Éxodo 34:20 - Bible in Tzeltal Bachajón

²⁰ Yan te sba-quelmal burro ya me ajeltay ta jcoht tut tuminchij; teme ma ba yac ajeltay, ya me awac'be snuc'. Ya me ajeltay spisil te aba-nich'anique. Soc ma me ayuc mach'a ya xtal ta jtojol te mayuc bin yich'oj ta sc'ab.

Bible in Tzeltal de Oxchuc y Tenejapa

²⁰ Te sba yal me' burra ya me awac'bey sjelolin jcojt' chij, o teme jcojt' tentsun. Teme ma jichuc ya awaq'uique, ya me amilic ta c'asbeyel snuc' te ch'in burroe. Yan te sba anich'anic, lebeyaic me sjelol te ja' ya awac'bonic jmajt'anine. Ma me ayuc mach'a ya xtal yilon teme ma'yuc bila ya yich'bonic tel jmajt'anin.

Éxodo 34:20 Referans Kwoze

Deuteronomio 16:16

Oxeb buelta ta jujun ha'bil spisil winiquetic ya me xtal ta stojol Jehová te Dios awu'un tey ta lugar tsahbil yu'un: ha te Q'uin yu'un Pan ma ba yich'oj levadura, te Q'uin yu'un Semanahetic soc te Q'uin yu'un Yaxna. Ma me ayuc jtuhluc te jochol sc'ab ya xtal stehc'an sba ta stojol te Jehová;

Éxodo 23:15

Ya me apas te Q'uin yu'un Pan te ma ba yich'oj levadura. Hich te bin ut'il la jcalbat, huqueb c'ahc'al yac awe' pan te ma ba yich'oj levadura, ta yorahil te u yu'un Abib, como ha yorahil te loq'uex tal ta Egipto. Ma me ayuc mach'a jochol sc'ab ya xtal ta jtojol.

Éxodo 13:13

Spisil te sba-al burro ya me ajel ta alal tuminchij. Teme ma ba yac ajeltay, ya me awac'be snuc'. Ha nix hich ya me awa'be sjelolin te aba-nich'anique.

Números 18:15

Spisil te ba-alaletic yu'un ants-winiquetic soc sba-yal chambahlametic te ya ya'beyic Jehová, ha'at me awu'un. Pero ya me alehbe sjelol te ba-alal yu'un ants-winiquetic soc te sba-al chambahlametic te bohloben sc'oblal.

Éxodo 13:15

soc te c'alal tulanub yo'tan te faraón te ma ba la yac'otic loq'uel, te Jehová la yac' ta milel spisil te ba-alaletic ta sq'uinal Egipto, ha te ba-alal querem yu'un ants-winiquetic soc sba-quelmal chambahlametic. Ha scuentahil te ya ca'be milbil smahtanin Jehová te sba-quelmal te chambahlam soc te ya ca'be sjelol te jba-nich'an, xchihat.

2 Samuel 24:24

Pero te ajwalil hich la yalbe te Arauna: Ma'uc, ya jtojbat, ha chican jayeb stojol. Ma ba ya ca'be smahtanin Jehová te Dios cu'un te mahtaniletic te ma tojbiluc cu'un, xchi. Hich te David la sman te yawil sq'uiyojibal trigo soc te j'a'tel-wacaxetic ta lajuneb yoxwinic (50) ta sehp plata.

Éxodo 13:10

Ha yu'un ya me apasulan bahel ta jujun ha'bil ta mero sc'ahc'alel.

Éxodo 22:29

Ma me patiluc yac awa'bon jmahtanin te sit ats'unub-awawal soc te ya'lel ats'usub. Ya me awa'bon te ba-alal querem awu'une.

Éxodo 13:12

ya me awa'be te Jehová spisil te ba-alal queremetic; soc ha nix hich spisil te sba-quelmal te achanabahlamic, ha me yu'un Jehová.