Éxodo 34:11 - Bible in Tzeltal Bachajón

¹¹ Pasa te bin ya calbat ta mandar yo'tic. Ya jtenticlan loq'uel ta atojolic te amorreo, cananeo, heteo, ferezeo, heveo soc te jebuseo.

Bible in Tzeltal de Oxchuc y Tenejapa

¹¹ “Ch'uunaic te jmandal la calbeyex te naxe. Ya me jticunbeyex loq'uel ta atojolic te amorreoetic, cananeoetic, hititaetic, ferezeoetic, heveoetic soc te jebuseoetique.

Éxodo 34:11 Referans Kwoze

Éxodo 33:2

Ya jticon bahel ta atojol ch'ul a'bat, soc ya jtenticlan loq'uel te cananeo, amorreo, heteo, ferezeo, heveo soc te jebuseo.

Éxodo 3:17

Soc la jcalix te ho'on ya jcoltayex ta libre yu'un te wocol ta Egipto, ya quiq'uex bahel ta sq'uinal te cananeo, heteo, amorreo, ferezeo, heveo, soc te jebuseo, ta q'uinal te banti ya x'oquin leche soc chab, xchihat.

Deuteronomio 6:25

Ha stojil ta pasel cu'untic teme buen tsahtaybil cu'untic ya jpastic spisil te mandariletic ini ta stojol Jehová te Dios cu'untic, hich te bin ut'il la spasotic ta mandar, xchihan me.

Deuteronomio 6:3

A'iya me awa'iy hiche, Israel, soc tsahtayahic me ta pasel, scuenta yu'un lec ya xc'ohex tey ta q'uinal te banti ya x'oquin leche soc chab soc hich ya xp'ohlex a, hich te bin ut'il la yalbat te Jehová te Dios yu'un te ame'atatique.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

San Juan 14:21

Te mach'a yich'oj te mandariletic cu'un soc te ya sch'uhun spasel, ha me te c'uxon ta yo'tan abi. Te mach'a c'uxon ta yo'tan, c'ux me ya x'a'iyot yu'un te Jtate, soc ha nix hichon, c'ux me ya ca'iy ta co'tan soc ya cac' jba ta na'el yu'un, xchi.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Deuteronomio 28:1

Teme yac awa'iybe sc'op te Jehová te Dios awu'un soc teme jun awo'tan yac apasbe spisil te mandariletic yu'un te yac calbelat ta ora ini, ha nix hich te Jehová te Dios awu'un ya me yac' te toyol ya xc'ohat yu'un spisil te nacionetic ta bahlumilal.

Deuteronomio 12:32

Tsahtaya me ta spasel spisil bintic ya jpasat ta mandar; ma me xawa'be xan smohlol soc ma me ayuc bin yac aloq'uesbe.

Deuteronomio 12:28

Canantaya soc ch'uhuna spasel spisil te c'opetic ini te ya jpasat ta mandar, scuenta yu'un spisil ora lec ya xc'ohat soc lec ya xc'oht a te patil al-nich'anetic awu'un, te bin ut'il yac apas te bin lec soc te bin stojil ta pasel ta stojol Jehová te Dios awu'une.

Deuteronomio 7:19

ha te muc'ul pruebahetic te la awil ta asit, te señahiletic soc jchahp a'teliletic, soc te smuc'ul yu'el sc'ab Jehová te Dios awu'un te la sloq'uesat tal a. Hich ya spas te Jehová te Dios awu'un ta stojol spisil te pueblohetic yac axi'e.

Deuteronomio 5:32

Ila me awilic hiche te yac apasic hich te bin ut'il la spasex ta mandar te Jehová te Dios awu'unique, ma me xhowiyex ta wa'el o ta q'uexam.

Deuteronomio 4:40

Ch'uhuna te mandariletic yu'un te yac calbelat ta ora ini, scuenta yu'un lec ya xc'ohat soc lec ya xc'oht a te patil awal-anich'nab, soc te ya xnahtub aworahil te ayat ta q'uinal te ya ya'bat scuenta sbahtel q'uinal te Jehová te Dios awu'une, xchi te Moisés.

Éxodo 23:28

Ya jnahiltes bahel xux ta atojolic te ya stenic loq'uel ta atojol te heveo, te cananeo soc te heteo.

Deuteronomio 33:27

Ha ahnibal awu'un te Dios te sbahtel q'uinal ay, soc ta awe'tal ay te sc'ab te sbahtel q'uinal ay. Ha la sch'oj loq'uel ta atojol te contra, soc la yal: ¡Lajina! xchi.

Nehemías 13:23

Soc ta hich ora la jquil te ay judiohetic te yic'oj yihnaminic antsetic te talemic ta Asdod, Amón soc Moab.

Éxodo 8:27

Ya xbehenotcotic bahel oxeb c'ahc'al ta jochol taq'uin q'uinal, tey ya ca'becotic milbil smahtan a te Jehová te Dios cu'uncotic, hich te bin ut'il ya yalbotcotique, xchi.

Josué 23:5

Te Jehová te Dios awu'unic ya sch'ojticlan loq'uel ta atojolic, ya stenticlan loq'uel ta awohlilic, te ha'exe ya me awich'beyic hilel te sq'uinalic, hich te bin ut'il la yalbeyex te Jehová te Dios awu'unique.

1 Crónicas 1:14

Te sts'umbal Canaán ha te jebuseohetic, amorreo, gergeseo,