Éxodo 32:8 - Bible in Tzeltal Bachajón

⁸ Ora nax la yihquitayic hilel te be te ho'on la jcalbeyic ta mandar. La spasiquix sloc'omba jcolel toro ta uhltesbil oro, la sch'uhuntayic, la ya'beyic milbil mahtaniletic, soc la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchi.

Bible in Tzeltal de Oxchuc y Tenejapa

⁸ Ora nax la yijq'uitayic jilel te be c'oem te la calbey mandal te ya st'unique. La spasbeyic sloc'ombail jcojt' alal toro ta oro ultesbil ta c'ajc'. Yacaliquix ta xch'uunel soc la yac'beyiquix smajt'an. Jich yacalic ta yalel: “¡Jlumal, ilawil, ja' dios cu'untic te la sloq'uesotic tel ta Egipto!” xiic me —la yut.

Éxodo 32:8 Referans Kwoze

1 Reyes 12:28

Te c'alal la ya'iybe sc'op te j'ac'-o'taniletic, la spas cheb jcolel torohetic ta oro, soc hich la yalbe te pueblo: Tic'aniquix a te ya xmohex bahel ta Jerusalén. Li' ay te diosetic awu'unic, Israel, te la sloq'uesex tal ta sq'uinal Egipto, xchi.

Éxodo 20:23

Ma me xapasic diosetic ta jtojol te pasticlambil ta oro o ta plata.

Deuteronomio 9:16

La jquil te la atahix amulic ta stojol Jehová te Dios awu'unique; apasojiquix sloc'omba jcolel toro ta uhltesbil taq'uin, la awihquitayic hilel ta ora te be la spasex ta mandar te Jehová.

Jueces 2:17

Pero ma ba la yich'ic ta cuenta te juecetic yu'unic, la st'unic bahel yantic diosetic, te ha la sch'uhuntayic. Ora nax la yihquitayic hilel te be banti behenic te sme'static te la sch'uhumbeyic te mandariletic yu'un Jehová; yan stuquelic ma hichuc la spasic.

Éxodo 22:20

Te mach'a ya ya'be milbil smahtan yantic diosetic, teme ma ha'uc ya ya'be stuquel te Jehová, ya me yich' milel.

Éxodo 32:4

La yich'ticlan te bin a'bot yu'unic, la spas ta cincel ta sloc'omba jcolel toro ta uhltesbil oro. Ha yu'un la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchihic.

Éxodo 34:15

Ha yu'un ma me xachap ac'op soc te mach'atic nahinemic tey ta q'uinal, como te c'alal ya yantsin sbahic c'ohem soc te diosetic yu'unic soc te ya ya'beyic milbil smahtan, ya yic'at, soc yac awe' te milbil mahtaniletic ac'bilic yu'unic,

Levítico 17:7

Ma ba ya ya'beyiquix xan milbil smahtan te pucujetic te la yac' sbahic ta antsinel yu'un c'ohem. Ha mandaril ini te ma xlaj sc'oblal ta spisil sts'umbalic, xchihan me.

Deuteronomio 9:12

Hich la yalbon te Jehová: Hahchan, cohan bahel ta ora, como te pueblo awu'un te la awic' loq'uel tal ta Egipto, bohlobenix. Ora nax la yihquitayic hilel te be te la jpasic ta mandar; la spasiquix loc'omba pasbil ta uhltesbil taq'uin, xchi.

Deuteronomio 32:17

La ya'beyic milbil smahtan pucujetic, ma ha'uc te Diose, ha diosetic te ma ba sna'beyejic sba, ha diosetic te ach' to nax chicnaj, te ma ba ich'bilic ta muc' yu'un te ame'atatique.

Salmos 78:36

La yutsil-c'optayic, pero la spasic ta lot;

Josué 22:15

C'alal c'ohtic ta banti ay te sts'umbal Rubén, Gad soc te j'ohlil sts'umbal Manasés ta sq'uinal Galaad, hich la yalbeyic:

Jueces 8:24

Soc la yal xan: Ay bin ya jc'ambeyex: jujutuhlex a'bonic te staq'uinal chiquinil te la apojic, xchi. (Yu'un ay staq'uinal chiquiniletic pasbilic ta oro, como ha'ic ismaeletic.)

Nehemías 9:18

Aunque la spasic jcolel toro ta uhltesbil taq'uin, soc te la yalic: Ha te dios awu'un te la yic'at loq'uel ta Egipto, te xchihique, soc te la spasic bintic bayel ilobtic sba,

Salmos 106:19

La spasic jcolel toro ta Horeb, la sch'uhuntayic te uhltesbil loc'omba.

Isaías 46:6

Ay mach'atic ya sloq'uesic oro ta yawil yu'un soc ya slicbeyic yalal te plata; ya schap sc'opic soc jten-taq'uin yu'un ya xpasbotic jun dios a, ya squejan sbahic ta stojol soc ya sch'uhuntayic.

Jeremías 31:32

Ma hichuc te bin ut'il te chapbil-c'op la jpas soc te sme'static c'alal la jnit loq'uel ta sc'abic ta sq'uinal Egipto; como la sc'axuntaybonic te chapbil-c'op cu'un, aunque ha smamalal c'ohon, xchi te Jehová.