Éxodo 33:14 - Bible in Tzeltal Bachajón

¹⁴ Hich halbot yu'un Jehová: Ya joquinat bahel, soc ya ca'bat acux awo'tan, xchi.

Bible in Tzeltal de Oxchuc y Tenejapa

¹⁴ La yal te Cajwaltic: —Jo'onix me ya joinat bael, soc ya me cac'bat te bay ya acux awo'tan —xi'.

Éxodo 33:14 Referans Kwoze

Josué 21:44

Te Jehová la ya'be scux yo'tanic ta sjoyobalic, hich te bin ut'il la yalbe ta jamal te sme'statique. Mayuc junuc te scontrahic te tsalotic yu'un, como te Jehová la yac'ticlambe ta sc'abic spisil te scontrahique.

Josué 1:5

Mayuc mach'a ya xhu' ya stsalat te jayeb c'ahc'al cuxulat. Hich te bin ut'il la joquin te Moisés, ha nix hich ya joquinat; ma ba ya quihquitayat soc ma ba ya jpihtesat.

San Mateo 11:28

La'ic ta jtojol apisilic te luhbunex soc te ay awihcatsic, ho'on ya ca'beyex acux awo'tanic.

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

Salmos 95:11

Ha yu'un la jcal ta jamal ta quilimba te ma me x'ochic ta cux-o'tanil cu'un, xchihon.

Josué 22:4

Ta ora ini, te Jehová te Dios awu'unic la ya'be scux yo'tanic te awermanotac hich te bin ut'il yaloj, ha yu'un suhtanic bahel ta anahilpaq'uic, ta q'uinal te la ya'beyex ta jehch ha' Jordán te Moisés te a'bat yu'un Jehová.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Éxodo 13:21

Te Jehová ha nahilij bahel yu'unic ta c'ahc'alel ta scuenta bahlal tocal yu'un ya stojobtes bahel ta be a, soc ta ahc'abal ta bahlal c'ahc' yu'un la ya'be sacal q'uinal scuenta yu'un hich hu' yu'unic behel ta c'ahc'alel soc ta ahc'abal.

Josué 23:1

Bayel c'ahc'al ta patil, te c'alal a'botix scux yo'tanic yu'un Jehová te snich'nab Israel yu'un te scontrahic ta sjoyobal, soc mamalix te Josué, ayix bayel ya'bilal a,

Deuteronomio 3:20

ha to c'alal Jehová ya ya'be scux yo'tanic te awermanotac, hich te bin ut'il te ha'exe, soc te ya yich'ic te q'uinal ta jehch muc'ul-ha' Jordán te ya x'a'botic yu'un Jehová te Dios awu'unique. Ha to jujutuhlex ya suhtex bahel ta q'uinal te la jca'beyex, xchihon.

Éxodo 3:12

La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

Deuteronomio 4:37

Te bin ut'il c'ux la ya'iy ta yo'tan te ame'atatic, la stsahbe te patil al-nich'anetic yu'unic, la sloq'uesat tal ta Egipto ta scuenta te sjoquinejat soc ta scuenta te smuc'ul yu'el,

Deuteronomio 12:10

Pero ya xc'axex bahel ta muc'ul-ha' Jordán soc ya xnahinex tey ta q'uinal ya ya'beyex ta acuentahic te Jehová te Dios awu'unique. Ha ya ya'beyex acux awo'tanic yu'un spisil acontrahic ta ajoyobal, hich mayuc xiwel ya xnahinex tey a.

Deuteronomio 25:19

Ha yu'un te c'alal Jehová te Dios awu'un la ya'batix acux awo'tan yu'un spisil acontratac ta ajoyobal tey ta q'uinal ya ya'bat ta acuenta yu'un yac awu'untay, jc'axel me xatup'be sc'oblal Amalec ta ye'tal ch'ulchan; ma me xch'ay ta awo'tan.

Deuteronomio 31:8

Te Jehová ya xnahilij bahel awu'un, ya sjoquinat, ma ba ya yihquitayat soc ma ba ya spihtesat; ma me xiwat soc ma me xpehc'aj awo'tan, xchi.

Jeremías 31:2

Hich yaloj te Jehová: Te pueblo te ma ba tahot yu'un te espada la sta yutsil-o'tanil ta jochol taquin q'uinal, c'alal la sle cux-o'tanil te Israel.

Job 34:29

Teme ya scux yo'tan, ¿mach'a ya xhu' ya stij hahchel? Teme ya snac' yelaw, ¿mach'a ya xhu' ya yil? Pajal ya yil te nación soc te ants-winiquetic,

Daniel 12:13

Pero te ha'ate, ya xbahat c'alal ta slajibal acuxlejal, yac acux awo'tan, soc ta slajibal c'ahc'al ya xhahchat yu'un yac awich' te bin ya xc'oht ta acuenta, xchi.