Éxodo 34:12 - Bible in Tzeltal Bachajón

¹² Tsahtaya aba te manchuc yac achap ac'op soc te mach'atic ya xnahinic tey ta q'uinal banti ya x'ochat, scuenta yu'un ma ha'uc ayacol ya xc'ohtic ta awohlil.

Bible in Tzeltal de Oxchuc y Tenejapa

¹² “Ma me xapasic trato soc te c'alal ya x'ochex tey a, swenta yu'un ma me yaq'uex ochel ta spejts'ic.

Éxodo 34:12 Referans Kwoze

Deuteronomio 7:2

soc te c'alal la ya'batix ta ac'ab te Jehová te Dios awu'un te nacionetic soc te la atsalix a, jc'axel me xajinticlan; ma me ayuc bin yac achap ac'op soc, ma me xana'be yo'bolil sbahic.

Deuteronomio 7:16

Yac alajinlan spisil te pueblohetic te ya ya'bat te Jehová te Dios awu'une; ma me xana'be yo'bolil sbahic soc ma me xach'uhuntay te diosetic yu'unic, como ha c'ohchinojibal awu'un ya xc'oht.

Salmos 106:36

La sch'uhuntayic te loc'ombahetic yu'unic, te ha sjinojibal c'ohtic yu'unic.

Jueces 8:27

Te Gedeón la spas ta efod te la yac' ta slumal ta Ofra. Spisil Israel la yac' sbahic ta antsinel c'ohem ta stojol te efod tey a. Ha sc'ohchinojibal c'oht yu'un te Gedeón soc spisil mach'atic ay yu'un ta sna.

Deuteronomio 20:18

scuenta yu'un ma ba ya ya'beyex anopic spasel te bintic ilobtic sba spasojiquix ta stojol te diosetic yu'unic, te hich yac ata amulic a ta stojol te Jehová te Dios awu'unique.

1 Reyes 11:2

ha te hich halbot sc'oblalic yu'un Jehová te snich'nab Israel: Ma me xawic' abahic soc, como ya me yaq'uic te ya xhahch ach'uhuntayic te diosetic yu'unic, te xchihe. Pero te Salomón ha c'ux la ya'iy ta yo'tan.

2 Reyes 17:10

Soc la stehc'anic ch'ultesbil tonetic soc loc'ombahetic yu'un Asera ta jujun toyol tsehletic soc ta ye'tal spisil te'etic te ay bayel ya'binal;

2 Crónicas 24:18

hich la yihquitayic te sna Jehová, te Dios yu'un te sme'static, la sch'uhuntayic te loc'ombahetic yu'un Asera soc te yantic loc'ombahetic. Ha yu'un tal yilimba Dios ta stojol Judá soc Jerusalén yu'un te smulique.

Números 33:52

ya me atenic loq'uel ta atojolic spisil te mach'atic nahinemic tey ta q'uinal. Jinticlanahic spisil te yahcananic pasbilic ta ton soc te loc'ombahetic pasbilic ta uhltesbil taq'uin, soc jinticlanahic spisil te toyol awilaletic yu'unique.

Deuteronomio 31:5

Te Jehová ya me yac' ta ac'abic te nacionetic, ya me apasbeyic spisil te bintic la jcalbeyex.

Josué 9:7

Te winiquetic yu'un Israel la sjac'beyic te heveohetic: Repente nahinemex ta cohlilcotic; ¿bin ut'il ya xhu' ya jchap jc'optic? xchihic.

Jueces 6:10

Soc hich la jcalbeyex: Ho'on Jehovahon te Dioson awu'unic; ma me xawich'ic ta muc' te diosetic yu'un te amorreohetic te banti nahinemexix ta sq'uinalique, xchihon. Pero ma ba la ach'uhumbonic te jc'ope, xchi.