Éxodo 34:25 - Bible in Tzeltal Bachajón

²⁵ Ma me xawa'bon te sch'ich'el te milbil jmahtan soc te bin yich'oj levadura, soc ma me ayuc bin ya xhil yu'un pajel yu'un te milbil mahtanil yu'un te Q'uin Pascua.

Bible in Tzeltal de Oxchuc y Tenejapa

²⁵ “Te c'alal ya amilbonic jmajt'anin te achambalamic, ma me x'awich'bon tel xch'ich'el soc waj te yich'oj levadura. Ma me xaq'uej te sobrail majt'anil yu'un Pascua ta swenta yan c'aal.

Éxodo 34:25 Referans Kwoze

Éxodo 23:18

Ma me xawac' soc pan yich'oj levadura te sch'ich'el milbil jmahtane; soc ma me xhil yu'un pajel te sjuhp'ele.

Éxodo 12:10

Ma me ayuc xuht'uc ya xhil awu'unic yu'un pajel. Te bin ya xhil yu'un pajel ya me achiq'uic.

Deuteronomio 16:3

Ma me xawe' soc pan te yich'oj levadura. Huqueb c'ahc'al yac awe' soc pan te ma ba yich'oj levadura, ha te pan scuenta wocolijel, como ahnimal loc'at tal ta sq'uinal Egipto; scuenta yu'un te jayeb c'ahc'al cuxulat ya me ana' te bin c'ahc'alil loc'at tal ta Egipto.

Números 9:12

Ma me ayuc bin ya yihquitayic hilel yu'un pajel, soc ma ba ya swac'beyic junuc sbaquel. Ya me spasic hich te bin ut'il spisil te bin chapal yu'un te Q'uin Pascua.

Levítico 7:15

Te ti'bal yu'un te milbil mahtanil scuenta lamal q'uinal yu'un yalel wocol, ya me yich' we'el ta sc'ahc'alel nix te ya yich' aq'uele; ma me ayuc bin ya xhil ta yan c'ahc'al.

Éxodo 29:34

Teme ay to hil yu'un pajel te ti'bal yu'un yich'el ya'telic, o te pan, ya me achic'; ma ba ya yich' we'el, como ch'ultesbil.

Éxodo 12:20

Ma me xawe'ic te bin yich'oj levadura; ta bayuc banti ya xnahinex ya me awe'ic pan te ma ba yich'oj levadura, xchi te Jehová.

Éxodo 12:8

Ha nix yorahil ta ahc'abal a, ya me swe'ic te ti'bal wohbil ta c'ahc' soc ya swe'ic pan te ma ba yich'oj levadura, soc ch'ahal itaj.

San Mateo 13:33

Ay yan sloc'ombahil c'op la yalbe ya'iyic: Te cuentahinel yu'un te ch'ulchan hich c'ohem te bin ut'il levadura te jtuhl ants la swots' soc oxp'is harina ha to c'alal la spajubtes spisil, xchi.

Levítico 2:11

Ma me xawa'be Jehová te mahtanil harina te yich'oj levadura, como ma xhu' ya yich' chiq'uel scuenta smahtan te Jehová te bin yich'oj levadura o chab.

Deuteronomio 16:4

Huqueb c'ahc'al ma me xchicnaj levadura ta spahmal aq'uinal. Te chambahlam yac amil ta tibiltic ta sba c'ahc'alil, ma me ayuc bin ya xhil yu'un pajel.