Éxodo 34:17 - Bible in Tzeltal Bachajón

¹⁷ Ma me xapas diosetic ta uhltesbil taq'uin.

Bible in Tzeltal de Oxchuc y Tenejapa

¹⁷ “Ma me xapas awajcananic ta taq'uin te ultesbil ta c'ajq'ue.

Éxodo 34:17 Referans Kwoze

Levítico 19:4

Ma me xach'uhuntayiquix loc'ombahetic, soc ma me xapas awahcananic ta uhltesbil taq'uin. Ho'on, Jehovahon, Dioson awu'unic.

Éxodo 32:8

Ora nax la yihquitayic hilel te be te ho'on la jcalbeyic ta mandar. La spasiquix sloc'omba jcolel toro ta uhltesbil oro, la sch'uhuntayic, la ya'beyic milbil mahtaniletic, soc la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchi.

Hechos 19:26

pero awilojic soc awa'iyejic te Pablo la yac' te parte ya yac' sbahic bayel ants-winiquetic ta scuenta te bin ya yac' ta nopel, ma ha'uc nax li' ta Éfeso, jteb ma spisiluc te Asia; ha ya yal te ma ha'uc diosetic te bin ya yich' pasel ta c'abal.

Hechos 17:29

Ha yu'un, te bin ut'il ha sts'umbalotic te Diose, ma me jcuytic te Dios te ha pajal soc oro, o plata o ton, te ha loc'omba pasbil ta sc'ab winiquetic te hich nax la snop shachel.

Jeremías 10:14

Spisil ants-winiquetic sonsohic, ma sna'ic q'uinal; spisil te j'ultesej-taq'uin ya xq'uexawanic yu'un te loc'omba yu'une; como lotil te bin spasoje, ma ba cuxul.

Éxodo 20:4

Ma me xapasbe sloc'ombahil o biluc a te pajal yilel soc te bintic ay ta ch'ulchan, ta bahlumilal o ta ha'etic ta ye'tal bahlumilal.

Éxodo 20:23

Ma me xapasic diosetic ta jtojol te pasticlambil ta oro o ta plata.

Deuteronomio 5:8

Ma me xapas awahcanan o sloc'ombahil bintic ayic ta ch'ulchan, ta bahlumilal, o ta ha'etic ta ye'tal te bahlumilal.

Deuteronomio 27:15

Chopol sc'oblal te mach'a ya spas te bin lop'taylambil, o loc'omba pasbil ta uhltesbil taq'uin, ha ya'tel te mach'a ya sna' spasel, te muquen ya stehc'an, ha ihlaybil yu'un Jehová, xchihic. Hichuc, xchihic me spisil te pueblo.

Jueces 17:3

Te c'alal la suhtbe te ho'lajunwinic yoxbahc' (1,100) ta sehp plata, hich la yal te snane: Ta scuenta te cal, jc'axel ca'beyejix Jehová te taq'uin scuenta spasel jun loc'omba pasbil ta c'abal soc yan pasbil ta uhltesbil taq'uin. Ya jsutbat te taq'uine, xchi.

1 Reyes 14:9

Yan te ha'ate, c'ax hich chopol la apas a te bin ut'il spisil te yantic nahil ay awu'un. La apasticlan yantic diosetic soc loc'ombahetic te pasbilic ta uhltesbil taq'uin, te la ahachbon quilimba a soc la awalac'patiyon.

2 Crónicas 28:2

Ha la st'umbe sbe te ajwaliletic yu'un Israel soc la spasticlan loc'ombahetic yu'un Baal ta uhltesbil taq'uin.

Éxodo 23:14

Ya me apasbonic q'uin oxeb buelta ta jujun ha'bil.