Éxodo 34:15 - Bible in Tzeltal Bachajón

¹⁵ Ha yu'un ma me xachap ac'op soc te mach'atic nahinemic tey ta q'uinal, como te c'alal ya yantsin sbahic c'ohem soc te diosetic yu'unic soc te ya ya'beyic milbil smahtan, ya yic'at, soc yac awe' te milbil mahtaniletic ac'bilic yu'unic,

Bible in Tzeltal de Oxchuc y Tenejapa

¹⁵ “Ma me xapasic trato soc te mach'atic nainemic ta bay te q'uinal, melel te c'alal ya spejc'an sbaic ta xch'uunel te diosetic yu'unic, soc te c'alal ya yac'beyic milbil smajt'anic, repente ya yiq'uex ta spasel, jich ya ati'beyic smajt'an te ya yac'beyique.

Éxodo 34:15 Referans Kwoze

Jueces 2:17

Pero ma ba la yich'ic ta cuenta te juecetic yu'unic, la st'unic bahel yantic diosetic, te ha la sch'uhuntayic. Ora nax la yihquitayic hilel te be banti behenic te sme'static te la sch'uhumbeyic te mandariletic yu'un Jehová; yan stuquelic ma hichuc la spasic.

1 Corintios 8:4

Te bin ut'il ay sc'oblal te we'elil te ya yich' aq'uel scuenta milbil mahtanil ta stojol loc'ombahetic, jna'ojtic te mayuc stuc ta q'uinal te loc'omba, te junax Dios ay.

Salmos 106:28

Jun la yac' sbahic soc te Baal-peor soc la sti'beyic smahtan ti'bal te diosetic te ma cuxuluque.

Deuteronomio 31:16

Te Jehová hich la yalbe te Moisés: Ilawil, ya xchamatix. Te pueblo ini ya me xhahch yac' sbahic ta antsinel c'ohem ta stojol te yantic diosetic yu'un te q'uinal te banti ya xbahtic. Ya me yihquitayon soc ya me sjin te chapbil-c'op jpasoj soc.

Números 25:2

te ha ic'otic bahel yu'unic ta banti ya yich' a'beyel milbil smahtan te diosetic yu'unique. We'ic te israeletic soc la squejan sbahic ta stojol te diosetic yu'unique.

1 Corintios 10:27

Teme ay ya yiq'uex ta we'el te mach'a ma ba sch'uhunej Dios, teme yac ac'an ya xbahex, we'anic spisil bintic ya xpahchambotex, ma me xajoc'oyic scuenta yu'un ma ba ya x'ochat na'etel yu'un.

1 Corintios 8:10

como te mach'a mayuc yip yo'tan teme ya yilat te yacat ta we'el ta mesa yu'un loc'ombahetic ha'at te ana'beyej scuentahil, ¿ma bal yacuc snop te ha nix hich ya swe' te bin ac'bil ta stojol te loc'ombahetique?

1 Corintios 8:7

Pero ma spisiluc hich sna'ojic, ay mach'atic c'ahyemic soc te loc'ombahetic, ha yu'un te bin ya swe'ic ay ta yo'tanic te ha a'bibil ta stojol loc'ombahetic, hich ya xbohlob yo'tanic, yu'un mayuc yip yo'tanic.

Jeremías 3:9

Te bin ut'il mayuc sc'oblal la ya'iy te la yac' sba ta antsinel, hich la sbohlobtes te q'uinal, yu'un la yac' sba ta antsinel ta stojol ton soc te'.

Levítico 17:7

Ma ba ya ya'beyiquix xan milbil smahtan te pucujetic te la yac' sbahic ta antsinel yu'un c'ohem. Ha mandaril ini te ma xlaj sc'oblal ta spisil sts'umbalic, xchihan me.

Éxodo 34:12

Tsahtaya aba te manchuc yac achap ac'op soc te mach'atic ya xnahinic tey ta q'uinal banti ya x'ochat, scuenta yu'un ma ha'uc ayacol ya xc'ohtic ta awohlil.

Apocalipsis 2:20

Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.

Oseas 9:1

Ma me tse'eluc awo'tan, Israel, ma me xwihlat yu'un stse'elil awo'tan hich te bin ut'il yantic nacionetic; awa'iyej antsiwej te bin ut'il la awihquitay hilel te Dios awu'une. La amulan te stojol j'antsinel ants ta spisil yawil smajojibal trigo.

Oseas 4:12

Te pueblo cu'un ya sjoc'obe te loc'omba yu'un te pasbil ta te', te si' ya sjac'be sc'opic; como ac'otic ta howiyel yu'un te yantsiwejic, la yihquitayic te Dios yu'unic ta scuenta yantsiwejic.

Salmos 73:27

Te mach'atic ya xnamijic ta atojol, ya me xlajic; ha'at yac alajinlan spisil mach'atic ma junuc yo'tanic ta atojol.

