Éxodo 34:10 - Bible in Tzeltal Bachajón

¹⁰ Hich la yal te Jehová: Ilawil, ya jchap jc'op ta stojol spisil te pueblo awu'un; ya jpas jchahp a'teliletic te mayuc banti hich pasbil ta junuc nación ta swohlol bahlumilal. Spisil te ants-winiquetic te ayat ta yohlilic ya me yilbeyic te ya'tel te Jehová, como mero yan ta ilel a te bin ya xbaht jpas ta atojol.

Bible in Tzeltal de Oxchuc y Tenejapa

¹⁰ Te Cajwaltic, jich la yal: —Aiya awaiyic stojol: Yo'tic ya jpas trato soc spisil te alumale. Ya me jpas jchajp señailetic te ma'yuc bay pastajem ta spamal balumilal, ni jpamuc lum. Spisil jyanlumetic te sjoytayejexe, ya me yilbonic cat'el, melel jchajp nax yutsil te bila ya jpas ta atojolique.

Éxodo 34:10 Referans Kwoze

Deuteronomio 10:21

Ha me te yac awalbe yutsil sc'oblal, soc ha me te Dios awu'un, te la spas ta atojol te bin muc' soc te bin xiweltic sba te awiloj ta asit.

Salmos 77:14

Ha'at Diosat te yac apas jchahp a'teliletic; la awa'be yil awu'el te nacionetique.

Isaías 64:3

C'alal la apas te bintic xiweltic sba, te mayuc bin ora la jna'cotic te hich ya xc'oht ta pasele, cohat talel, soc nihquic te witsiltic ta atojol.

Salmos 66:5

¡La'ic, ilawilic te ya'tel Dios, te jchahp te bintic la spas ta stojol te ants-winiquetique!

Jeremías 32:21

La aloq'ues tal ta sq'uinal Egipto te pueblo Israel awu'un ta scuenta jchahp a'teliletic soc señahiletic, ta scuenta yip ac'ab soc te ahachoj ac'ab, soc muc'ul xiwel.

2 Samuel 7:23

¿Soc mach'a pajal soc te pueblo Israel awu'un, te jun nación te muc' sc'oblal ta bahlumilal? Como te Dios c'oht sloq'ues ta mosohil scuenta pueblo yu'un ya xc'oht, te hich ya stohytesbe sbihil a, yu'un ya spas muc'ul a'teliletic ta scuentahic soc ya spas bintic xiweltic sba ta aq'uinal, ta scuenta sc'uxul awo'tan ta stojol te pueblo awu'un te la aloq'ues ta Egipto ta stojol yantic nacionetic soc te diosetic yu'unique.

Salmos 78:12

Dios la spas jchahp a'teliletic ta stojol te sme'static ta sq'uinal Zoán te ay ta Egipto.

Salmos 66:3

Halbeya te Diose: ¡Mero jchahp a te a'teliletic awu'un! Ta scuenta te smuc'ul awu'el ya me squejan sbahic ta atojol te acontrataque.

Deuteronomio 32:30

¿Bin ut'il ya xhu' te jtuhl nax ya snuts bahel jmil ta tuhl, soc te cha'tuhl nax ya yac' ahnuc lajunmil, te manchuc chonotic yu'un te Muc'ul Ton, soc te ihquitayotic yu'un te Jehová?

Josué 6:20

Ha yu'un awonic te pueblo, soc te sacerdotehetic la yoq'uesinic te xulubiletique. C'alal la ya'iybeyic yoq'uel xulubil te pueblo, buen tulan awonic, hich hemts'uj cohel te ts'ahque. Jujutuhl toj ochic bahel ta Jericó, hich la stsalic.

Éxodo 34:27

Te Jehová la yalbe te Moisés: Ts'ihbaya te c'opetic ini, como ta scuenta te c'opetic ini la jchap jc'op ta atojol soc ta stojol Israel, xchi.

Salmos 145:6

Te ants-winiquetic ya me yalbeyic sc'oblal awa'tel te c'ax yan a, te ho'on ya me jpuc ta halel te amuc'ule.

Salmos 106:22

te yutsil a'teliletic ta sq'uinal Cam, te bintic yan yilel ta pasel ta Mar Rojo.

Salmos 76:12

Ha ya slajimbe yip yo'tanic te yal-snich'nab ajwaliletic; ha xi'bil yu'un te ajwaliletic ta bahlumilal.

Salmos 65:5

Ha'at Diosat yu'un te jcolelcotic yac ajac' jc'opcotic ta buen t'ujbil a'teliletic te stojil ayic, ha'at te smuc'ulat yo'tanic spisilic c'alal ta sti'il bahlumilal soc ta namal sti'il mar;

Salmos 147:20

Mayuc hich spasbeyej te yantic nacionetic, ma sna'ic te bintic schapoj ta yo'tane. ¡Aleluya!

Deuteronomio 4:13

Ha la yalbeyex awa'iyic te chapbil-c'op yu'un, te la spasex ta mandar te yac ach'uhunic spasel: ha te lajuneb mandariletic te la sts'ihbay ta cha'pehch tonetic.

Salmos 68:35

Jchahp ay awutsilal, Dios cu'un, ta ch'ul awilal awu'un; te Dios yu'un Israel ya ya'be yu'el soc yip te pueblo yu'une. ¡Ac'a yich' halbeyel yutsilal te Diose!

Éxodo 34:28

Te Moisés la sjoquin te Jehová tey a cha'winic c'ahc'al soc cha'winic ahc'abal; ma ba la swe' pan soc ma ba la yuch' ha'. La sts'ihbay ta pehchel tonetic te c'opetic yu'un te chapbil-c'op, ha te lajuneb mandariletique.

Deuteronomio 9:19

Como la jxi'be te yilimba soc sc'ahc'al yo'tan te Jehová ta atojolic te ya c'an slajinex ta jc'axel a. Pero te Jehová la ya'iybon xan te jc'ope.

Salmos 72:18

Bayel me yutsil te Jehová Dios, te Dios yu'un Israel, te ha nax stuquel te ya spas jchahp a'teliletic.

Salmos 136:4

te ha nax stuquel ya spas muc' yutsil a'teliletic, como sbahtel q'uinal ay sc'uxul yo'tan;

Miqueas 7:15

Ya ca'be yilic jchahp a'teliletic hich te bin ut'il c'alal loq'uex tal ta Egipto.