilojic bin ut'il c'oht ta loq'uel ta patil yu'un te Cajwaltic, como te Cajwaltic bayel ya xc'uxultaywan soc ya sna'botic yo'bolil jbahtic.

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Éxodo 33:19

La sjac' te Jehová: Ya jc'asesbat ta atojol spisil te cutsilal, soc ya cal hilel ta atojol te jbihil, Jehová. Ho'on ya jc'uxultay te mach'a ya jc'an ya jc'uxultay, soc ya jna'be yo'bolil sba te mach'a ya jc'an ya jna'be yo'bolil sba.

Deuteronomio 4:31

como ay sc'uxul yo'tan te Jehová te Dios awu'un: ma ba ya yihquitayat, ma ba ya slajinat, soc ma ba ya xch'ay ta yo'tan te chapbil-c'op te jc'axel la yalbe ta jamal te ame'atatique.

Deuteronomio 32:3

Ya calbe sbihil te Jehová. ¡Halbeyahic sc'oblal smuc'ul te Dios cu'untic!

1 Reyes 8:30

A'iybeya awa'iy te sc'op te a'bat awu'un soc te sc'op te pueblo Israel awu'un. C'alal ya sc'oponat ta lugar ini, a'iybeya sc'opic c'alal banti nahinemat ta ch'ulchan. A'iybeya soc pasbeya perdón.

Eclesiastés 8:11

Teme ma ba ya x'a'bot castigo ta ora yu'un te bin chopol la yich' pasele, te ants-winiquetic ya xbaht ta yo'tanic spasel te bin chopole.

Isaías 65:16

Mach'ahuc a te ya yac' bendición, ha ya spas ta scuenta te Dios yu'un te bin smelelil; soc mach'ahuc a te ay bin ya yal ta jamal, ha ya spas ta scuenta te Dios yu'un te bin smelelil; como te wocoletic te c'axemiquix ya xch'ay ta o'tanil soc ma ba chicanix ta ilel cu'un.

Jeremías 9:24

Te mach'a ya stoybe sba q'uinal ya'iy, hich me ac'a stoybe sba q'uinal ya'iy yu'un ini: ha te ya sna' bin ut'il ayon soc te ya sna'bon jba, te ya sna' te ho'on Jehovahon, te ya ca'iy c'uxultaywanej, te toj ya ca'iy chahpanwanej soc te ya jpas te bin stojil ta pasel, como ha ya sc'an co'tan ini, xchi te Jehová.

Jeremías 32:18

Yac ac'uxultay bayel ta mil, soc yac awa'be castigo te yal-snich'nabic yu'un te bintic chopol spasojic te me'iltatiletique. ¡Muc' Diosat soc bayel awu'el, ha Jehová te scuentahinej spisil, te abihile!

Nahúm 1:3

Te Jehová ma orahuc ya x'ilin soc ay bayel yu'el, ma ba ya yal te mayuc smul te mach'a ay smule. Te Jehová ya xbehen ta yic'al-ha'al soc ta sutu-ic', soc te tocaletic ha ts'u'lum ta yoc.

Génesis 24:27

hich la yal: Bayel yutsil sc'oblal te Jehová te Dios yu'un te cajwal Abraham, te ma ba la yihquitay te sc'uxul yo'tan soc te smelelil sc'op ta stojol te cajwal, te la stojobteson tal ta sbehlal te sna yermanotac te cajwal, xchi.

Números 12:8

Ya jsitin jba ta c'op soc, jamal ya jc'opon, ma ha'uc ta scuenta muquen c'op; soc ya yil bin yilel te Jehová. ¿Bin yu'un hiche te ma ba yac axi'ic te yac acontrac'optayic te ca'bat Moisés? xchi.

2 Samuel 24:14

Te David hich la yalbe te Gad: Mero ayon ta wocol ya ca'iy. Ac'a ochucotic ta sc'ab te Jehová como bayel sc'uxul yo'tan stuquel, manchuc ya x'ochotic ta sc'ab winiquetic, xchi.

Proverbios 3:3

Ma me ayuc bin ora yac awihquitay te c'uxul-o'tanil soc te bin smelelil; chuca ta anuc', ts'ihbaya ta awo'tan,