Esdras 6:9

Soc te bintic yan ya xtuhun: ha torohetic, tat tuminchijetic o jcolel tuminchijetic scuenta scohtol chic'bil mahtaniletic ta stojol te Dios ta ch'ulchan, soc trigo, ats'am, vino soc aceite, chican bin ya sc'anic te sacerdotehetic ta Jerusalén, ya me x'a'botic jujun c'ahc'al, ma ba ya spas falta,

Deuteronomio 7:2

soc te c'alal la ya'batix ta ac'ab te Jehová te Dios awu'un te nacionetic soc te la atsalix a, jc'axel me xajinticlan; ma me ayuc bin yac achap ac'op soc, ma me xana'be yo'bolil sbahic.

Números 15:39

Ya xtuhun awu'unic te stsihtsimal, yu'un te c'alal yac awilic tey yac ana'ic a spisil te mandariletic yu'un Jehová; hich yac ach'uhunic spasel soc ma ba yac at'unic bahel te bin ya sc'an awo'tanic soc te bin ya yil te asit, te ha la yac' te yac awac' aba ta antsinel c'ohem.

Éxodo 34:10

Hich la yal te Jehová: Ilawil, ya jchap jc'op ta stojol spisil te pueblo awu'un; ya jpas jchahp a'teliletic te mayuc banti hich pasbil ta junuc nación ta swohlol bahlumilal. Spisil te ants-winiquetic te ayat ta yohlilic ya me yilbeyic te ya'tel te Jehová, como mero yan ta ilel a te bin ya xbaht jpas ta atojol.

Éxodo 23:32

Ma xachap ac'opic soc, o soc te diosetic yu'unique.

Hechos 15:20

pero ya jts'ihbabetic te manchuc ya yac' sbahic a te bintic bohloben yu'un te loc'ombahetic, ma me xya'iyic antsiwej o ma me xyac' sbahic ta antsinel, ma me swe'ic chambahlametic te ts'otbil nax ta snuc', soc ma me swe'ic ch'ich';

Éxodo 22:20

Te mach'a ya ya'be milbil smahtan yantic diosetic, teme ma ha'uc ya ya'be stuquel te Jehová, ya me yich' milel.

Éxodo 32:8

Ora nax la yihquitayic hilel te be te ho'on la jcalbeyic ta mandar. La spasiquix sloc'omba jcolel toro ta uhltesbil oro, la sch'uhuntayic, la ya'beyic milbil mahtaniletic, soc la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchi.

Números 25:1

Te Israel c'alal ayic ta Sitim a hahch yic' yantsimbeyic te yantsil-nich'nab moabetic,

Deuteronomio 7:3

Ma me xnuhpunat soc, ma me xawa'be yic'bat awantsil-nich'nab te squerem-nich'nabic soc ma me xawa'be yic'bat aquerem-nich'nab te yantsil-nich'nabic,

Deuteronomio 32:37

Hich ya yal: ¿Banti ay te diosetic yu'unic, te muc'ul ton te banti la snac' sbahic,

Deuteronomio 32:38

te la swe'beyic sjuhp'el te milbil mahtaniletic yu'unic, soc te la yuch'beyic te vino yu'un te malbil mahtanil yu'unique? ¡Ac'a hahchuquic, ac'a scoltayex! ¡Ac'a tal scanantayex!

Josué 23:12

Como teme ya suhtex bahel ta apatic, teme jun ya xc'ohex soc te nacionetic te hilemic ta awohlilic, teme ya xnuhpunex soc, teme yac acap abahic soque,

Jueces 3:6

La yic'beyic te yantsil-nich'nabic soc la ya'be yic' yantsil-nich'nabic te queremetic yu'unic, soc la yac' sbahic ta a'batinel yu'un te diosetic yu'unique.

1 Crónicas 5:25

Pero la stoy sbahic ta stojol te Dios yu'un te sme'static, la yac' sbahic ta antsinel ta st'unel te diosetic yu'un te pueblohetic yu'un te q'uinal te loq'uesotic yu'un Jehová ta stojolic.

Esdras 9:12

Ha yu'un ma me xawa'beyic te awantsil-nich'nabic te squerem-nich'nabic soc ma me xawa'beyic yic' te yantsil-nich'nabic te aquerem-nich'nabic, soc ma me xalehbe lamal q'uinal ta stojolic soc te bin lec ya xc'ohtic yu'une; scuenta yu'un tulan ya xc'ohex soc yu'un yac awe'ic te sit te c'ax lec ya yac' te q'uinal soc yac awa'be yich'ic hilel sbahtel q'uinal te ats'umbalique.

Éxodo 22:19

Mach'ayuc a te ya scuch sba soc chambahlam, ya me yich' milel.

Deuteronomio 31:18

Pero ta smelelil ho'on ya jnac' jsit ta stojolic ta hich ora ta scaj spisil te bin chopol ya spasic, ha te suhtic xan ta stojol yantic diosetic.